موضوع مهم ويخص الادارة والاعضاء

[frame="14 80"][align=center]بسم الله الرحمن الرحيم

فيه بعض الاعضاء صار لهم مده من يوم دخلت المنتدى

ماكتب رد من نفسه دائما ينسخ الردود اللي قبله ويرد بها

هذا الشخص الظاهر انه بس يبغي يزود مشاركاته

ولايهتم بالرد على الموضوع وانا ما أقدر اذكر اسم العضو لخجلي منه

ولكن اتمنى ان مايعيد هذه الحركة مره ثانية

انا ماراح استفيد شي اذا كتب رد من نفسه
.
ولا راح اخسر اذا نسخ الرد لكن ويش اللي يجبره على النسخ

اتمنى من الادارة مسح مشاركاته اللي ناسخها لكي ما حد يكرر نفس الخطأ

وانا صار لي مده مركز عليه وهو مايكتب رد من نفسه

اتمنى يفهم مقصدي من هذا الكلام ولا يفهم غلط

اخوكم ومغليكم حمد بن سنيد المري[/align][/frame]

الله يعطيك العافيه ياحمد
على ملاحظاتك

لا هنت اخوي حمد

على الملاحظه وكلنا اخوه في هاذا المنتدى من لاحظ شي من الخطأ

او الزله فل ينبه صاحبه على الخاص وكل الكلام هاذا لرتقاء المنتدى

وتقبل مروري

أرحب يالمري


أنا أتسائل هل إذا كثرت مشاركات العضو هل لها مردود عليه ينفعه ويستفيد منه 0 أسمح لي بالإجابة إذا العضو ماقرأ الموضوع ورد عليه ليفيد غيره إذا كان تسائل عن شئ أويستفيد هومنه إذا كان جديد عليه ويشكر صاحبه أويناقش ليفهم 0

فقل عليه السلام فلماذا يسجل ويكلف نفسه لا أفاد ولا إستفاد


تحياتي للجميع

بسم الله الرحمن الرحيم

حياك الله يالمري

النسخ ما فيه عيب والي انت شفته لكنا انسويه

في بعض المشاركات من الاخوان اتكون بيع او شراء

او موضوع هو ناقله عن طريق احد غيره كاتبه
او نصايح او انه يأيد راي الاخوان الي سبقوه
فطبيعي الردود اتكون كلها متشابه

ومفهوم تكثير الردود يا اخوي هذا غلط الردود ماهي رصيد بالبنك على شان يكثره
المسأله تقدير لكاتب الموضوع
واذا انت كان قرضك النصيحه تقدر ترسل له رساله خاصه واتخبره فيها
بدال ما اتفتح عيون الاخوان عليه او اتقلل



احني بالمنتدي ونكتب مواضيع ونتعب في جمع المعلومات
ونذهب لأهل الابل وانصور ابلهم ونسمع منهم كلامهم
وانجي المنتدي ونعرض ولا يجينا رد
بالنسبه لي الي بقنل ويقدر الشخص افضل من الي يمر على ولا يبدي ولا كلمه عليه
اخوي بعض الشي افضل من لا شي

كلكم كلامكم صح
وخير الكلام ماقل ودل

انا اشوف انه ما فيها شي خصوصا لرفع سلعه مضى عليها زمن في قسم سوق مزاين او رفع موضوع قديم واحترم رأيك والاختلاف لا يفسد للود قضيه

مع شجاع الاكلبي هل إذا كثرت مشاركات العضو هل لها مردود عليه ينفعه ويستفيد منه

ومع بن شريه الردود ماهي رصيد بالبنك على شان يكثره

واعتقد في اقسام البيع يجب قول جمله واحده والمتعارف عليها الله يرزق البائع والشاري
وفي قسم الذهيب والمفقود الله يعقلها عليك متعارف عليها

فلا تحسبن الاعضاء يبحثون عن كلمه عضو نشيط
وشكرا

والله الدعوه الطيبه مطلوبه ولكن احيانآ الشخص يعرض سلعه واذا لقاها معروضه على الصفحه الاولى طار من الفرحه وراح يفتحها والنتيجه صفحه كامله اوصفحتين كلها الله يربح البايع والشاري.

لاهنت يابن سنيد

انا مع كلام الاخ محمد بن شريه

ولاهنت اخووي حمد ع الموضووع

بسم الله الرحمن الرحيم

حياك الله يالمري

النسخ ما فيه عيب والي انت شفته لكنا انسويه

في بعض المشاركات من الاخوان اتكون بيع او شراء

او موضوع هو ناقله عن طريق احد غيره كاتبه
او نصايح او انه يأيد راي الاخوان الي سبقوه
فطبيعي الردود اتكون كلها متشابه

ومفهوم تكثير الردود يا اخوي هذا غلط الردود ماهي رصيد بالبنك على شان يكثره
المسأله تقدير لكاتب الموضوع
واذا انت كان قرضك النصيحه تقدر ترسل له رساله خاصه واتخبره فيها
بدال ما اتفتح عيون الاخوان عليه او اتقلل


احني بالمنتدي ونكتب مواضيع ونتعب في جمع المعلومات
ونذهب لأهل الابل وانصور ابلهم ونسمع منهم كلامهم
وانجي المنتدي ونعرض ولا يجينا رد
بالنسبه لي الي بقنل ويقدر الشخص افضل من الي يمر على ولا يبدي ولا كلمه عليه
اخوي بعض الشي افضل من لا شي

مرحبا ياحمد

انا احب ارد عليك ولكن اشوف ما فيه شي اقدر اكتبه احسن من رد اخوي محمد وعشان كذا اقتبسته

في رايي النسخ مرفوض تماماً

وساطرح مثال

فرضاً انك رحت للمكتبة وشريت كتاب مكون من 100 صفحة وعند فتح الكتاب وجدت ان كل 10 صفحات مكررة بالحرف وبنفس المحتوى

فهل ستقول انه كتاب من 100 صفحة او من عشر صفحات

فانا شخصياً انزعج عندما اكتب موضوع واجد ردود منسوخة ومتشابهة صاحبها ماكلف نفسه حتى بكتابة سطر من باب جبر الخواطر

وتدل بالتأكيد على ان صاحبها يريد زيادة رصيده من المشاركات

حتى تزيد عدد النجوم او يكتب تحت اسمه (عضو نشيط) او يكون صاحب اعلى مشاركات لليوم الماضي او الشهر الماضي

وفي اضعف الحالات لابأس من اقتباس الرد

تحياتي للجميع