ياللي تبى الفوز قدامك ميادينه

صور شاعرية

شهرٍ كريمٍ تضاعف فيه الأعمالي

اختيار وتصوير- إبراهيم الجبر

تباشري يالقلوب بعودة الغالي
اللي لفانا وحيّو به محبينه

ضيفٍ عزيز ومكانه عندنا غالي
لو غاب عوّد على الميعاد في حينه

يا كثر ما ترتجيه وتطلب الوالي
إنّه يهيئ لنا بالعمر تمكينه

شهرٍ كريمٍ تضاعف فيه الأعمالي
والمجتهد في صيامه ربّه يعينه

مكارم الله تجي كالغيث همّالي
والحمد لله على ما تنفق يدينه

رحمه وغفران فيه وعتق وجلالي
يا مدوّر الفوز قدّامك ميادينه
شعر - مطلق

بن خالد العتيبي

رد: ياللي تبى الفوز قدامك ميادينه

يعطيك العافية على حسن الاختيار

والله يجعلنا من المقبولين في هذا الشهر المبارك

رد: ياللي تبى الفوز قدامك ميادينه

الله يجزاك الجنه
أنت وقائل القصيده
ولكل المسلمين...