قصيدة لافي الغيداني ...

لافي الغيداني



اقبل يحرك خطوة الرجل برفوق
والقاع لمصافح خطاه يتشوق
مخلوق لكنه ماهو بأي مخلوق
على بنات آدم وحوى تفوق
عليه لبس ٍ يجمع الوسع والضوق
موسع ٍ بعضه .. وبعضه مضوق
مر .. وتعدا مابدا منه منطوق
الا انه بجيش المفاتن مطوق
خلاني امشي واقضب الدرب واتوق
ماني بتايق عقل لكن متوق
تقووول مرمي ٍ على الارض من فوق
والا من السم ﴿السقطري﴾ مذوق
يغفى علي شوي وشوي ٍ افوق
واقول لاستيقضت والبال روق
مدام لامعوق ولا صايبه عوق
وراه يمشي مثل مشي المعوق
اللي على حاله خطر من هل السوق
مفروض يمنع مايروح يتسوق



منقوووووول

صح لساان الشاعر وبيض الله وجهك على النقل

صح السان الشاعر لافي حمود الغيداني الحربي
قصيدة جزلة ورائعة
شكرا لك على نقلها هنااا
تحيااااااااااتي وتقديري

صح لساان الشاعر وبيض الله وجهك على النقل

الاخوان خالد الشيباني
وياسر الحربي
وخالد العرجاني

بيض الله وجيهكم ع المرور والمشاركات الطيبه ,, والله يعطيكم الف عافيه ..