.....قصـائد وابيات فـي الذاكــرهـ ...

[align=center][all1=#CCCCCC]

السلام عليكم ورحمة الله وبركاته

صبحكم الله بالرضى والخير

اتمنى يكون الجميع بخير يمال الخير

في الحقيقه فأني لااعلم من اين ابدأ وكيف

ستكون البدايه ولكنها فكرة عايشتني وعايشتها

بكل مافيها من ابعاد وتمنيت ان تكون على ارض

الواقع ولكن ذالك يحتاج الى مساعدتكم الرائعه ..[/all1][/align]

[align=center][all1=#CCCCCC]اما من ناحية ماهية الفكره فقد اتت من احتياجنا

الى معرفة الكثير من ابيات وقصائد للشعراء القدماء

لكي نروي عطشنا وعطش كل محب لماهو جزل

ايضاً لانستطيع الانكار بأن بعضنا يحفظ ابيات ويجهل قائلها

فنحنٌ بهذه ِ الفكره نكون قد جددنا ذاكرتنا وزدنا في ثقافتنا[/all1][/align]

[align=center][all1=#CCCCCC]فما رايكــم في عمل موسوعه يكتب فيها كلا ً منــّـا مايعرفه

من الابيات او القصائد ويذكر من القائل لــتعــم الفائده المنشوده

مع العلم ان اغلب الاخوان مشكورين قد افادونا بالكثير من قصائد

القدماء التي تميزت بالجزاله والروعه فالهم كل الشكر والتقدير ..[/all1][/align]

[align=center][all1=#CCCCCC]ملاحظه :كثيراً منــّا قد يحفظ ابيات على انها لشاعر معين

ويكون على خطا في انها ليست للشاعر ذاته ..وهنا نحاول

التصحيح ونسب الابيات لاصحابها وندعو الله عزوجل ان نستطيع

عمل ذالك فنحنُ نجتهد والله اعلم بالصواب[/all1][/align]

[align=center][all1=#CCCCCC]وقبل ان ابدأ في طرح اولى مشاركاتي في هذا الموضوع لابد من كلمة حق

وهي انني على ثقه كبير بروعة ذاثقتكم وجزالة اختياراتكم

التي تعودنا عليها وايضاً فأن كل قــديـــم هو بحد ذاته جميل [/all1][/align]

[align=center][all1=#CCCCCC]البارحه والعين عييت تغفـّـي / عيت تذوق النوم لاواغليله

النار شبت مالقت من يطفي / اوجس على كبدي سواة المليله

تبينت ماعاد فيها تخفي / ومن ربعنا شفنا بالايام عيله

خسران من يتبع رفيق مقفي / والقلب يجفل كل ماشاف ميله

ماينفع الخايف كثير التخفي / واللي قسم للعبد لازم يجي له

كم سربة ٍ خليتها تستخفي / وارويت عطشان السيوف الصقيله

خلف الأذن [/all1][/align]

[align=center][all1=#CCCCCC]من الراي سامح صاحبك لاتعاتبه / الى زل او ابطا بشي تراقبه

وخذ ماتيسر منه واستر خماله / الى عاد نفسك في ملاماه راغبه

وان كان مالك فيه شف ٍ ورغبه / فاقطع حبال مواصله ولاتقاربه

فمن لايسامح صاحبه عند زله / خلاه صرف البين من غير صاحبه

وللصاحب الصافي حقوق ٍ لوازم / خمس ٍ وهي في سلم الاجواد واجبه

الى زار اكرام ٍ والى صد نشده / وان زل غفران ٍ وان غاب كاتبه

والخامسه وان جاك في حد عازه / تصفق به الدنيا واشافيه لاغبه

تلقاه بالمجهود عجل ٍ فربما / تحمد مكافاته الى جتك نايبه

محمد بن مسلم [/all1][/align]

[align=center][all1=#CCCCCC]في النهايه اتمنى ان اكون وفقت في هذا الطررح

اختكم العبيه[/all1][/align]

[عبيد راشد المنصوري]

فكره رائعه من استاذه ماهره بارك الله فيكي علي الطرح القيم وان شاء الله نبداء والجماعه من الان

العزيزه العبيه

هلا وغلا

دائماً أفكارك نيره ومشاركاتك مميزه

وإختياراتك موفقه بارك الله فيك وفي أفكارك

حضورك مهم بالنسبه لي لما يحمل من الفائده للجميع

إنشاء الله سوف أنسق مشاركه أبيات من الذاكره وترينها قريباً

وأمل التفاعل من الجميع .


حفظك الله

[align=center][all1=#CCCCCC]


مرحبا اخوووي عبيد راااشد

مساء الرضــــى

لك الف شكر على مروورك الرائع

ولاهنت عسى عمرك سالم

اختك العبيه[/all1][/align]

[align=center][all1=#CCCCCC]

مرحبا اخووي عبدالله

مساء الرضــــى

لك الف شكر على تواجدك الرائع

والف شكر على كلماتك اللي اعتزبها

ولاهنت الله يعطيك العافيه

اختك العبيه[/all1][/align]

[align=center][all1=#CCCCCC]

مرحبا بالجميــــع

مساء الرضــــى

انا ليا كثرت الاشاوير ماشير/ حلفت ماتي بارز ٍ مادعاني

وانا صديقه في الليالي المعاسير / والاالرخا كلّ يسد بمكاني

وشوري ليا هجت توالي المظاهير / شلفا عليها رايب الدم قاني

شلفا معودها لجدع المشاهير/ يوم السبايا كنها الديدحاني

ماني بخبل ٍ مايعرف المعابير / قدني على قطع الفرج مرجعاني

ان سندو حدرت يم الجوافير/ وان حــدرو سنــدت للمريغاني

ناخذ بخيران المريبخ مسايير/ ومادبر المولى على العبد كاني

شالح بن هدلان

يارب يامن كل خلقه تسالــه / ياكاشف الاكراب يافارج الضيق


يامن تنزه في علاه وجلالــه / واحصى جميع ارزاق كل المخاليق


تريح ناس ٍ ناقلين الحمالــه / وتسوق بالطافــك لهــم حظ توفيق


وش حالة المخلوق من دون ماله ...ولاعاد كده مايكافي المخاريج


تقل حتى حيلتــه واحتيالــه / ويظل حيران ٍ بقلبـــه لــواهــيــج


متمشكل ٍ من سوّ حال ٍ جراله / يشكي فلس عقب الخيش والصناديق

بطــي بن سهيل

اختكم العبيه[/all1][/align]

العزيزه العبيه

هلا وغلا

دائماً أفكارك نيره ومشاركاتك مميزه

وإختياراتك موفقه بارك الله فيك وفي أفكارك

حفظكم الله جميعا وبارك فيكم

محبكم ومغليكم

[align=center][all1=#CCCCCC]


مرحبا اخووي خالد

مساء الرضــــى

لك الف شكر على مروورك الرائع

والف شكر على كلماتك اللي اعتزبها

اختك العبيه[/all1][/align]

[align=center][all1=#CCCCCC]


مرحبا بالجميـــع

مساء الرضــــــى


عيني قزت عن نومها واسهرتني / ماهي مريضه مار بالقلب ولوال

واحسرتي من عشقتي عايفتنـي / وشامت ونسيت مامضى لي بالافعال

تعطرت يوم انها باغيتني / واليوم ماحطت علومي على البال

وقرونها جرد السبايا تلتني / وعطورها دم النشاما لياسال

عاهدتها بالله وهي عاهدتني / واليوم اشوف افعولها اقفاي واقبال

دنياي بحمول العنا ضاهدتني / والكبر يرث بالرجل كل غربال

من مدها بالجود ياما عطتني / وياما ركبنا فوق عجلات الازوال

وياما على طيب الفعايل هدتني / وخليت عيراتت النضا تهذل اهذال

نمشي على ماكاد لو ساعفتني / وان عاضبت نذكر بها زين الامثال

وكم سربة ٍ نجرها تابعتني / وخليت غارتها على القوم تنهال

والله لخوض بحورها لو عصتني / مادام جسمي باقي مابعد زال

مالي حسايف كانها خالفتني / للي يخلط الخير والشر عمّـال

ساجر الرفدي


عديت بالطايل وظليت اخايل / ولجّيت مايل لين فيّي معي مال

وجدي عليهم وجد راعي شوايل / خلّي خلاف الجيش والدم وشّال

من كف شغموم ٍ على وسق حايل / لعيون من قرنه على محزمه مال

الله على حرّ سبوق الشلايل / حرّ يقطـّـع راكبه زامي الجال

ألحق عشير ٍ حط فيّ الغلايل / والا انّ باقي الحيّ ماحسّوا البال


عديمه الخراصيه

اختكم العبيه[/all1][/align]

[align=center][all1=#CCCCCC]

مرحبا بالجميــع

صباح الرضــــى

يامل قلب ٍ بيّح الولف سدّه / وان جيت اسلـّـي خاطري ماتهيا

شاب الهوى وانحلّ جسمي وهدّه / بيّنتني لعداي واشمـّت فيّــا

ياقلب ياللي شيّب الراس حدّه / بالك تكون لمن جفاك ارقبيــا

ياقلب من قاضى جميلك بصدّه ./ لاتقبله لوكان حسن التزيــا

عن ذاك باب الوصل ياقلب سـدّه / شم للعلا واشمخ لنجم الثريــاا

محمد العرفــج

محد ٍ تصاريف الزمان اكتشفها / تغيرت سلم ٍ على الخلق مقدود


دنياك بالقفلات يضرب صلفها / لمحة بصر ماله سنا برق ورعوود


غــدارة لو اضحكتك بطرفهــا / ترااك عقب الضحك ببكاك ماعوود


ان اقبلت قامت تمشّــط زلفها / هنوف عرس ٍ طيبها المسك والعوود


وان ادبرت شفت الكدر من حرفها/ تمسي تسيد وتصبح الصبح مسيوود

مرشد البذاااال

اختكم العبيه[/all1][/align]

[align=center][all1=#CCCCCC]

مرحبا بالجميع

صبحكم الله بالرضـــى

يالله ياللي مادخيلك يضامي / ياللي عفيت وحل لطفك على ايوب

اطلبك يامحيي هشيم العظامي / والي ولاغيرك ولي ومطلوب

يالله تجمع شملنا بالتمامي / ياعاقل يوسف على ابوه يعقوب

بجاه من صلى لوجهك وصامي / تفتح لنا من باب لطفك لنا بوب

وبجاه من لبّى ولبس الحرامي / ورقى على راس الجبل قاضي النوب

ياعالم باللي خفى من كلامي / تبهج فواد اللي على البيت منعوب

يالله يامسقي كبودٍ ظوامي / من مي زمزم نافل كل مشرووب

هيّا ودنوا لي ركاب همامي / نبي نزور اللي على القلب محبوب

نبينا نضفي عليه السلامي / وحنا علينا الحج فرض ومكتوووب

محدى الهبداني

اختكم العبيه[/all1][/align]

[align=center]بعض الابيات التي دائماً في الذاكره .[/align]
[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
سـدك فلا تعطيـه عـمٍ ولا خـال = كـم واحـدٍ بالهـرج يبحـث كنينـه
[/poet]
[align=center] عبدالله بن سبيل[/align]
[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
نعـد الليـالـي والليـالـي تعدنـا=العمـر يفنـا والليـالـي بـزايـد

قولـوا لبيت الفقـر لا يامـن الغنـا=وبيت الغنـا لا يامـن الفقـر عايـد
[/poet]
[align=center]راشد الخلاوي[/align]

[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
من لا يستشيـرك لا تباديـه بالشـور=ومن لا يـودك سعـد عينـك فراقـه
[/poet]
[align=center] الدقيس[/align]

[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
عـلامـه مـا ينابينـي عـلامـه=ويخفـي مـا بقلبـه من غرامـه

ويخلـف سنـة العشــاق فيـها=ومثلـه مـا يغابـي فـي كلامـه
[/poet]
[align=center]محمد بن لعبون[/align]

[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
قـومٍ إلى جيتـهم رفـت شواربـها=بالضحك واقلوبها فيها الردى كالـي

وقومٍ إلى جيتـهم صكـت حواجبـها=وأبدت لي البغض في مقفاي واقبالـي
[/poet]
[align=center]بديوي الوقداني[/align]

[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
أدّب ولـدك إن كان تبغيـه يشفيـك=واستسعفـه من بعـد مربـاه بـالآك
[/poet]
[align=center] ، ، ، ، [/align]

[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يا ذيب وان جتك الغنـم في مفاليـك=فاكمن إلى حيـث الرعايـا اتّعـداك

مـن أولٍ يا ذيـب تفـرس بياديـك=واليوم جا ذيبٍ عن الفـرس عـداك
[/poet]
[align=center]بركات الشريف[/align]

[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يابجـاد شـب النـار وادن الدلالـي=واحمس لنا يابجاد ما يقعـد الـراس

ودقـه بنجـرٍ يـاظريـف العيالـي=يجذب لنا ربعٍ على اكـوار جـلاس
[/poet]
[align=center] ، ، ، ،[/align]
[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
لاخـاب ظنـي بالرفيـق الموالـي=مالي مشاريـهٍ علـى نايـد النـاس

لعـل قصـر مـا يجيلـه ظـلالـي=ينـهد مـن عـال مبانيـه للسـاس

لاصـار ما هـو مدهـل للرجالـي=وملجا لمن هو يشكي الضيم والبـاس
[/poet]
[align=center]محمد السديري[/align]

[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
اللي يبينــا عيّـت النفــس تبغيـه=واللي نبـي عيّـا البخـت لا يجيبـه

[/poet]
[align=center]نوره الهوشان[/align]

[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
البـارحـة يـوم الخـلايـق نيـاما=بيّحـت من كثر البكـا كل مكنـون

لـي ونّـهٍ مـن سمعـها ما ينـاما=ونّة صويبٍ بين الأطـلاع مطعـون
[/poet]
[align=center] نمر بن عدوان[/align]

[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
من ناظري دمعي على الخد مسكـوب=ومن الحوادث شاب راسي وأنا شـاب

لا لـذ لـي زادٍ ولا حلـو مشـروب=ولا لموق العين طيـب الكرى طـاب
[/poet]

[align=center] ، ، ، ، [/align]
[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
غنا النفس معروف بتـرك المطامـع=وليـس لمـن لا يجمـع الله جـامـع

ولا مانـع لمـا يعطـي الله حـاسـد=ولا صـاحـبٍ يعطيـك والله مانـع
[/poet]
[align=center] محسن الهزاني[/align]

صح الله لسانك يا العبية عزالله أنك اخترتي كل شي جزل وشكراً ألف لك على مجهودك الرااااااااااااااااااااااااااااائع

صح الله لسانك يالعبية وعزالله انها مختارات رائعه وتشكريييييييييييييييييييييييييييييين على المجهود الرااااااااااااااائع
ودمتتتتتتتتتتتتتتتتتتتتتتتي بخييييييييييييييييير

[align=center][all1=#CCCCCC]
مرحبا اخوووي عبدالله

صباح الرضــــى

لك الف شكر على هالتواجد الرائع

ولاهنت عساك سالم

اختك العبيه[/all1][/align]