قصة أعجبتني

السلام عليكم ورحمة الله وبركاته
:
هذي قصه أعجبتني وحبيت أنقلها لكم للمتعه:
:

القصه عن شايب اسمه حمدان وهواوي ( قلبه خضر :ما يشوف بنت الا ينفتن...

ومشهور بانه حبّيّب

وكان فيه بنت ملكعه وصاحبة مقالب قالت في نفسها انا ليه ما اروح للشايب وامزح معه

واضحكه شوي واشوف ردة فعله كيف تكون .

راحت له وسلمت عليه كيف حالك يا شايب رد السلام والله بخير الله يعافيس

وفجأه عطته ظهرها ومشت ولا استإذان ولا شي .....

ولع الشايب من حركتها ...

ثم قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت

باخوي حمود اللي في قبره ويذكر التاريخ واليوم اللي قابلها فيه ...

يقول الشايب :



يا بنت اخذي خاطري وارحمينـي ..!..!.. لا تجرحين العـود بعيونـك السـود

غضي نظـرك وغطـي الوجنتينـي ..!..!.. لعـل يـومٍ جـدد الجـرح مــا يـعـود

يوم انتهى مع مرمسـات السنينـي ..!..!.. جتني صواديفه على غير مقصود

باول شهـر عشـره نهـار الثنينـي ..!..!.. حمدان مروا به على جنازة حمود




البنت كانت تقصد من استفزازه انها تجاريه في الشعر وترد عليه والمسكين

ما كان يدري انها شاعره وعلى باله ما خذ راحته في التغزل .

ردت عليه وهزأته

تقول البنت



يا شايب الرحمن وينـك ووينـي ..!..!.. عزي لحالك قدمك الباب مسـدود

قلبك عطوف وجاه قلـبٍ متينـي ..!..!.. والبنت ما تشفق على مغازل العود

حبل الرجا مقطوع بينـك وبينـي ..!..!.. مثل الغليث اللي رعا قلبه الـدود

اقفى شبابـك والعـرب مقبلينـي ..!..!.. يا عود ما يرجع من العمر مفقود




حطمت حمدان يوم قالت له انك عود وان الشباب ما يرجع وان ما فيه امل تعطيه وجه ..

حس العود انه تورط وقال كم بيت يقول لها صدي عني انه ما يبي الغزل بعد ما وصل

عمره ثمانين سنه

يقول حمدان :



يا بنت صدي بالعيـون الظليلـه ..!..!.. لا صد عنك الله نهـار القيامـه

مالي ومالك يالفـروع الطويلـه ..!..!.. لو فيك من رسم البداوه علامـه

يابنت ما لـي بالثمانيـن حيلـه ..!..!.. اهدف كما تهدف على البير قامه

اقفى شبابي والدهر شفت ميلـه ..!..!.. يالله حسـن الخاتمـه والسلامـه

اعطيك موجز والبضاعـه قليلـه ..!..!.. واخذت لك من صافي الماء سنامه




بعد فتره مرته مره ثانيه ورمت عليه السلام واستفزته وراحت وخلته وولع الشايب..

وقال ليه ما ابين لها في كم بيت انها بتشيب مثلي واني رجال طيب وان الناس تنصاني

ومعروف بالكرم واني ما ابي منها غير التحيه والترحيب ...


يقول حمدان




يا بنت ما جاس الكبـر والخشونـه ..!..!.. وعادت شباب اليوم يجفل من الشيب

ياسرع مـا وبلـك تمـزع مزونـه ..!..!.. يالفاتنه يـا ام الثمـان الرعابيـب

يا بنت مـا بينـي وبينـك مهونـه ..!..!.. كلمة شرف نبـي تحيـه وترحيـب

الله مـن عـودٍ ثقيـلـه طنـونـه ..!..!.. ينصاه راع المشكلـه والمواجيـب

على الكرم والديـن نفسـه حنونـه ..!..!.. تلقـاه بالاجـواد شـرق وتغاريـب






جهز الابيات وارسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات شافتها البنت وقفلت على العجوز في غرفه

وقالت مثل ما جيتي بابياته ترجعين بأبياتي ...

العجوز مسكينه قالت طلعيني ولا ابي منكم شي الله لا يعودكم انتم واوراقكم


ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف


تقول البنت


العود عود وطايحـاتٍ سنونـه ..!..!.. من كثر ما يرقد على جرة الذيب

عودٍ مهرقل والعرب ما يبونـه ..!..!.. ياعود ما لك في طويل المراقيب

اقفى شباب العود راحت حتونه ..!..!.. مثل اليتيم اللي بكا ما له مجيب

جداه ينثر دمعة ٍ مـن عيونـه ..!..!.. غريق موجٍ ما لقا له مقاضيـب


تقبلوآ أرق التحايا وأجلها

صح لسانك ولسان الشعراء


وبيض الله وجهك

لاهنت يابو حمد و انا عطانا الله طولت عمر بنذوق ماذاق العود .

يعطيك العافية
على نقل القصة والقصيدة الرائعة
تحياااااااااتي لك

يعطيك العافية
على نقل القصة والقصيدة الرائعة
تحياااااااااتي لك

يعطيك العافية
على نقل القصة والقصيدة الرائعة
تحياااااااااتي لك

بيض الله وجهك


والله يعطيك العافيه

ويله على يعود شباب

الله لايهينك يابوحمد على القصه

بيض الله وجهك


والله يعطيك العافيه

يعطيك العافية
على نقل القصة والقصيدة الرائعة

الله يعطيك العافية


على نقل القصة والقصيدة الرائعة