السلام عليكم ورحمة الله وبركاته
اقدم لكم هذا الجزء البسيط والمتواضع حول ابل الطهيمي والحفل الذي أقامه يوم الاربعاء
بمخيمه الرسمي يوم الاربعاء الموافق 25/12/1431هـ والذي حضره جمع غفير من قبيلة
حرب والقبائل الاخرى وكذلك شارك اكثر من 20 شاعر وعلى رأسهم لافي الغيداني وعبدالله بن زويبن
ومحمد بن عباد الشهراني وكثير من الشعراء لاتحضرني أسمائهم جميعاً
قصيدة لافي الغيداني
شيلة بصوت : سعد اليامي
قصيدة الشاعر / زيد مبشر الحصني
شيلة بصوت : بدرعمار المويعزي
اقدم لكم هذا الجزء البسيط والمتواضع حول ابل الطهيمي والحفل الذي أقامه يوم الاربعاء
بمخيمه الرسمي يوم الاربعاء الموافق 25/12/1431هـ والذي حضره جمع غفير من قبيلة
حرب والقبائل الاخرى وكذلك شارك اكثر من 20 شاعر وعلى رأسهم لافي الغيداني وعبدالله بن زويبن
ومحمد بن عباد الشهراني وكثير من الشعراء لاتحضرني أسمائهم جميعاً
قصيدة لافي الغيداني
جتكم ياأهل وضح المزاين مغيضات
تلـوح باأيمنهـا علامـة خطرهـا
تلوح بيمنها علـى الفخـذ بالـذات
علامـة مـن شافهـا ماحقـرهـا
علامـة يـوم السنيـن القديمـات
من هيبة أهلهـا ماتقـرب ديرهـا
منقيـة عليـان كفـو المهـمـات
يـومٍ كــلٍ قـدرتـه ماذخـرهـا
وتجمعة ذيدان صلفيـن الاصـوات
وقامت على البيداء تعاقب جررهـا
كلٍ يقـول أنـا زبـون المهمـات
بالساعـه الـي مايكـذب خبرهـا
إلخوض معركة اللقـب مستعـدات
وضحٍ ماأحد يمديه ينسـى سيرهـا
يشوش راعيها ليـا منهـا جـاءت
تمشي وترفع رؤسها من سطرهـا
في خلقها عبره وفي زينهـا آيـات
سبحان خالقهـا مجمـل صورهـا
رثم العرانيـن الطـوال السهيفـات
تبي تفوز إن كـان ربـي ومرهـا
الروؤس ماشاء الله مراكي بشاوات
تفحى لواحيها شبـر مـن شبرهـا
هاماتهـا متساويـه كالمـطـارات
مـن الأذانـي لامحاجـر نظـرهـا
وخشومها عكـفٍ تقـل نافعيـات
الله يكافيهـا العيـون وقشـرهـا
وأرقابها مثل السيـوف الرهيفـات
أقـل مـن شعـر الذيابـه وبرهـا
وظهورها مثـل الجبـال المنيفـات
مايلحق نسنوسهـا مـن ظهرهـا
في عرضها ترفع رصيـد القنـوات
لو هي بيـد راع القنـاه إحتكرهـا
إليا اعرضت جمهورها يحرق الشات
كـلٍ يقـول رسالتـه ماخسـرهـا
عفـرٍ بزينـات الطبايـع غريبـات
تتبع على توديـه أهلهـا عفرهـا
الكنق يسوى حجم وزنه جنيهـات
كم راعـي إبـلٍ قيمتـه ماقدرهـا
محطـم بزينـه رقـوم القياسـات
عشاقـة الزمـل الثمينـه قهرهـا
أنا أشهد إنه من خيـار السـلالات
من حط مثله وسـط ذوده عمرهـا
البل عطايا الله سفـن فايـتٍ فـات
قبل السفن ترسي بمينـاء بحرهـا
ضرب بها الامثـال رب السمـوات
في محكـم الآيـات ربـي ذكرهـا
جتكم يأهل الوضح المزاين مغيضات
وضحٍ منافسهـا لايأمـن خطرهـا
جتكم ياأهل وضح المزاين مغيضات
تلـوح باأيمنهـا علامـة خطرهـا
شيلة بصوت : سعد اليامي
قصيدة الشاعر / زيد مبشر الحصني
من موجز النشره سمعنا نبـأ هـام
يفطر به اللي خمسة أعـوام صايـم
يومٍ يذكرنـا قبـل خمسـة أعـوام
يـوم الحـروب يحذفـون العمايـم
لوضحٍ خذت مع وسمها الفاحج وسام
وسمٍ ينومس حـرب والحـظ قايـم
تقدمت ليـن إفهقـت كـل الأرقـام
عامين تكتـب لخصماهـا الهزايـم
وضحٍ على رد البراء تضرم إضـرام
إضـرام راعيهـا لكسـب الغنايـم
ينـدب لهـا عليـان قـدام قــدام
شيخٍ معودنـا علـى الفـوز دايـم
فعـل الطهيمـي للمهمـات طهـام
قول وفعـل يسلـم قـوي العزايـم
ليا جاء جاله قيل له سبعـة انعـام
فعلـه يخلـي نافـر الحـق رايـم
واللي يذمه ماكسـب غيـر الآثـام
يالله دخيلـك مـن كـلام الضلايـم
وهزل الكلام اللي بلا ملـح وإيـدام
ومدايحٍ فـي غيـر أهلهـا جرايـم
والناس لو حججتها فـوق الاقـدام
مع جاحد المعـروف مالـك قدايـم
يحكم عليك بغيبتـك حكـم الاعـدام
وبحضرتك لإعداك يصـرف شتايـم
شيلة بصوت : بدرعمار المويعزي
تعليق