اخر اخبار.. الشيخ مبارك بن شافي ال شافي

السلآم عليكم ورحمه الله وبركاته ...

وش لوونكم يا الربع ان شاء الله تكونوون بأطيب حال

الشيخ / مبارك بن شافي .

قبل فتره بسيطه اقل من شهر

شرى ناقه ب450 الف ريال

وناقه ب400 الف ريال

وناقه ب350 الف ريال

كلهم نفس الشهرر

والبل ماعليها كلام طيبه ماشاء الله عليها

وابو شافي ابله الحين عند ام رقيبه

وناوي نيه ذي السنه ولا اعرف وش الشوط اللي ناوي عليه

لآكنه قد وصل ام رقيبه بأبله من قبل كم يوم

اتمنى اكون افدتكم با المعلومات اللي املكها

تحياتي لكم

مرحبا اخوي راشد الشيخ /مبارك بن شافي الهاجري مسجل في ال50 و 30 ؤاتوقع انة راح يشارك في ال 50

ابن شافي يبي يشارك فالخمسين
ويوم درى ابن مرسان عنه رجع للثلاثين
شكل الهواجر ناوين الاول هاسنه
الله يوفقهم هم يستاهلون وحلالهم يستاهل

ماعليك زود يالحنتوش وكلامك صحيح

الله يبارك لبو شافي فيما يملك وفالة الناموس

الله يبارك لهم

ويستاهل ابوشافي وابن مرسان وابن زومان وابن ظريان

الله يوفقهم..

لاهنتو على المرور المشرف وبن شافي في 50

الله يبارك لبو شافي وفاله النامووووووس

ولاهنت ياراشد المخضوبي..

الله يبارك لبو شافي وفاله الناموس ان شا الله
ولاهنت ياخوي راشد على نقل الاخبار الطيبة
وتقبل تحياتي

مرحبابكم ولاهنت على المرور

{وفالكم خير}

لاهنت ياراشد على الخبر

وبالتوفيق لبوشافي ان شاء الله وللجميع

مرحبا اخوي راشد الشيخ /مبارك بن شافي الهاجري مسجل في ال50 و 30 ؤاتوقع انة راح يشارك في ال 50

أرحب يا بوناصر

الشروط واضحه للجميع
وعليه فإن اللجنة المنظمة لا تسمح بالتسجيل في فئتين
وسلامتك

مرحبا ومسهلا يا فهد للمعلومية مبارك امسجل بسمة وبسم ولدة سعود في 50 و30

اللة يوفقهم ويستاهلون,,بس ياربع اهل الابل الطيبة بيدخلون بالتحديع الفردي ذا السنة واتجاههم بالفردي لان جوايزها تختلف بكثير وخاصة بانها انتاج ابلهم.
ع سبيل المثال سمعت الفصام داخل بمجهم فردي بس ..

اللة يوفقك أبن شافي وأبن زومان وناصر بن سعيد وفالهم الناموس