عــســى ا لــســحــاب ا لــلــي عــلــى كــا ن يــا فــهــيد (عرض جديد للبل)
أخواني الاعزاء اقدم لكم جوله في البل اتمنا ان تحوز على رضاكم
وقبلها اقدم لكم قصيده للشاعر الفحل عبدالله بن عون
يقول فيها
قالها الشاعر عندما حصل تحدي بينه وبين محصان الشيباني منهو اللي ذوده يسبق الثاني وهي من نوع المزح ولاكن محصان الشيباني بعد هذه القصيده قال يابن عون خلاص انا هونت تكفي القصيده عن المسابق والهجيج
عسى السحاب اللي على كان يافهيد 000 من غرب يجتاحـه ريـاحٍ بشـده
وأليـا تقافـا كنـه الريـم شريـد 000 ما يعترض ممشـاه ريـحٍ تصـده
أبيـه يطمـن يـم دار الأجاويـد 000 وأول هماليله علـى سـيف جـده
ويمتدله من سيـف جـده تماديـد 000 ويركد هواه أليا قرب من مصـده
شمال من جـده لحـزم الجلاميـد 000 وجنوب من جده شـروره تحـده
مدة كريـمٍ مـال جـوده تحاديـد 000 واليا عطى ما يقـدر أحـدٍ يـرده
وابيه يسقي نجد من غيـر تفنيـد 000 ما كفتـه ريـدا إلـى المستجـده
واليا غدا لأرقـاب نبتـه عناقيـد 000 مافيه ألذ من الرخـا عقـب شـده
يطيب كيف مخـازرات المفاريـد 000 الللي لهـا بقلـوب أهلهـا مـوده
وان صادفت محـدار وألا مسانيـد 000 دايـم وهـي للأولـه مستـعـده
وان صار محش جنوب والا تواعيد 000 والا هجيـجٍ يتبعـه طـول شـده
محصان عندي سبقته كنهـا العيـد 000 ونبـا نعدلهـا مـن اليـوم عـده
بوضحٍ تباري كنها ذايـر الصيـد 000 ما تقضـب المقطـاره المسمهـده
اللي يجيـك مزايـده فيـه تزويـد 000أن زاد زدلـه وأن تراجـع تعـده
واللي يوسد حامض العلـم توسيـد 000معاد اله مشروه لـو جـاه ضـده
الله علـى قـدام بعـد وتباعـيـد 000من يقضبه فـي سهلـةٍ مجرهـده
شاعر كبير اقف دائما امام قصائده الجزله
الآن الى الصور وتمنى ترتقي الى ذائقتكم
وهذي صوره اهداء لكم
وهي لربيع الصمان قبل 4 سنين تقريبا كنا عاسين الربيع مع اخوان غالين الله يعيده علينا هالزمان وكل زمان والمسلمين بخير وعافيه
رفيقكم هو اللي بدون شماغ
تقبلو فائق تحيتي
تعليق