النخبه هالسنه يبون يلغونها .......

السلام عليكم ورحمة الله وبركاته ...

أخواني الأعزاء كلمني أحد أصحاب المنقيات المشاركه هذا العام وقالي بالحرف الواحد (جائزة النخبه ) لهذا العام فيه (نيه ) من اللجنة المنظمة لإلغائها ..

هل الكلام هذا يتم أو يتراجعون عنه .. العلم عند الله سبحانه وتعالى ..

ولنفترض الكلام هذا صحيح .. ليه ماأعلنوا عنه قبل بداية المهرجان بشهور أو نهاية المهرجان العام الماضي أو يأجلونها

لنهاية مهرجان السنه هذي ويعلنون للعام القادم إذا الله أحيانا.

وش ذنب اللي شروا ودفعوا من الملايين عشان النخبه ..

هذا ماوصنلي البارح بالليل

رد: النخبه هالسنه يبون يلغونها .......

الدعوى صارت وانا اخوك مصفوطيات السنة الي ميشارك فيها اهل النخبة امثال الطهيمي والمهيليب والروسان يغونها والسنة الي بيشاركون فيها راح يحطونها ،،، الكتاب باين من عنوانه !!!!!!!!!!! المهم ان راعي المركز الاول هو النخبة لايزعلون الي تكلفوا واشتروا بالملاييييين عشان ألغاء المسمى ،،، المسمى واحد (( نخبة = مركز الاول )) بس يبغالها تكيف نفسي

رد: النخبه هالسنه يبون يلغونها .......

وش دخل الروسان يالافي اصلا ماعمره اخذ النخبه ،، لو قلت فنجال الشيباني وهيف صح

رد: النخبه هالسنه يبون يلغونها .......

المنظمين مقصدهم غير
جائزة نخبة النخبة اذا استمرت كل سنه
موجوده راح تسمج
بالعكس لو كل سنتين او ثلاث
يحضر مسمى جائزة نخبة النخبة
يكون افضل وراح يحتسوله ملاك الابل اكثر

رد: النخبه هالسنه يبون يلغونها .......

يالافي الله يمسيك بالخير ...الروسان مشارك هالسنه ..لو ماهو مشارك اقول كلامك صح ..

وانت صادق يابو غانم ...

يازياد بن عبدالله لو صار كلام نفذ ك كان ماشالها كل ثلاث سنوات الا الطهيمي ابو فواز شارك مرتين واخذها ولو يشارك اكثر يبي ياخذها حلاله طيب وناهي بالحيل ..

اشكر مروركم وتعليقاتكم