يالله ياللي كافل ٍ كل الأرزاق

[align=center]

أخواني أعضاء المنتدى الأفاضل

ثاني مشاركة لي في هذا القسم قصيدة من قصائدي

أتمنى تحوز على رضى الجميع




[poem=font="Arial,5,firebrick,normal,normal" bkcolor="transparent" bkimage="" border="double,3,silver" type=1 line=1 align=center use=ex num="0,black"]
يالله ياللي كافل ٍ كل الأرزاق = ياموزع ٍ رزقه على كل مرزوق

تعين من عينه على بيض الأوراق = ييبا البيوت اللي لها داخله شوق

وجنه مثل معشوق في حضن عشاق = لا وافق العاشق بطى شوف معشوق

وأخذ يسطرهن على كيف مالاق = تجوز للشعار واللي لهم ذوق

يبا يماري كل شاعر وسباق = لو إن هالطاروق ساري ومطروق

هجس ٍ بدعه الراس ماني بسراق = لو نستعير القاف في بدع طاروق

وخلاف ذا ياللي تبا جمع الأذواق = عليك باللي مابعد طب فالسوق

من اليمن جابه وجنبه الأسواق = لاهوب في كيس ٍ ولاهو بصندوق

في كف من يمناه للحمس تنساق = في حمسته ماهو عجول ٍ ومطفوق

حمسته شقرا ً كنها شمس الإشراق = حبه لاهو نيئ ٍ ولاهو بمحروق

ونجره ليا دنه بتحريك الأشواق = يحرك الأشواق والبن مسحوق

وقلط دلال ٍ أصلهن شام وعراق = رسلان او بغداد في وصف غرنوق

فنجال منه الهيل والبن شعاق = ينساق من يمنا ً عسى ماتجي العوق

في مجلس ٍ فيه المكارم والأخلاق = ويجمع صنوف الخلق راقي ومرموق

راعيه ماحسب حسابات الإنفاق = سابق بعلم الطيب ماهو بمسبوق

وصلاة ربي عد مالاح براق = على النبي الهاشمي خير مخلوق[/poem]




وسلامتكم [/align]

صح لسانك اخوي محمد

بيض الله وجهك على هالقصيده الطيبه

لاهنت على القصيده وصح الله لسانك.

جزله ......... ونبي نتقهوا عندك.

وفالك الخير كله.

لاهنت على القصيدة وصح لسانك مشكور على المشاركة

صح لسانك اخوي محمد

بيض الله وجهك على هالقصيده الطيبه

وليد بن عبدالله التميمي

صح بدنك

ووجهك ابيض

ولاهنت على المرور

تحيتي لك

لاهنت على القصيده وصح الله لسانك.

جزله ......... ونبي نتقهوا عندك.

وفالك الخير كله.

خالد السديري

صح بدنك

ومرحبا ومسهلا والله يحييك

والجزل مرورك


تحيتي لك

لاهنت على القصيدة وصح لسانك مشكور على المشاركة

بدر العازمي

ولا انت وصح بدنك والعفو

ولاهنت على المرور

تحيتي لك

صح لسانك اخوي محمد وبيض الله وجهك على القصيدة الجزلة

صح لسانك يالشاعر

وبيض الله وجهك على هالجزله

ومنهي الي اعلي