تغطية شاملة لفوز أبل غازي بن عتيق العضياني بالمركز الأول

[frame="1 60"]
اقدم هذه التغطية للمنتدى الغالي ومشرفيه واعضائه وزواره الكرام
وهي مجموعة من الصور والقصائد لفوز أبل غازي بن عتيق العضياني " المغاتير "
لعام 1426هــ والحاصله على المركز الأول
في مزاين الملقاء برعاية صاحب السمو الملكي الأمير مشعل بن عبدالعزيز حفظه الله
حيث انه تم جمع هذه الصور من اكثر من موقع
البعض منها تم التقاطه في الربيع وايضا في الصيف عندما كانت في الجنوب
وكذالك من موقع المزاين " التابع لمركز الملقاء "
علما بان هذه الابل ستكون باذن الله من الابل المشاركه
لهذا العام بمزاين ام رقيبه ونتمى لها التوفيق
واترككم مع التغطية ...[/frame]




صــاحب السمو الملكي الامير مشعل بن عبد العزيز ال سعود
وصاحب السمو الملكي الأمير فيصل بن بندر بن عبدالعزيز أمير منطقة القصيم





غــازي بـن عـتـيـق يتسلم الجائزه من يد سموه




من اليمين مسحل بن سفر بن عتيق وندى بن غازي وسلطان الشغار وغازي بن عتيق




جــانــب مــن الــحــضــور



من اليمين محمد بن عوض وسعد بن غازي ومسحل بن سفر




ســـعــد بــن غــازي

[poem=font="Simplified Arabic,5,blue,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black"]

القصيدة الاولى للشاعر ضيف الله بن نايف العصيمي
مبروك واهني العضيان من داني=واجمل تهاني لبوسلطان نهديها
في نجد فازت مغاتير العضياني = الفوز تستاهله ويعيش راعيها
الوضح ماتلتفت للمركزالثاني = زاهيتن المركز الاول وزاهيها
خل العراقي يطيشها على شاني =باجرصوتي لياهجة واباريها
وخل النشاما تباريهامسياني=نفرحبها شوف عين وعين نعميها
وابوندا قدمها بالفوزطرباني=ومن شافها يقضب الغتره ويرميها
روابع الطيبين اطوال الايماني=للعز والفوز والعليا توديها[/poem]








نــواف بــن غــازي





[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

القصيدة الثانية للشاعر محماس بن شميسان العضياني
جاك العمود اللي على مرع الارقاب=وضح منافسها يرقم وراها
وضحٍ وسمناها بعد وسم الاجناب=بالله ثم من قال مالي فداها
الرقم الاول مالها عنه مجناب=والخصم يقصر دونها لو بغاها
يوم استعدت وارهبت خصمها ارهاب=جوها اللجان وقررو مستواها
شهر لها الجمهور باصوات الاعجاب=عسى الكريم من الحسود يحماها
في وصفها مايبدع القاف لو شاب=الله لجزلات المزايا عطاها
وضحٍ تلاهق كنها المزن سكاب=هنف قرايع من يجيد مغزاها
فيها الطبايع يستثيرن الالباب=لوقدمها بدروم جات بعصاها
والروس روس جمال والوصف جذاب=منين ماعاينت ضافن حلاها
هيم البطون ظهوروها يم الاعقاب=من المرادف مستقلن قراها
هزع المواخر جرد الارقاب واشباب=سند غواربها وخطل يداها
حاشولها ربعٍ يجيدون الاسباب=ومن نظرته يم المعالي لقاها
ربع لهم فالطيب ماكر ومقضاب=من ابوعتيق والوريث احتماها
يابوندى مبروك يازاكي الانساب=ياطيب الرفقه ومنهل وفاها
تستاهل التمجيد والكيف لك طاب=وراعي فعول الطيب يلقا جزاها
ونثني لابوسلطان تقدير واعجاب=اللي بعد زود المساوم شراها
دفع بها من حر ماله ولاهاب=ونفسه بقو العزم حقق مناها
سعد سعد رام المعالي والاصعاب=بالهمه العليا شهر واحتواها
والقرم ابوفواز يحسبله حساب=وقف لها بين الخصوم ونقاها
قلته وانا واهل الوفا عين واهداب=والكل من روسِ يذري ذراها
ربع لهم تاريخ يرغب وينهاب=عضيان يوم المعضلات وغثاها
يوم السنين مفرقت شمل الاحباب=تهاب صولات القبايل حماها
ماهم عن نطح المهمات هيباب=عراف عقالٍ بعيد مداها
وان جت بهم سرد الكراديس هراب=ياقرد حظ اللي يجي في نحاها
وان قررت زود الفعول ام غصاب=تكسب جبرها الطايله واومراها
في راي اهل سيف للارقاب قصاب=عمهوج كم قوم بحده رزاها
والطيب قدم مدورينه له ابواب=والمرجله ماحدٍ عن احدِ حماها
ماهوب فالموقف بضاعه وجلاب=من ذلل أسباب الطويله رقاها
ماحدٍ يطب الملعبه غير لعاب=وفعايل أهل الطيب ماحدٍ رفاها
تمت بذكر المعتلي رب الارباب=طرايف ماقلتها ارجي جزاها
وصلاة ربي عد ماهل سكاب=على الشفيع اختم بها منتهاها[/poem]
القصيدة بالصوت


يــتــبــع....

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

القصيدة الثالثه للشاعر محمد خربوش العضياني
في مثاني نجد الأنجد جنوب من القصيم =حولت عفرن يشوق النظر محوالها
حولت من يمة الشرق محوالن عظيم =قدمها ركبيها والفرس تبرالها
فالمنصه حولت كنها البحر الطميم =وكنها وسميتن يستهل خيالها
يتكاشحن برقها والرعد يرزم رزيم =أوبرتها برقها والرعد زرفالها
شاشة الأنظار فيها ويالله ياكريم =وسط ميدان المزاين تقول لحالها
ويالله إني طالبك وأنته الرب الرحيم =تحفظ اللي كل طاله بعزمه طالها[/poem]









[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

القصيدة الرابعه للشاعر خزيم السهلي
عيد الفطر في عام ستة وعشرين=ابعد عن النفس الحزينة نكدها
خذيت لي في نجد ليله ويومين=ومن واعد الطيب يجي في وعدها
مبروك الاول يالرجال المسمين=الاوله تطلع وتسبق بيدها
شاركتكم في فوز عفر مزايين=من زينها ماكنها الا وحدها
فيها ولد غازي دفع له ملايين=من حبها كل الدراهم نقدها
ماحطها في شقق ولا دكاكين=باع التجاره والمراجل رصدها
سعد على طيبه شهود وبراهين=فعول ابوسلطان كل حمدها
من عزوة يانجد للطيب ضارين=مثل الحرار اللي ينومس هددها
عضيان لاركبوا على الخيل عجلين=فعولهم تشهد على اللي جحدها
كسابة الناموس مبطي وذا اللحين=عسا لياليها يذعذع سعدها
مدهش الروقة مطنخ ووافين=حلالة اللي ماتحلل عقدها
يانجد حطيهم على الراس والعين=وصيري لهم عذرا صغير نهدها
واغلى هديه وزعت بين غالين=من وافي كل المراجل رصدها[/poem]
القصيدة بالصوت



يــتــبــع>>>

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


وهذه قصائد عند شراء الابل ..
القصيدة الأولى للشاعر : سلطان بن وسام الهاجري

المال غالي والبـل جبـال وقصـور = والطيّـب اللـي لا هدمهـا بنـاهـا
لا يسمع العاذل ولا قاصـر الشـور =وكل الهقـاوي هقوتـه مـن وراهـا
اللي شـرا سبعين من تركـي السـور=سبعيـن وضحـاً سامهـا واشتراهـا
قلبه معـا حـب المغاتيـر مشقـور=ويقـول مـا نملـك لعلّـه فـداهـا
دفعبهـا سبعـة ملاييـن وكـسـور=وتقـول مهـداةٍ علـيـه بعصـاهـا
يبى يغيض صدور ويهيّـض صـدور=وعيـن العـدو يـذرّ فيهـا دواهـا
أقفابها طابـور مـع صـف طابـور=الله مـن عيـن الحسـود يحمـاهـا
ودرّج لها مع طلعـة النـور مقهـور=فـي فيضـةٍ وسـمٍ بكـورٍ حيـاهـا
نوّارها يزمـي ليـا شعشـع النـور=لا ذعـذع الغربـي يذعـذع شذاهـا
هاذي هواية كـل طيّـب وممـرور=نفسه عـن دروب العـلا مـا نهاهـا
ألاّ على عشـق الصعيبـات مأمـور=ومن لا تعـب فالمرجلـه مـا لقاهـا
ما هيب مهنة طافـي النـار مثبـور=اللي يخاشـر حرمتـه فـي عشاهـا
مهنة سنافيٍ صبـورٍ علـى الجـور=إمـا طبخهـا طبـخ وألا شـواهـا
تدرون ليش أكتب من إحساس وشعور=وليـش القصيـدة قافهـا ومعنـاهـا
لني على مـا قيـل ملـزم ومجبـور=أذكر هل المعـروف وأثنـي علاهـا
ومن ينكر المعروف ثورٍ ولـد ثـور=يا الله عسى أرضه ما يطقطق سماها
جحّـادة المعـروف شهّـادة الـزور=سـود النوايـا ســوّد الله لحـاهـا
دنيـاك هـاذي تأخـذ أيـام وتـدور=يومٍ سكـون ويـوم تطحـن رحاهـا
وأنا يا أبو سلطان ما نيـب معـذور=يـا ليـن أردّدّهـا ويسمـع صداهـا
واسلم عسى والديك في جنّة الحـور=ويرزقـك بـر الوالديـن ورضاهـا
وتبقى يا بن غازي مجمّل ومشكـور=مـن مبتـدأ الدنيـا ليـا منتهـاهـا [/poem]
القصيدة بالصوت





[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

القصيدة الثانية
مجاراة من الشاعر : ضيف الله بن نايف العصيمي
عذب القوافي خلت البال مسرور = لو كان ابن وسام قبلي خذاها
وسم غزايزها برقمه وباكور = اختار جزلات البيوت ونقاها
سلطان ابن وسام لشعر دكتور = ماجابها تلفيق واللا لواها
يمدح سنافين بلمجاد مذكور= غاشيه من فاها هل الطيب فاها
من روس قوم في الملاقا لهم دور = امخضبة عود القنا من عداها
عضيان لارد البرا مالهم سور = لاطشة البنت الجميله غطاها
وسعد بحب الوضح مغرم ومسحور= والوضح ابن غازي زهته وزهاها
وضحن عليها روس وارقاب وظهور= فالمملكه نفخر بها وا نتباها
جرد الرقاب مهيضة كل مسطور= فج العضود منومسة من قناها
وضحٍ تدك البيد وبليس مدحور = تشعاك لا من العراقي شعاها
في خايعن دوبه من الغيث ممطور = وابوندا قدامها في حراها
مرباعها باطراف عرعر واباالقور =اليامشة يمشي لها في هواها
ومصيافهاعرقٍ جنوبٍ من الكور= بارضٍ تجيب العافيه من عذاها
يبرالها عودٍ مع الناس مشهور =ابوندا لاسال ديره نصاها..
من دون سمحات اللحي دقة الزور =مايمنعه لا يمتلكها غلاها
جانا بها قرمٍ مجرب ومخبور = نفسه عن ادروب الرذيله حداها
تنشرله البيضا على كل منشور= لاكبرت القاله وقف واحتماها
يالله ياخالق محيطات وبحور = تجزي سعد بالخير يارب طاها [/poem]


يــتــبــع>>>

يــتــبــع>>>

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

القصيدة الثالثة للشاعر : محماس بن شمسيان العضياني
أبى احاول ابدع وانظم الشعر وانقى له =مثل مانقى الوضح المزايين ابوسلطان
بيوت الشعر تهدى لغازي وتهداله= من الخاطر اللي للوفي بالوفى مليان
ترى ابوندى بيض المدايح تهياله =يشينون غيره ناس وابوندى ماشان
نظيف السراير كثرالله من امثاله =رسم سيرة الشايب على منهج الشيبان
لوإني بغيت اذكر مزاياه وافعاله= زهمته بغازي طيب الساس وكحيلان
حكيم بتفكيره ومسعاه واقواله= رفيق جنابه للرفاقه كما البستان
كريم وفي يضحك حجاجه لمن جاله =وعلى منسفه يرمي من الحيل والقعدان
يعاف الهزايل والجزيل يتعداله= على الطايله يمناه مع طايل الايمان
علوم الوفى والطيب دايم على باله= حريص على الفزعات مايحرف الميزان
عسى الله يبق الشيخ غازي ويبقى له =عيال نشاما كلبوهم طوال ايمان
وعسى النادر اللي فالهداد يتحراله= يجيره من العثرات من يجري الاكوان
كمنه صدوق الطلع يمناه فعاله =عديم ليا منه تقلل يجيب سمان
هذا هو سعد جعل السعد دوم يبراله= نقى الوضح وإبهنه دفع طايل الاثمان
على مايبي فيهن الاوصاف دلاله =ليا شافهن الضد عوذ من الشيطان
قرايع وفيهنه سعد مرخص ماله= يبي يكره العدوان ويفرح الصدقان
ظهر كل وصف زين فيهن تحلاله =وزين الطبوع وغير زين الطبوع زيان
نبى الرقم الاول فالمزاين تعداله= بتوفيق رب البيت يظهر لها برهان
نباها نباها من تحدى تصداله =نقول الوعد بكره ليا طبت الميدان [/poem]
القصيدة بالصوت

قصيدة للشاعر هاجد بن جايد المقاطي

الــذود يانــواف "صـوتـيـة"
ربـابـة


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

مشتاق للبر وقلبي زايدٍ شوقة=ودي بدارن عسا الرحمن يسقيها
بشوف وضحٍ تعدا الوصف وتفوقه=وإبن عـتـيق على جيبه يباريها
ليا نصن حاجر يعجبك زملوقه=نبت الخزاما مع الصفار كاسيها
لاتلة الوضح ســلطانة ومـنـتوقه=وألا الزعيـمـه ليا سمعت مناديها
نقوة بكارٍ على التوديه مطفوقه=تطرب ليا من جر الصوت راعيها
وباق المغاتير مابه شك معشوقه=معشوقة بالجمال اللي محليها
ولامن مزن الوسامي لاحت بروقه=نرعى الخطر والحدود نطب أراضيها
حب المغاتير وسط الدم وعروقة=أغلاك جدي وابوي وكيف ماأغليها
فيها بدعت القصيد وزان طاروقة=وباق الطواريق مالي حاجةٍ فيها
سلطان بن سعد العضياني [/poem]

http://www.mzayan.com/vb/showthread.php?t=2182


مــقـاطــع الــفــديــو !! أضــغــط عـلـى الــصـورة وحــمــل المــقـطـع


المقطع الأول الــزعــيـمـة بــنــت تــمــام




المقطع الثاني أخر للزعيمة



المقطع الثالث قصير للزعيمة



المقطع الرابع صور متعدده





المقطع الخامس



المقطع السادس



المقطع السابع


المقطع الثامن



المقطع التاسع


المقطع العاشر


المقطع الحادي عشر




المقطع الثاني عشر




وفي الختام اتمنى ان يكون كل ماقدمت
نائلاً اعجابكم ورضاكم جميعا
... والمعذره على القصور ..

يعطيك الف عافية علي المجهود الطيب

والتغطية الشاملة وما قصرت


ودائما مثل هذة التغطيات للمزاين و تكون فيها الشمولية

هدف الزوار والاعضاء والمشرفين

والاهم تعد من احد رسائلات المنتدي المنشودة من الجميع

تقبل احترامي وتقديري

ودمتم

مجهود رائع

بيض الله وجهك يا سلطان وعز إنك ماقصرت

ويستاهل العضياني الفوز والله يباركله

دمت سالماً

ماشاء الله

ماقصرت ياسلطان تغطية شاملة

كفيت وفيت

والله يبارك فيها

تقبل تحياتي

وعليكم السلام ورحمة الله وبركاته

هلابك ياغالي

يعطيك الف عافيه

ماشاء الله تبارك الله ابل من الدرجه الاولى

تغطيه مميزه ورائعه

كل الشكر لك

تقبل فائق تحيتي

أرحب ارحب ارحب ياسلطان

وبيض الله وجهك على هذه التغطيه اللي تفتح النفس

وعلى هذا الزين كله والقصايد الطيبه


ويستاهل العضياني على الفوز والله يبارك له في حلاله


والله لايهينك ويبيض وجهك بياضً يشع مع كل ريع


اخوك

يامرحبا ترحيبة ترفع الراس ......... للغالي اللي له في ضميري معزه


ياهلا باخوي سلطان والحقيقة متعتنا بهذه التغطيه الرائعه


لهذه الابل المزاين وتسلم يمينك يالغالي


وأبل ماشاء الله عليها والله يبارك لراعيها فيها


ومنتظرين مثل هذه التغطيات الرائعه



وتقبل اجمل تحياتي ......



اخوك سلطان الحربي

تستاهل الفوز يالعضياني

والصراحه الله لا يهينك على التغطيه المتعوب عليها


اخوك
فيصل العتيبي

ما شاء الله

ما قصرت يا سلطان

كفيت وفيت وبيض الله وجهك

تغطية شاملة ووافية

والله يبارك لراعيها فيها وتستاهل الفوز

تقبل تحياتي

بيض الله وجهك

لاهنت يالغالي على التغطيه
تقبل تحياتي

علي العتيبي

الأخ الغالي سلطان العضياني..

بيض الله وجهك على المجهود الطيب..

ويستاهل غازي العضياني الناموس..

وفي انتظار جديدكم..

أخوكم ومغليكم
تركي العتيبي..