حياااااتي

هذي ابيات من قصيده لم اكملها بعد فاردت اخذ رايكم قبل تكملتها


حياتي ملكها بيدك&&&&&&تدلل أمر ياقلبي
تبي روحي فدوه لك&&&&&بس أمر وأنا البي
أنا أحبك وأحلف لك&&&&&ورب الكون وربي
أبي اسمع انا صوتك&&&&متى تتحقق امنيتي
ابي ايديني في ايدينك&&&&ابيك تكون في قربي
واول مطلبي شوفك &&&&&&ياحبي وقلبي وكلي
وثاني مطلبي حبك&&&&&&& يااجمل ماخلق ربي

وسلامتكم

الاخت بدوية

يا هلا وصح لسااانك

مشاعر طيبة وكلمات جميلة والله يعطيكِ العافية

أختي الانسان لا يولد كامل أو عالم بكل شيء

وتبقى التجارب والاستفادة منها هي التي تصقل المواهب وتنميها

ولا تنسي أن الصديق الحقيقي هو من ينصح وليس من يجامل

وهذه المحاولة طيبة ولكن الأبيات بحاجة لبعض الوزن وتوحيد القافية

لاهنتي أختي الكريمة

ونرجو أن نرى محاولات أخرى أجمل وأفضل باذن الله

أخوكِ

يا هلا فيك يا الغااليه
كلمات جميلة استحقت المرور والقراءة


ولا زيادة على ما قاله الاخ خالد السبيعي
وانشاء الله نشوف الاجمل


بالتوفيق اخيك



العجمـــ بــــــدر ـــي...@@

[align=center]
هلا يا أخت بدوية


والله يعطيك العافيه

محاولة طيبة


و مثل ما قالوا الإخوان الله لايهينهم



موفقه

[/align]

[راعية الفزعه]

ياهلا وغلا أختي العزيزه...

تسلم يمناك...

بس مثل ماقال أخوي خالد الوزن والقافيه تحتاج شويت تعديل


ومنتظين التكلمه...

لاهنـــــــــــتي

[عبيد راشد المنصوري]

حيا الله ابدويه لك الشكر علي الابيات الحلوه

اشكركم اخووواني وماشكورين على النصيحه وجزاكم الله خير

بدويه وأفتخر

هلا وغلا

أولاً : صراحه أعجبني الاسم إختيار جميل للاسم

ثانياً : بالنسبه للمحاوله جميله كابدايه حيث إن البدايه دائماً صعبه

ويكون فيها اخطاء كثيره ولاكن صدقيني اللي مايخطي مايتعلم فلو سئلتي كبار الشعراء عن

بداياتهم بعضهم يضحك وبعضهم يخجل من المواقف والاخطا التي مر فيها ولاكن العبر ه

في التعلم من الخطا .

ملاحضاتي

البيت الاول فيه خطاء فادح .... وهو / حياتي ملكها بيدك

الحياه لايملكها إلا الله سبحانه ... وهذا خطا إنتبهي له في المستقبل

فلا يجوز التعدي على حدود الله ، ولا التشبيه بما هو أقل ...

باقي الابيات فيها إختلال في الوزن ونشوز في القافيه في بعضها

ودائماً إذا أردتي وزن القصيده إذا تعرفين .. التفعيل أي التقطيع فبها

وإلا ، إختاري للبيت الاول لحن يناسبه وغنيه ثم كملي الابيات كلها على

نفس اللحن بدقه ، وأي بيت لايركب مع اللحن فأعلمي انه غير موزون وقومي بتعديله


وفي إنتظار جديدك

ودعتك الله

اخوي عبدالله مشكور على المرور والتنبيه اللي مالحظته الا بتنبيهك لي وماقصرت وجزاك الله خير ولاهنت اخوي

بالتوفيق يابدويه وابيات معبرة وتحتاج لترتيب شوى

اخوي ابراهيم لاهنت على المرور الطيب

بدويه وافتخر ..

هلابك في منتدى الجميع ..

وصح لسااانك ..

بلا شك مشاعرك جميله ..


يبقى ان اشدد على ماذكره الاخ خالد واخواني الزملاء ..

.. واذا اردتي ان تزنيها جيّداً فغنّيها على لحن واحد حتى اخرها ..اي لحن سلس ..

البيت ما قبل الاخير اختلفت القافية فقدمتي قلبي على كلي ..

ولو قلتي كلي وقلبي لاصبح تكرار كلمة قلبي صدعاً آخر في القصيدة .. كما تكررت كلمة ربي


عموماً هي محاولة جيدة ..

اتمنى لك التوفيق وعدم اليأس او التردد من خوف الانتقاد ..

ولك تحياتي وتقديري ..

سعد الحمدان

بالتوفيق يابدويه وابيات معبرة وتحتاج لترتيب شوى

مثل ماقال الاخ /عبدالله القحطاني

البيت الاول فيه خطاء فادح .... وهو / حياتي ملكها بيدك

الحياه لايملكها إلا الله سبحانه ... وهذا خطا إنتبهي له في المستقبل

فلا يجوز التعدي على حدود الله ، ولا التشبيه بما هو أقل ...