حنا اليا قيل حنا

[poet font="Simplified Arabic,5,black,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
يضرب مثل ((قو الجبل باحتماله))..
وتذكر على فعل الصناديد الاقوال..
عز الرجل لا جاه ضيق ارتكاله..
حتى ولو ماهوب للهم محتــــال..
روقي ومشراف المراجل رقاله..
لا زال فوق الطيب ياهيه لا زال..
روقي ضرى بالطيب عز وشكاله..
ماردته رجليه عن دوس الاهوال..
النجر تسمع بالمضارب عواله...
والحيل لا جا الضيف دمانها سال..
رجالنا بالطيب يدفع رياله..
ماهمنا عند الكرم جمع الامـــوال..
حتى فعل يمناه تجهل شماله..
يعطي عطا يمناه بالجود باهمال..
حتى و لو من فقر الاموال طاله..
ما حسب حسابه ولا كال مكيال..
ياويل منهو بالملاقا قباله
يبشر بطعم المـــــوت لاشك فالحال..
شيخ الشيوخ أليا نوينا قتاله.
ماغمض بليله ولازان مقيـــــــال..
.حنا شربنا الجود حتى الثماله...
يوم البشر فالجود بانواع و اشكال...
حتى قليل الشان نرفا خماله.
لا زاد في حكيه (( يجي الرد بافعال))
حنا كما برق ( ن) تلالا لحاله..
وحنا الوضوح فيوم كل البشر (( لال))
اطباعنا فالسلم صب البياله..
ومن قبلها للضيف (( به صب فنجال))
قبيلنا بالحرب ياشين فاله..
ورجالنا حقه ثمانين رجال..
لاتل سيفه ثم فزع له عياله..
كنه يبيع العمر في ساع(( بهبال))
ثم (ن) قصد جمع غفير(ن) عناله
ثم فرقه ياطيب فعله اليا قال..
فعل الولد ماهوب من طيب خاله
فعل الولد طيبه من العم والخال

[/poet]

الشاعر : ناصر بن عطاالله
لا شك في شاعريتك وقد استمتعت بابياتك الجزله ايما استمتاع استمتعت وانا املا فمي في قراءة ابياتها الفخريه ونعم والله يآل روق واسمح لي في كلمه وانا اتكلم معك بشكل مباشر لانك على مستوى هذا الكلام
حنا كما بر ق ن تلالا لحاله 00000 وحنا الوضوح فيوم كل البشر لال
ما اظن ان معنى هذا البيت سيتجرعه المتلقي بلا عناء وما اظنك تعني المعنى المتخفي وراء هذا البيت ولكنه الفخر الذي ملأعليك سمعك وبصرك وقد ذكرتني بقول الشاعر الجاهلي عمرو بن كلثوم :
ملأنا البر حتى ضاق عنا 0000 وظهر البحر نملأه سفينا 0 وما كان لتغلب سفن بحريه آ نذاك ولكنه سكر الفخر
الشي الثاني اخوي ناصر وانا اقرأ هذا البيت
يا ويل من هو بالملاقى قباله 0000 يبشر بطعم الموت 0000 كنت انتظر تقول (في الحال في الحال) ولكنك قلت ( لا شك في الحال ) واضعفت المعنى 00000
اخوي نا صر امل ان تتقبل ملا حظاتي بصدر رحب ولو منت بشاعر ما قلت لك اللي قلته
قصيدتك تعتبر من اجزل الشعر اللي انا قريته واو ثقه واعلقه في النفس لك تحياتي

ناصر بن عطاالله

صح لسانك وسلم بنانك

جزلة من رأس جزل

كفؤ كفؤ يا آل روق

تحياااتي

عبد الرحمن المقبـــاس:

مرورك على صفحة ناصر بن عطالله بحد ذاته شرف كبير..

فما بالك اذا كان المرور بتمعــّن...

اخوي عبدالرحمن..
لم ادخل هذه المنتديات لسماع الردود الاعتياديه فـــقط..

بل لعرض موهبة شـــاعر() قد يعجب البعض وقد لا يتقبله البعض الاخر.. ))

والسبب الثاني هو الاستفادة من الشعـــار الاخرين وافادتهم ايضـــا..

فلا تتوقع ابدا ان هذا النقد سبب للزعل او شي ء ثاني....
.
بالنسبه للبيت الاول....


حنا كما بـرق ( ن) تـلالا لحالـه..
وحنا الوضوح فيوم كل البشر (( لال))

....

يقول الشاعر الشيخ تركي بن حميد..

لي لابة(ن) تشلع من السن سنا... ان كان بالغارات ولا الطوابير...

وفي بيت اخر..

وانتم كما ضلـع طويـل ومزمـوم
=وحنـا خلقنـا الله انجـوم تهـلـه

ويقول الشيخ محمد ابن هادي ابن قرمله..

من شافنا بالحلـم يقعـد مـن النـوم
=--ون شافنـا بالعلـم بطنـه يهلـه؟؟

وهذي للشيخ راكان بن حثلين..

وأنا ذخيرتهم إذا شعلت بهم = شهب النواصي والنشامى شهودها

وهنا مع انهم ربعه (( العجمان)) رفع شأنه عنهم وليس ذلك عيبا ولكن من باب الاعتزاز..بالنفس


وقالح شالح ابن هدلان في احد قصائد في رثاء ابنه ذيب..

مات الكرم عقبه ولا عاد به طيب...(( نجمن طمن بالقاع عقب ارتفاعه))

الابيات السابقه مشابهه لما قلت وان كانوا مخطئين فاتشرف بهذا الخطأ..

اما النوايا بيض.. ولاقصور في باقي القبايل كلهم ونعم وكلن له فعله والعالم الله ماقصدي ذمهم...
.....

اما اشطر المذكر
(( يبشر بطعم الموت لاشك فالحال))

كلامك يالغالي صحيح ميه فالميه ومنكم نستفيد..

ولاهنت ...

خـــالد السبيعي..

ماعليك زود..

ومرحبا فيك ومسهلا....

[align=center]


ناصر بن عطالله

صح لسانك ولاهنت


جزلة بيض الله وجهك


موفق
[/align]

مـــــــــــــبارك بن حسين.....

مرحبا فيك ومسهــــــــلا...

ولاهنت على المرور

ناصر بن عطالله

ياهلا وغلا وحياك الله
مصافحه رااائعه

صح فكرك ونبضك

نتطلع للجديد القاادم

وباقة ورد

سالم الوهبي

[align=center][all1=#CCCCCC]
مرحبا اخووي ناصر

صباح الرضـــى

صح لسانك لاهــنت

قصيده رائعه

ونعــم بك ونعـم بقبيلتك

( لم ادخل هذه المنتديات لسماع الردود الاعتياديه فـــقط..

بل لعرض موهبة شـــاعر() قد يعجب البعض وقد لا يتقبله البعض الاخر.. ))

والسبب الثاني هو الاستفادة من الشعـــار الاخرين وافادتهم ايضـــا..

فلا تتوقع ابدا ان هذا النقد سبب للزعل او شي ء ثاني....)

لفتت انتباهي هذهِ الكلمات التي هي من ذهب فالله درك

على هذا الرد الذي ان دل على شي انما يدل على وعي فكرك

ورقي اسلوبك, ووسعة صدرك..وروعة شاعريتك

فلك الف شكر مع تحية احترام وتقدير

اختك العبيه[/all1][/align]

ســـــالم الوهبي...

العيبه....


نورت الصفحة بوجـــــودكم....

ولاهنتوا على المروووور...

[align=center]ناصر بن عطا الله

صح السانك على القصيد الرايعه


والله لايهينك وبيض الله وجهك


موفـــــــــــــــــــــــــــــــــــــــــــــق[/align]

جــــاسم الجربـــوعي...


حياك الله..

وابرك الساعات ..

نشكر لك تواصــــلك....

[طــامي الهاجــري]

ويقول الشيخ محمد ابن هادي ابن قرمله..

من شافنا بالحلـم يقعـد مـن النـوم
=--ون شافنـا بالعلـم بطنـه يهلـه؟؟

هذا ما كتبه الاخ ناصر بن عطالله

ولكن الصحيح

من شافنا بالحلم يقحص من النوم *** ومن شافنا بالعلم بطنه يهّله

طـــــــــــــامي الهاجري...


نشكر لك حضـــــــــــــــــورك,,

ومرحبا بك ..

ولكن ليس هنا الاختلاف.....

وان كانت جـــل الموروث الشعبي تختلف رواياته...


اما بالنسبه لمصادري في هذا البيت...

فهي ...

ديوان الامير الفارس تركي بن حميد...اعداد وجمع (( نــــــــواف الخالدي))

او كتاب فرسان الصحراء المشهـــــــور ,,,,

وكتاب (( قحطان اصل العرب)) لكاتبه راشد بن ابراهيم التميمي...

ومرحبا بك ياطـــــــــــــــــامي.....



ودمــــــــــــــــــتم,,,,,,,,,,,,

[عبيد راشد المنصوري]

ناصر بن عطاالله

صح لسانك وسلم بنانك

جزلة من رأس جزل

كفؤ كفؤ يا آل روق

تحياااتي