ترشيح افضل فحل مجهم

الاخ العزيز راشد المري

اشكرك على طرح الموضوع الرائع

ومن ناحيتي فنا ارشح في المقام الاول

1)وحيدان

2)وخشبان


اخوكم

احمد الشمري

الاخ راشد المري

شكرا على الموضوع وانا ارشح

1/خشبان ومن انتاجه بعير ابن لخن وانتاجه يسام بالمئات وهو عليه سوم 5مليون وكذلك بعير فنيس اللي اشتراه من ابن بخيته مبارك ومن انتاجه قعود عند راعيه الاول مبارك ويسام بمليون ومئتين يوم العهد فيه وكذلك الركاب اللي عند راعيه العصلب كلها من انتاجه
2/وحيدان انتاجه كثير عند الناس واكبر اللي اعرف حقايق ولاتحتاج مدح وسومها بالمئات وعليه قعدان تمدح جدا ولاشفتها
3/قعيدان رامس من انتاجه بعير ابن كرامه وبعير ابن شافعه صلفان وركاب راعيه الاول العرق من انتاجه وكلها منتجه وسوم انتاجها بالمئات
4/مكيسيران بعير ابن نديله سالم بن راشد واشتراه الامير متعب وهو الان لابن مخيزيم وجيمع اعياله كلها مسكته بالشكل والانتاج وسوم عياله بالملايين وانتاجها يسام بالمئات وعليه بكره من اول انتاجه وصلت الى خمسه ملايين وهي الان ملك لاحد الاماراتيين ولا يحضرني اسمه واسمها القعيسه الصغيره
5/مشعوفان الفصام غني عن التعريف ولا اعرف شي من انتاجه ولكنه يمدحون انتاجه ولا يمدح ردي
6/هيافان لابن مخيزيم وانتاجه عند ابن مخيزيم هداد سنه وحده اول هداده ( البل في المنقيه اللي يشارك بها في ام رقيبه وولده يسام بثلاثه ملايين وانتاج ولده يسام بالمئات) باعه قعود بعد هداده اول سنه ورجع واشتراه بعد ماشاف انتاجه وحصلت له فرصه انه يشتريه لانه اللي مشتريه امير ويوم نوى يبيعه شراه ابن مخيزيم

[align=center]الاخ / راشد المري

اشكرك على الطرح المتميز

ولي ملاحظة بسيطة متعلقة بطريقة عرض الموضوع وهو ان يعاد طرحه على طريقة استفتاء بحيث اولا تعرض الفحول المطروحة للتصويت مع عرض انتاجها بحيث نتمكن من معرفة نسبة الترشيح او التصويت وكذلك لان صفحات الردود زادت وبعض المواضيع فيها تكرار او ردود خارج الترشيح والانترنت طبعا عندنا بطيئ مما يسبب صعوبة تصفح اخر المواضيع.

وبالنسبة لي شخصيا فأرشح وحيدان بلا منازع مع احترامي للفحول الباقية وأهلها ومن رشحها وذلك للاسباب التالية:

1- زين شكل البعير
2-طيب انتاجه ويكفي ان قعدانه وابكار من انتاج التحدي والكثير منها اخذت الاوائل

واخيرا عسى الله يبارك فيه وباقي الفحول لاهلها ولكم جميعا في حلالكم
وتقبلوا تحياتي[/align]

الاخ راشد المري
الله يديم النعمه على عباده ......الركاب اللي ذكرتوها كلها مشهوره وكلها لها انتاج طيب والله يبارك فيها ولاهلها.
اخوك خالد

اوافق اخوي مبارك المري
ارشح الفحل وحيدان
كماقال الاخ مبارك لكثرة الغلا والزين
وكثرة الانتاج الطيب
اما عن رايئ الشخصي فأرى انه افضل انتاج لكثرة انتاجه الطيب جداً جداً رغم صغر سنه
والله الموفق

ارشح الفحل وحيدان

الاخ / راشد المري

اشكرك على الطرح المتميز

ارشح الفحل مبروكان لصاحبه محمد بن قدير المنصوري
انتاجه دهامه وغنيه عن التعريف ومردعه عند محمد بن زايد الخيارين الهاجري
ومن انتاجه مردعان عند بن قدير ومردعان منتج بعد
وارشح مشعوفان وهو غني عن التعريف بالشكل واما الانتاج ماشفت له انتاج
وارشح خشبان بالشكل والانتاج المميز وهو ايضاً غني عن التعريف
أما الشكل فا الرشح قعود بن كرامه وهو مبروكان
والرشح بعد في الشكل قعودان ومقطعه موجود ولايمدح حاضر
والختام أسف على الإطاله وهي وجهة نظر

[محمد المشعان]

السلام عليكم ورحمة الله وبركاته بعد اذنكم بارشح الركاب التاليه ولا نضري بنضركم وهي كالتالي:
الاول بعير الجهيم وحيدان
الثاني بعير ابن قروش
الثالث بعير ابن الاخن حرصان
الرابع بعير ابن جلمود دوينان
الخامس بعير ابن الهوادي البقيع مرسوم

هذا والله يحفضكم بالنسبه لركابنا ياهل الشرقيه اما بالنسبه لركاب المناطق الاخرى هناك الكثير اللي من الركاب اللي ذكرت وفوق منهابعيرالفصام مشعوفان بعير الحمالين وبعير الشيباني وبعير مجول السباعي وبعير الفهدالهوامله الهرش وبعيرالصخيبري مرجان وبعير عوضيين المخيريمي

موضوع طيب ولو اني متاخر فيه لكن للظروف احكام

اما عن الترشيح فانا ارشح بعير الشيخ عبدالله الفصام

مشعوفــــــــــــــــــان ..

لجمال شكله وطيب انتاجه اللي مايختلف عليه اثنين

وفيه بعير لآل جلمود المري

الازهــــــــــــــر

لأني بصراحه ماشفت مثل هاك البعير ماشا الله تبارك الله

وطيب انتاجه دليل على طيبه

وتقبلو تحياتي ...

ارشح وحيدان بقوه لانه يجمع الزين والانتاج وكذلك ارجو من الاخوه ترشيح الفحول المعروفه اي اللي يتنوقون عندها الناس ولها انتاج غالي ويفوز في المزاينات.امثال خشبان العصلب و قعيدان رامس وولده مبروكان ابن كرامه و معديان بعير ابن شاحوف و بعير ابن قروش وصلفان بعير ابن شافعه

ارشح وحيدان

والسبب:

1-جمال شكله والذي لايختلف عليه اثنين وذلك لجمعه بين الغلا والزين وعموقه الطيبه.

2-طيب انتاجه وكثرة الزين فيه.

3-غلاء ثمنه وكما قال المثل (يدلك على الخيل اثمانها)

أرشح الفحل وحيدان


السبب :

1-جمال شكله والذي لايختلف عليه اثنين وذلك لجمعه بين الغلا والزين والعموق الطيبه.

2-طيب انتاجه وكثرة الزين فيه.

3-غلاء ثمنه

انا شخصيا فأرشح وحيدان بلا منازع مع احترامي للفحول الباقية :
جمال شكله وطيب انتاجه

لاهنت يا راشد وبيض الله وجهك
وهذا راي طيب من رجال طيب
وبالنسبه لي انا ارشح الفحل مشعوفان مع احترامي
لاصحاب الفحول الباقيه
وهذي صوره له

وحيداااااااااااااااان


1-جمال شكله والذي لايختلف عليه اثنين وذلك لجمعه بين الغلا والزين والعموق الطيبه.

2-طيب انتاجه وكثرة الزين فيه.

3-غلاء ثمنه