طعام الفطامين

السلام عليكم



وش أفضل طعام للفطامين قبل واثناء وبعد العسافة


وياليت تذكرون الكميات لأن فيه أختلاف من منطقه لاخرى

افضل طعام للفطامين البرسيم والشعيرالحب

البرسيم والشعيرالحب

بكميات موزونه

السلام عليكم

شكرا" أخوي عبدالله وأخوي عايد

لكن البرسيم أخضر والا يابس
والشعير كيف حب يعني شعير عادي



وش رايكم في الذرة الصفرا والبيضا


والفتامينات وشهي اللي تعطى

هلآ اخوي فآرس الحأطوم

بعلمك الطريقه وعلى حسب المطيه

يعني اذا كانت المطيه سمينه مآيحتآج تكثرلهآ في العلف

او اذا كآنت هريآنه وتبي تكرمهآ تدربهآ مآفي مشكله

الطريقه هي كالتآلي للسممين والهريانه تزيدهآ انت على رائيك

الصباح من الساعه 4 الفجر الى الساعه 6 خلآل هالوقت تعطي الفطيم ربع نصف صاع شعير اللي هو علبة النيدو الصغير مرتين او علبة النيدو المتوسط ابو 18 ريآل تقرريا

وتخليهآ ساعه الى ساعتين في مرابطهآ وبعدها تدربهآ كالمعتآد


اذا جآت من التدريب الصبآحي من الساعه 9 الى الساعه 11 خلال هالمده تعطيهآ مويتهآ تشرب الين تتركه


من الساعه 11 الى الساعه 2 الظهر تعطيهآ غداها اللي هو برسيم سواء اخضر او يآبس

طبعى الفطيم تعطى من ربطتين الى 4 ربطآت انا شخصيا اعطيهآ عدد 2 ربطه

طبعآ بعد مآتآكل برسيمهآ

من الساعه 4 الى الساعه 6 خلال هالمده تدربهآ التدريب المسائي وقبل التدريب تبي تعطيهآ حليبهآ او تمرتهآ اعطهآ يعني وقت التمر والحليب اي وقت مافيه ضرر ان شاءالله

بعد ماتدرب وتجي من التدريب المسائي من الساعه 6 الى الساعه 7 تعطيهآ العشاء وهو عباره عن نصف صاع شعير + علبة فول ذره سودانيه

وغير هالعلف على حسب مطيتك تبي تعطيهآ فتآمينآت او املآح او حليب او سمن او عسل شيء يرجعلك

انا هنا شرحت طريقة التعليف بدون مقويآت اخرى

اتمنى اني افدتك واي خدمه حنآ حاظرين اخوي

أخوي ماجد كفيت ووفيت

أخوي ماجد كفيت ووفيت