أم رقيبه وش العلم !!!

رد: أم رقيبه وش العلم !!!

صعب انهم يبدون بالمهرجان وابو متعب مرقد في المستشفى . اما عن سوق ام رقيبه فهو اردى من المواسم اللي قبل وراكد بالحيل بالحيل وكل اللي اعرفهم بام رقيبه يسبون فيه . والعرض اكثر من الطلب البياعه واجد والشرايه ماعندك احد باستثناء بعض الخلفات تمشي بام رقيبه وغيره

رد: أم رقيبه وش العلم !!!

السلام عليكم

يالربع ام رقيبه السنه هذي ما فيه حسب المعلومات الي جاتني
و أحتمال تأجيل فيما بعد ولكم تحيتي

رد: أم رقيبه وش العلم !!!

لقاء تلفزيوني مع المشترك المصري تابعوا اللقاء

http://www.youtube.com/watch?v=m47FSWGBPBM&feature=youtube_gdata_player

رد: أم رقيبه وش العلم !!!

يقولك خبر في قناة الأماكن بأن اللجنة أدت القسم امام نائب المشرف على المهرجان سعود بن مشعل

والمفترض ان احد القنوات بيعرضه الليله قبل انطلاقة المهرجان ... انتهى

لكن خلونا صريحين بالله عليكم مهرجان له اكثر من 12 سنة ومهرجان قيمته الاقتصاديه بالمليارات

هذا شغلهم ؟

أنا متابع لاشريت ولابعت ولاشاركت وشئ يرفع الضغط فما بالك بالمشاركين الي يدفعون الملايين

على الأقل اعلن في الجرايد عن الجدوله والاليه المتبعه من اللجنه ومن المشاركين مغير طالع لي في برنامج

وهم الي متصلين عليك مهوب من جوده

واتوقع في قادم الايام أسوا من ذلك هناك خلل كبير جدا وواضح وضوح الشمس ولكن لا حياة لمن تنادي

سنه بعد سنه المهرجان في تذبذب ونازل دايم وكثير من المشاركين المعروفين مايبون المشاركه

والسبب واضح واضح ولازال متواجد

لكم

رد: أم رقيبه وش العلم !!!

^^^

تاكيد لتسجيل القنوات للقسم اليكم هذا الخبر



الي اهم ما فيه ان لون الشقح هالسنه غير متاح

http://jaridat.com/newspaper.aspx?p=3

رد: أم رقيبه وش العلم !!!

ام رقيبة ذا السنة ماش فيها برود المشاركين الي عليهم العلم ماهم مشاركين فيها ذا السنة وما ندري وش الاسباب ،،،،،مزاين بمستوى ام رقيبة تغطية اعلامية ضعفية من قبل اللجنة المنظمة الكل يتطلع لمزاين بمستوى افضل مثل مزاين الظفرة الناجح بكل مستويات ولو يكون لكل ألوان البل كان سحب البساط من ام رقيبة

رد: أم رقيبه وش العلم !!!

انا حضرت عرض الثلاثين صفر السبت والاحد ليس كالسنوات السابقه .
التنظيم ضعيف داخل الميادين والذيدان المشاركه يدخل معها سيارات واجد مما اربك اللجنه .
والناس تدخل مع عرض الشبك من عند العقوم .
واخبار اللجنه متسربه من اول يوم في الثلاثين صفر.
وكذلك نتائج الشعل متسربه جميع الفئات .
بالنسبه للسوق السوق يوم الجمعه والسبت مريته العصر ميت والعرض واجد والسوامه قليل والكذب اكثر.
والمشاري كلها بين اهل الابل وسمعت وما شهدت ان الحابوط اشترى من اللغيصم ليله الاحد .
وعلى العموم المهرجان هالسنه ضعيف بكل المقاييس السوق والعروض والمشاركين والزوار .
والتغطيه الاعلاميه قبل العروض ضعيفه بس اثناء العروض جيده جدا ومغطيه جميع الاغراض.
تحملوني لاعدمتكم بس هذا منظوري للوضع
لاعدمتكم

رد: أم رقيبه وش العلم !!!

اتفق معك يامحمد السيف والكتاب باين من عنوانه غموض واضح عن الاليه وكيفية التحكيم والمشكله الكبيره الي عجزنا واحنا نقولها الجوائز والله ماتجي قيمة المخيم ولا قيمة خساير ليلة وحده. فما باللك بمشتروات بالملايين في تعزيز المنقيات وتعب لكن الله يكون فالعون