من اللي انسحب من الخمسين وضح ؟

رد: من اللي انسحب من الخمسين وضح ؟

الجنة فيها خلل ولجنة اللون فيها خلل كذلك

يعني لازم يكون ابن دلمخ عنده اعلام قوي عشان تحط له مركز متقدم !!!

ابن دلمخ اشترى هالسنه مشتراوات قوية وبضرب ملاييين وتخطي عليه علشان مهوب مهايطي مثل هالعالم الي طلعت ومدري عن صدقها من كذبها في المشتريات الي تشتريها

خرطي في خرطي

رد: من اللي انسحب من الخمسين وضح ؟

من أهل الشبوك الذهبية فئة خمسين لمن عنده علم
وللجميع الشكر والتقدير

رد: من اللي انسحب من الخمسين وضح ؟

لجنه ام رقيبه لجنه مشتريات لاشراء فلان 20مليون ترى ابله طيبه ومنافس
على السمعه على الطهبله بس ولانظر عسى الله يخلف
منقول الا عسى يشوف حل التحكيم والمحكمين السنوات القادمه
مهوب يجبون ناس حيا الله ماعندهم نظر
مشكله ام رقيبه من سنين مالقوله حل لين ذلحين

رد: من اللي انسحب من الخمسين وضح ؟

يالربع مشكلة الانسحابات (( الشبـوك الذهبيــــــــــه )) !!

ولو تدرس هالوضعيـه ويوجد لها بديل لما انسحب احد .

والمسأله بسيطه جداً لكن الاخوان فاللجنه مصعبين الامور !!

وبابً منه ريح سده واستررررريح ,,

وابن دلمخ ابل قووووويـه جداً .. ولكن المُنافسيـن ايضاً أقوى .. لذلك لم يدخل الشبوك الذهبيه ... وانسحب

كلام جميل


لاهنت عالنقل

رد: من اللي انسحب من الخمسين وضح ؟

لجنه ام رقيبه لجنه مشتريات لاشراء فلان 20مليون ترى ابله طيبه ومنافس
على السمعه على الطهبله بس ولانظر عسى الله يخلف
منقول الا عسى يشوف حل التحكيم والمحكمين السنوات القادمه
مهوب يجبون ناس حيا الله ماعندهم نظر
مشكله ام رقيبه من سنين مالقوله حل لين ذلحين

ياثواب انا اخوك لا تذمر ( الشيوخ ابخص )

با الله تبيهم يحطوون ابن دلمخ قبل ابن قريع والموااط وطويق والقريني ولاكيف

اللجنه رجال اهل ذمه ونظر ولا نشكك في ذمتهم ونظرهم ... واللي يشكك فيهم ليش يشارك ؟؟؟؟؟؟

رد: من اللي انسحب من الخمسين وضح ؟

مؤيد لكلام اخوي سعيد المشرف لان الان المزاين تغير اللي مايطور ويشتري النوادر او الابل الطيبة الفاخرة بمثل المهيلب العامين الماضية اللي اشترا من مقدمة المنقيات الفاخرة وتقدم مركزة وحصل انسحابات وشي طبيعي اذا فيه ناس ماهي راضية لان كل رجال ابله غاليه عليه لاكن تبقى المراكز الاولة للنوادر.

رد: من اللي انسحب من الخمسين وضح ؟

بن قريع المواط القريني طويق بن عويفي الشبوك الذهبيه

رد: من اللي انسحب من الخمسين وضح ؟

انسحب بسس بصرااحه ابن عويفي والقريني ابلهم قوويه خااصه القريني تطورت ابله عن العام مشتراااه عدل البل

رد: من اللي انسحب من الخمسين وضح ؟

ان معكم الخمسين السنه هذي قويه بلحيل لكن الرجال الي نظره قوي
والله مايطلع ابن دلمخ من الخمسه الاوئل
وفي الايام القادمه بنزل صور عن المنقيه حتى الي مابعد شاف الابل
يشوفه

رد: من اللي انسحب من الخمسين وضح ؟

من خلال العرض الي شفت ابن دلمخ صعب يدخل الشبوك الذهبيه وعرض ابله السنه هذي أقل من الاعوام السابقه كثير لا أعرف السبب هل باع من الابل او ماعزز السنه هذي بمشتريات او أعتمد على انتاج العالمي فقط ولكن الصدق يقال فئة الخمسين السنه هذي ناريه جدا وكرنفال زين بكار ظغط عالي جدا في كل منقيه ولا تلقاه مع أهل منقيات ال 100 حتى على قوة مستواهم
في ظل دخول اسماء قويه وارخو الريال لزينات الوجيه
فئة الخمسين ابن قريع والمواط تنافس مثير والي بيتقدم على الثاني يستاهل التقدم علما ان تناسق أبل ابن قريع والبكره خزامة ممكن ترجح بالمركز وهذه البكره ممكن تحطم أرقام قياسيه في الملايين الله ياقاها من العيون
منقية طويق مشتريات قوية وأبل أتوقع انها متقدمه وعرضها فاخر ابل وبكار
منقية القريني قويه جدا والبكار الي معه الله يستر عليهن اضافت للمنقيه رونق خاص وعساها من أنتاج بعارينه
منقية ابن عويفي قويه جدا وتميز مثل القريني بزين دقة البل وعساها تكون انتاج عنده فهو مكسب للمزاين وسيشكل خطر قادم على أهل المغاتير في المستقبل
وفق الله جميع المشاركين

رد: من اللي انسحب من الخمسين وضح ؟

من خلال العرض الي شفت ابن دلمخ صعب يدخل الشبوك الذهبيه وعرض ابله السنه هذي أقل من الاعوام السابقه كثير لا أعرف السبب هل باع من الابل او ماعزز السنه هذي بمشتريات او أعتمد على انتاج العالمي فقط ولكن الصدق يقال فئة الخمسين السنه هذي ناريه جدا وكرنفال زين بكار ظغط عالي جدا في كل منقيه ولا تلقاه مع أهل منقيات ال 100 حتى على قوة مستواهم
في ظل دخول اسماء قويه وارخو الريال لزينات الوجيه
فئة الخمسين ابن قريع والمواط تنافس مثير والي بيتقدم على الثاني يستاهل التقدم علما ان تناسق أبل ابن قريع والبكره خزامة ممكن ترجح بالمركز وهذه البكره ممكن تحطم أرقام قياسيه في الملايين الله ياقاها من العيون
منقية طويق مشتريات قوية وأبل أتوقع انها متقدمه وعرضها فاخر ابل وبكار
منقية القريني قويه جدا والبكار الي معه الله يستر عليهن اضافت للمنقيه رونق خاص وعساها من أنتاج بعارينه
منقية ابن عويفي قويه جدا وتميز مثل القريني بزين دقة البل وعساها تكون انتاج عنده فهو مكسب للمزاين وسيشكل خطر قادم على أهل المغاتير في المستقبل
وفق الله جميع المشاركين

كلام سليم 100% وبعيد عن التحيز لمن كان

اشكرك على قول رايك الصريح

كما قلت الاول بين بن قريع والمواط واللي بيتقدم يستاهل

وتقيمك انا شخصيا اويدك عليه فعلن ابل المشاركين في الخمسين قوه غير طبيعيه

واذا المشاركين بنسحبون كل ماخالف الواقع لرغباتهم فهذا شي مؤسف

رد: من اللي انسحب من الخمسين وضح ؟

اولا السلام عليكم ورحمة الله وبركاته

ابن دلمخ يوم انه انسحب السبب هو انه عرف نفسه انه مهب في الشبوك
الذهبيه الخمسه
واقووول
ولا أنسى ابل ابن دلمخ
ابن دلمخ ابله طيبه طيبه ولكن فيه ابل أطيب
وآخر ما اقول لكل مجتهد نصيب

رد: من اللي انسحب من الخمسين وضح ؟

ماينسحب بن دلمخ الا متاكد من شي

بن دلمخ رجال بدوي !!!!!!!!!!

رد: من اللي انسحب من الخمسين وضح ؟

يالربع عسا المانع خير
ابن دلمخ ابخص بعمره
وانسحابه ماغير من الموازين شئ ابله قويه ومهيله الله يبارك له لكن الناس تبي الكايد وكلن يسعا له
فيه ناس تشتري وتسمل وتشتري وتسمل اللين يطور ابله من دقها الى جلها ويجيب اهل النظر وفوق
ذا يسمل ويشتري.

رد: من اللي انسحب من الخمسين وضح ؟

نصيحة ....
يالربع لاحد يجعل في ذمته شيء اللجنة والله ماشفنا اللي في قلوبهم ليش تقولون اللجنة ظالمة وتتهمون الناس بالباطل

لا يدفع الرجال الحماس والحمية الى كسب الذنوب

استغفروا ربكم اللجنة رجال اهل دين واهل ذمة نحسبهم كذلك والله حسيبهم ولا نزكيهم على الله.