مـن عــنـــــده عــلــــم يــفــيــدنا مـشكوراً

السلام عليكم ورحمة الله وبركاته ،، حياكم الله جميعا

سمعنا هالأيام أنــه أنــســـــــام من زعاب الزعاب (أبوماجد )

وأظنه من ملاك المغاتير المعروفين

حيث أنه باع على حثلان السبيعي خمس من الوضح الوحدة

بمليون ومائة الف ريال -- العام الماضي

أنـــســــــــــــــــــام مــنــــــــــــــــــه :

عدد خمسين وضــح من إبله نقوة من ( ثلاثمائة الف ريال ) 300000 للناقة الوحدة

فهل العلم والخبر أكيد ومثبوت من عند علم لا يبخل علينا

(وترى مثل هالعلوم ترفع سوق الإبل الله يرفع قدرها )

وســــلامــتـــكـــــــــــــم

انشأ اللة يفيدونك الاخوان

وبشرك سوق البل في انتعاش تو انسام من صنهات بن مجيهير عشر ابكار وضح ب2 مليون للبكره والمجموع 20 مليون

ولا باع

اللة يبارك للمسلمين

أخوي عناد ،،، الله يبشرك بما يسرك ،، علومك طيبة الله لا يهينك
وصنهات بن مجيهير من ملاك الإبل المعروفين وله حضور قوي في المزاينات
وعند من أطايب البل اللي تسوى الله يرزقه ( ويرفع سوق البل ويزيين علومها)

الله يبيض وجيهكم على العلوم الطيبه وابشركم السوق فيه حركه والسؤال عن ابل المزاين هاليومين تسمعه بكثره

انشأ اللة يفيدونك الاخوان

الله يبيض وجيهكم على العلوم الطيبه وابشركم السوق فيه حركه والسؤال عن ابل المزاين هاليومين تسمعه بكثره

ووجهك أبيض ،، جعلك تحيا وتدوم ،، والله يبشرك بالخير ،، ويرفع الله سوق الإبل ويعز شانها ،،
نعم الملاك المشهورين بلا شك يبدون استعداداتهم وترتيب أمورهم (ما يسمى غربله )

نسأل الله من فضله

يا طويل العمر انا سمعت ان فنجال الشيباني باع سمل ابلة علي امقاطي في الرياض بعشر مليون وماتين الف ريال واللة اعلم

الله اعلم ؟؟؟؟؟؟؟؟؟؟؟؟؟؟؟؟

فنجال باع سملة على مقاطي من اهل مكة

العدد 67 ناقة على 180 الف لناقة بدون مواتر وبدون فحل

المجموع 12 مليون و60 الف

ما شاء الله تبارك الله ،، أنشهد انها إبل تستاهل اللي سملها بــ 180000 مائه وثمانون الف ريال
والله اللي تفرق الإبل فرقا كبير بين الوسط والناهيه ،، الله كلا يبارك له في حلاله ،،
واحد من الربع باع سمل إبله حوالي 40 ناقة مختلفه اعمارها من 15000 خمسة عشر الف ومبسوط ومكيف
وسلامتكم ،، حيي ذا العلوم ،، لا هنتوا جميعا جعلكم تسلمون

ما شالله تبارك الله

والبل اللحين في ارتفاع ملحوظ

وكثرو النشاده عن الزيان والله يربح المسلمين

السنه هاذي راح يجي تنافس قوي في ام رقيبة لون الوضح

بين

فنجال الشيباني
هيف القحطاني
عليان الطهيمي

كلهم بيشاركون

وضن السنه هاذي راح يرتفع سعر الناقة والبكره النادره مثل العام اللى فات

اللة يبارك للمسلمين

يا طويل العمر انا سمعت ان فنجال الشيباني باع سمل ابلة علي امقاطي في الرياض بعشر مليون وماتين الف ريال واللة اعلم

شرفنا مرورك الكريم ،، حياك الله ،،

لاهنت اخوي عناد كفيت وفيت

والله يبيض وجهك على تواجدك

مثل هالعلوم وانت مكسب للمنتدى ( من غير قصور في الاخوان )