التحدي في ام رقيبه تعدا الابل ووصل الي الشعر والشيلات

السلام عليكم


اصبح التحدي في ازين شيله وقصيده

حيث ان كل مشارك ياتيه شاعر من قبيلته او على حسب النخبه

وبعض الشعراء يبحث عن الشرها او الشهره

وليس كل الشعراء

اذا تبي الجد ياشرفنا العزيز

والله سمجوها بقوة الله يهديهم
انت الشيخ وانت الكريم وانت الشجاع وانت .... الخ
مدري هم يضحكون على ااهل الابل ولا يضحكون على االجمهور !!
ولو الشيله في الابل ومدحها كان افضل

السلام عليكم

مشكور لطرح رايك بصراحه

صدفت حلات القصيده في وصف الابل ماتعدا طلب الشرهات

والقصائد بلا شك تحفيز وتشجيع الرجل لابن عمه

السلام عليك يامحمد


اما نحن نتكلم عن من يبحث عن الشرها والقصيده تكون في صاحب الذود بعيد عن الذود نفسه

ومشكور ع المروور

كثير ردودك

حياك الله يافلاح

والله مايدبل الكبد الا بعض الشيلات اللي تجيب الحارق

بعض الشيلات مواويل عراقيه يعني ماهي براكبه على عطايا الله

ودك الا جاتك الشله تجيك حماسيه تخلي الواحد يشوش مع عرض البل

اما يجيب لي موال ولا شيله حزينه هذي اللي مالها دوى

مجرد وجهة نظر لاحظتها في عرض بعض المنقيات

ولا المدح حدث ولاحرج بعضهم يستاهل المدح وبعضهم الله ربنا وربه

الا مالاحظتوا ان الشيخه ذا الايام كثرت

الله يعز الحكومه ويطول باعمار حكامنا

لاهنت يافلاح على هذا الموضوع

وبما انكم تطرقتكم لطاري الشيلات
اسمحوا لي انتهز الفرصه واهديكم ذا الشله اللي اعتبرها من اجمل الشيلات في الابل
تفضلوا

http://www.youtube.com/watch?v=iINmQgTw6ss

بارك الله فيك

يالمري

وتسلم على الاهداء

وحلات القصيده من اول بيت لي اخره في الابل

ومثل ماقلت الشبلات بلحن الاغاني ماهي من التراث