مزاين قبيلة الدواسر

فـإشــارة لموافقة سيدي صاحب السمو الملكي الأمير : سلمان بن عبدالعزيز آل سعود حفظه الله

أمير منطقة الرياض رقم 3/2/25820 بتاريخ 29/3/1428هــ

على إقـامة مــزاين لإبل الدواســــر بمحافظة وادي الدواســـــر

ومن هـذا المنبر الإعلامي يسر اللجنة المنظمة والمكلفة لهذا الحدث الهام أن تعلن وتبين للجميع الآتي:

1 / سوف يقام المزاين لإبل الدواســر في شهر شوال القادم من هـذا العام 1428هــ

وسوف يحدد اليوم المناسب في وقت لاحق بإذن الله .

2 / المزاين لإبل عموم قبائل الدواسر .

3 / سوف يكون المزاين لعموم ألوان الإبل والتي يمتلكها أفراد القبيلة وفقهم الله .

4 / مكان المزاين بمحافظة وادي الدواسر حسب مانص عليه أمــر سموه حفظه الله .

5 / الموقع الرسمي المخول لنشر أخبار ومعلومات المزاين هو ( منتدى قبيلة الدواسر الرسمي )

منقـــــــــــــول

نسالله الله العلي القدير ان يحفظ الامير سلمان بن عبدالعزيز وان يحفظ ولاة امرنا ، حيث ان في اقامه المزاينات خير كبير لاهل الابل وشريطيه الابل وسواقين الدنات وبائعين الاعلاف وبائعين الخيام والسواح من الاخوان الخليجيين ، وتعرف على مناطق المملكه ( حيث اني سوف انشالله احضر المزاين وهي اول مره احضر فيها لوادي الدواسر ( يعني نكون واقعين لو ما فيه مزاين ما رحت لوادي الدواسر ) وقبيله الدواسر قبيله مضيافه وكريمه ) وبارك الله للاخوان من قبيله الدواسر التي لها تاريخ كبيييييييييييير جدا في اقتناء الابل الممتازه وراح يكون مزاين جدا جدا رائح بحول الله وقوته

الله لايهينك يابو شبيب على الخبر المفرح...

ونتمنى نجاح المزاين من جميع النواحي...

ولك فائق الأحترام..

صدرت موافقة اللجنة العليا لـ مزاين قبيلة الدواسر

وعلى رأسها الشيخ الرائد سعود بن متعب بن قويد

بتعيين الإستاذ الإعلامي حسن مسرع الدوسري (المتحدث الرسمي لـ مزاين قبيلة الدواسر) الذي ستبداء فعالياته عما قريب

فبذالك تكون تفاصيل المزاين لدى الإستاذ حسن مسرع الدوسري ولايُصرّح بها إلا عن طريقه

وعيّن الإستاذ حسن على هذا المنصب لما يملكه من خبرات تؤهله حيث إنه إعلامي بارز وله مكانته في الساحه


ووجود إسمه في المزاين كفيل بإنجاحه


ولجميع الإعلاميين الذين يريدون التواصل مع الإستاذ حسن مسرع الدوسري

على جوال 0555511835

الخبر منقول

[طراد العتيبي]

والله شي طيب ومن حظ البل انشالله .. اتوقع نجاح المزاين انشاءالله لما تملكه قبيلة الدواسر من ابل وخاصة المجاهيم .... بس لي ملاحظة بسيطة , ماتلاحظون ان جميع المزاينات القادمة ستكون في شهر شوال : مزاين الدواسر وام رقيبة والملقا ومزاين عتيبة , هل هذا في مصلحة المهرجانات ام ضدها ؟؟؟؟

اتوقع لهذا المزاين النجاح لان الدواسر يملكون ابل طيبه خاصة المجاهيم ولكن لو شارك الفصام وبن منصور راح يكون الفرصة الاكبر في الفوز لهم وعندي سؤال هل هناك شوط تحدي ولو ما كان فيه اقترح على القائمين على تنظيم الحفل بوضع شوط تحدي لانه فعلا يحيي الحفل ويستقطب الناس من جميع انحاء الخليج ويكثرون الشرايه ليكون فيه بيع وشراء بشكل مكثف.

الله يعطيك العافيه على الخبر اللي ننتظره من زمان واللي تستحق هذه القبيله ان يكون لها مزاين سنوي وبالاخص ان هذه القبيله تمتلك اجمل الابل المجاهيم في الجزيره وبلا منازع لذا نتمنى التوفيق لهذه القبيله .


ودمت يا ابو شبيب

[glow=#00FF00]يعطيك العافية أخي شبيب على هذا الخبر
وليس بغريبة على ولاة الامرباالموافقة على هذا المزاين ودعم البادية وتشجيعهم
والله يوفق الجميع لمايحبه ويرضاه
مشكوووووووووووووووووووووووووووووور[/glow]

مزاين وبين الطيبين والبل الزيان !!!!!
والله اللي ماحنا بغايبين عنه !!!
الدواسر ونعم بهم .... ونعم بأبن قويد (أبوزابن)...
يستاهلون العلم الغانم وهم هل البل الطيبه وهل المزاينات الناجحه ...
أتمنى أن لايكون بتاريخ مزاين أخوانهم قبيلة ((عتيبه)) حتى نتمكن من الحضور في المزاينين كلهم ...

وشكراً لك يأخوي ظافر

اتوقع لهذا المزاين النجاح لان الدواسر يملكون ابل طيبه خاصة المجاهيم
.................................................. .................................................. .....................
نهني الإستاذ حسن مسرع الدوسري على ثقه اللجنة العليا لـ مزاين قبيلة الدواسر
فيه و أتمنى له التوفيق من الله


وشكراً لك يأخوي ظافر

الله يوفقهم بالمزاين
وقلبيه الدواسر ونعم الرجال

[align=center]السلام عليكم ورحمة الله وبركاته




مزاين قبيلة ( الدواسر ) سيكون بجميع ألوان الأبل الأربع ، وموعده في شهر شوال ، قد يوافق مزاين عتيبة وقد يسبقه ، وسيكون مزاين رائع يستاهل عناء الطريق وحضوره في محافظة ( وادي الدواسر - 650 كيلومتر جنوب الرياض ) وخاصة لكل راعي أبل متذوق للأبل == المجاهيم == كما قال بها الشاعر : شلعان بن ظافر الدوسري :-



[poet font="Simplified Arabic,4,black,normal,normal" bkcolor="chocolate" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
مداهيل حلوات اللبـن خلقـة الرحمـان
مجاهيم سود خالـق الكـون مسويهـا

مجاهيم جاذبها الفحـل والوجيـه زيـان
وسـاعٍ مرافقهـا طــوالٍ خطاويـهـا

جليلات عظم الساق مرفوعـة الحجـان
طـوال الرقـاب مشرهفـات أذانيـهـا

عراض الخدود اللي تماري بها البـدوان
كبار الفقـار موسعـة صـدر راعيهـا

مجاهيـم رمليـات لخشومهـا نيـشـان
ترافـض بـلا دمهـا حـدادٍ نواصيهـا

هوى القلب خطوى نايفة والضلوع متان
تجي بالحلا والزيـن وتـرد بـه فيهـا

كبيرة مزر الورك فجحـا مـن السيقـان
تخنطـل قوايمهـا كـبـارٍ مواطيـهـا

تمايـح بذبـلٍ مثـل دراهـة الـقـران
نهـار الطـرب هـذا لهـذا يوديـهـا

لهـا غـاربٍ متقـدمٍ شامـخٍ ملـيـان
يدافـر حبـاك العيـز والعيـز حاليهـا

وساع منادغهـا مـن الـزور للكعيـان
بها كل شـيٍ زيـن والملـح غاشيهـا

طموحٍ تحذف أشناقهـا واسعـة بيعـان
فـروعٍ فتـون البيـد عسـمٍ أياديـهـا

ولا رايعت كـن المعنـق علـى رمـان
تعوجه مـن العاتـق خفـوقٍ لواحيهـا

سنودٍ من الغارب فسيحة مـن الذرعـان
عسى ربنـا مـن شـر خلقـه ينجيهـا
[/poet]



حيث سيكون هناك حمل كبير جدا جدا على أعضاء اللجنة وهم من قبيلة ( آل مرة ) الكرام ، فالزين في أبل الدواسر واجد ، نرجوا من الله أن يكون في عونهم .


كما أنه سيكون هناك تنافس كبير في فئة الوضح بين قبائل الدواسر القاطنين المنطقة الشرقية ، وسوف يشترك راعي الأبل المعروف :- أبن باتل الودعاني ، بمنقيته في الوضح ، فلذالك أهل الوضح سيستمتعون أيضا بالمنافسة بين الوضح .


موقع المزاين سيكون بأذن الله عند مركز شرطة المثلث ( وادي الدواسر ، نجران ، السليل ) ...................


والسلام خير ختام[/align]

أشكرجميع أخواني الذين ردو على الموضوع وماعليكم زود وبيض الله وجيهكم
أخوكم ظافر

الله يقويكم
وتستاهلون الطيب

الله يوفقكم ويكون من احسن الى أحسن لجميع القبائل