يا اهل الامارات

السلام عليكم
اخواني اهل الامارات
اهل النامووس
والزعفران
مثل ما تعرفون قرب سهيل
والزمول تهيج
وابي من يعرف موقع
الفحل جبــــــــــــــــــــــــــــــار
الي اشتروه ال مكتوم من السعوديه قبل نصف سنه تقريباا
واهوووو اصله عماني ابي انوخ عنده من يدلاني
الله يجزاكم خيــــــــــــــر
اخوكم
محمد العلي

عليك السلام يامحمد
نشدنا عن البعير اللي ذكرتة وبين أنة لازال في السعودية ومهدود حالياً في بوش للشيخ حمدان بن راشد المكتوم في السعودية والمسؤل عنة فيصل بن شريم واللة العالم............
على العموم يامحمد الزمول الطيبة متوفرة بكثرة في الأمارات وفي مدينة العين زمول منتجة أنتاج قوي للشيخ طحنون بن محمد آل نهيان منهن (سراب,مشهور,شاهين الكليلي)ولكن عليهن زحمة شديدة
وفي أبوظبي كذلك زمول مثلهن لرئيس الدولة (سديح,الذهب,شاهين بن نهيان)في منطقة السمحة وهن مسموحات للمناخ من أول شهر عشرة.........
أما في دبي فالماء غالب على الطحين يامحمد إن جيت لمنطقة الروية هناك أكثر من 20 بعير للشيخ حمدان بن راشد المكتوم وكلهن مافيهن كلام وأشهرهن(الكاسبي,المياس,الحاسم,شاهين ولد البويضا) والمناخ من أول شهر عشرة..... وإن جيت لمنطقة النخلي هناك أيظاً أكثر من 20 بعير للشيخ محمد بن راشد المكتوم وكلهن كذلك مافيهن كلام وأشهرهن(سلهود,سراب,مايهاب,نشوان) ولكن المناخ من شهر واحد وأثنين........... وأهل الأنتاج وأنا خوك مايمرحون البوش كلهن لبعير واحد...تخير في الزمول الطيبة وعرض لكل بعير ناقة ولاثنتين واللة يوفقك ويعطيك السبوق اللي قال فيها المغرد:
السبوق تريح أعصابك ............. تشتهر ويشيع طاريها
لو تعشيها على ثيابك ............. ماتظيع مروتك فيهـــا

هههههههههههههههههههههههههههههههههههههههههههههههههه ههههههههه
اناااااااااا اشهد السبووووق تريح اعصابك
عزالله صدق
تسلم اخوي عبدالرحمن وبيضالله وجهك على المجهود الطيب
واعذرناااا لوكلفنااا عليك
لان بصراحه الزمول كثيره بس الطيب طيب واروح يمه
وماراح اتحسف وانا خوك
وربي يعطيك العافيه
وان شالله اني راح اجي الامارات
لانكم اولا واخرا شعب طيب ومافيكم حسد كلكم
ترحبون وتهلون
ومبروووووووووووووووووكين
ولك جزيل الشكر والعرفان
اخوك محمد العلــــي