مطلوب بعير اوضح

السلام عليكم ورحمة الله وبركاته
مطلوب بعير اوضح
سنة ثنو
ويكون موقعه في الرياض
ويكون السوم مهوب غالي
والي عنده طلبي يعرض صورة البعير في المنتدى

وعليك السلام ورحمة الله وبركاته
مرحبا فيك يبوسعدطلبك موجود لاكن الزين غالي وانا اخوك
وانت اعلم بالشي هذا موجود عندي 2 مغاتير 1=جذع وابلي عليه معاشير الشتاء الجاي نشوف انتجاه اذا الله عطاني عمر ععععععععععععععععععع
عمروعطاك الله عمر
2= لقي الثاني يضرب الشتاء الجاي وكلهن مايحتاج من ابل معروفه ولايحتاج تنشد بالنسبه لساس وهذا جوالي
0556111511 بالنسبه للاول عرضته العام الماضي وهو جذع وموجود
الشتاء الجاي يكون ثني والسعر اهم شي الرخيص بخيص يقولونه الرياجيل شد حزامك يبوسعد وارخ الكيس وابشر بطلبك وتقبل تحياتي اخوك الجدعي

اخوي عبدالله شكلك وانت تكتب كنت مستعجل
انا ودي اشوف البعير الجذع ممكن تعرض صورة في الموضوع؟؟

الله يربح البايع والشاري

ابشر يبوسعد اذا عندك وسائط بالجوال ارسله للك لان بلتوث الكمبيوتر عطلان ورايح اصلحه اليومين هاذي .... وفعلا كنت مستعجل بالكتابه الماضيه وناسف اذا بذر مني خطاء وشكرا لمتابعتك اذا عندك وسائط بالجوال ارسله لك الان وشكرا وتقبل تحياتي

وعليك السلام ورحمة الله وبركاته



مرحبا فيك يا بو سعد طلبك موجود


والبعير اشقح وشاريه في الصيف الي طاف والبل معاشير عليه


والبعير والله ان طبعه زين الورع يرده ويربطه وهدي


ولكن نماه يبين في 12 /2009 الجاي اذا كنا حيين ا ن شاء الله


والبعير علي وسم ال سفران وسيم مني فشتا الي طاف 50000 خمسين الف ريال


رقم جوالي الكويتي ولاكن البعير حول الخفجي 0096566474373

ولك صورته

الاخ ابو سعد ترى عرضت القعود اللقي في موضوع جديد في سوق المغاتير

وابعرض القعود الثاني وسنه جذع الشتاء الجاي انشوف نماه اذا الله عطاني وياكم عمر

اخوك / عبدالله الجدعي

شكرا على ردودكم الجميلة
اخوي عايد الهاجري شكرا على ردك الجميل
اخوي عبد الله الجدعي عندي جوال والحمدلله فيه وسائط بعد بس الحين اخوي و اخوكم ابراهيم المطيري عرض علي
بعيره وبشوفه اذا عجبني بقول لكم واذا ما عجبني عطيتك رقم جوالي .
اخوي فايز بن سعيد اخونا ابراهيم المطيري بيعرض علي صورة لبعيره ان جاز لي ارسلت لك رسالة خاصة
تحياتي للجميع وشكرا على ردودكم الرائعة والجميلة جدآآ جدآآ

اخوي ابو سعد انا نزلت الموضوع وفيه صور القعود اللي قلت لك عليه

واسم الموضوع :

القعود المغتر للبيع

وغيره قعود ثاني سنه جذع

ونزلت الموضوع وصور القعود

واسم الموضوع :

قعود ولد الهلالي للبيع جذع

الله ينولك مطلوبك

ويربح الجميع

فيه قعود طيب وساسه اطيب علي عليان بعير سعد بن ثنيان عند رجال فى حفر الباطن وهذا جواله اتصل عليه وخله يرسلك صورته اخبر عليه سوم 55000 الف خمسه وخمسين الف
ناصر الجذع جواله 0559579090 قله انك من طرف فيصل الرويس والرجال انشاء الله مايقصر والقعود الله العالم ان سنه جذع خذ علومه من راعيه وتقبل تحياتي

الله يربح البايع والشاري

الله ينولك مطلوبك

ويربح الجميع

الله ينولك مطلوبك

ويربح الجميع

انشاءالله تحصل اللى تبي ... الله يوفق الجميع