سوأل لصحاب الخبره في الهجن؟؟؟

[align=center]اذا كانت المطيه فيها مواري سبق ولاكن اصلها ماهوب طيب يشتريها ويجرب حظه؟؟؟؟؟


واذا كانت المطيه مافيها مواري سبق بس امها سبوق وبوها سبوق وصلها فيه سبق وش يختار بينهن؟؟



نبغي من خبرتكم ياهل الخبره



شكرا[/align]

واذا كانت المطيه مافيها مواري سبق بس امها سبوق وبوها سبوق وصلها فيه سبق وش يختار بينهن؟؟

عليك بالاصل الطيب وعيال الصقور ماتبور يابن عمي

فالك السبوق

[اذا كانت المطية مضمرة وجاهزة للتفاحيم.... عليك بالتوقيت. اما اذا كانت المطية غشيم..... ماأقدر أقولك الا ان الركض مايعلم فيه غير الله

اولآ يعطيك الله العافيه على المرور اخي عيد العطوى......

انا بصراحه يهمني الاصل ما دامها مفروده اما ان كانها لقيه وما فوق اعتمد على التوقيت صراحه لين اذا كانت صغيره ومنت بعارف وش وراها شف وش اصلها بس اذا كانت مقنيه عند شخص غيرك وتبي تشتريها منه مايهمني الاصل بس اللي يهمني التوقيت ويكون قدام عيني في التفاحيم.


وشكرا

اشكرك يا عيد المنصوري ومافي شك في الكلام اللي قلته

انا قول الاصل مهم، بس الام لها دور كبير خاصة اذا هي منتجة قبل سبوق.=======================واللة اعلم. ونشكر الاخوان جميع.

بيض الله وجهك يا سهيل وماقصرت على الافاده الطيبه

هلا عبداللة الهاجري وجهك ابيض،لكن يابو محمد هذا مجرد اجتهاد واللة أعلم.

دور الاصيل والحق اهلك

السلام عليكم ورحمه الله وبركاته
حبيت اضيف معلومه
البدو عندهم مثل في الهجن
السبق سهم خفي
وافهم يافهيم
يعني انت وحظك وعسى ربي يرزقك بلي تكسر التيم
وتاخذ السيف
ولكم جزيل الشكــــــــــــــــــــــــــــــــــــــــــــــ ــــر