الحلبه تسبق اليد خلفه كفو للبيع

يالربع الي يبي الخلفه الكفو حليب سحلتين من الكبار والحلبه تسبق اليد
خلفه مجهم الجرم زين السن ام ثالث تحتها قعود وهي خيار للي يدور المنيحه
وانا حاطها في ذمتي لو عندي لها صوره كان نزلتها بس للاسف ماعندي او هي عند خالي
بصراحه عن ناقتين في الحليب واكرمها او تكرمك انشالله النفس زينه

الأخ الغالي نوار السبيعي أسعد الله اوقاتك بكل خير..

إذا ممكن تفيدنا إذا عليها سوم.. أو إذا راعيها حادها يكون أفضل..

وإذا ممكن رقم الجوال للاتصال..

أخوك تركي العتيبي.،،،

هلا والله اخوي تركي
السوم عليها 12000 اهذ مهوب حقها
والحد قريب من السومه او هذ رقم راعيها 0500500382
ابو محمد
وهذ رقمي ان لم تجده 0507778610

اخوي تركي

ماشا الله تبارك الله والله يربح البايع والشاري

بس ودي اعرف عنها ( من هي من ابله او هل هي من زيان الابل بغض النظر عن المناح )...

الأخ الغالي محمد الثنيان اسعد الله اوقاتك بكل خير..

الناقه يذكرها الأخ نوار السبيعي.. ولو أختلطت عليك الأسماء معذور ياخوي..

وتراي رحت لصاحب الأبل المذكوره اليوم الصباح ولقيت عنده ثلاث خلفات.. الله يطرح لنا وله البركه..

واشتريت منه ناقه مجهم وباقي عنده ناقتين وما شاء الله عليها مبروكات..

والله يوفقنا وياكم وجميع المسلمين..

أخوك تركي العتيبي

الأخ الغالي نوار السبيعي..

جزاك الله ألف خير وما قصرت.. وألف شكر لك وتستاهل العلم الطيب..

والله لا يحرمنا وياك وجميع المسلمين الأجر إن شاء الله..

أخوك تركي العتيبي..

اخوي نورار السبيعي حياك الله
وماشاء الله على الناقه الله يربح بايعها وشاريها
وودنا نعرف مكانها اذا ممكن
على شان اذا فيه مجال نشوفها

موفق خيــــر

هلا او غلا بالغالين والرفاقه
اخوي تركي ماسوينا شي
الله يرزقك او يباركلك فيها
وبنسبه لخوي محسن العجمي البل في جو في الرياض
او رقم الجوال فوق
ودمتم

الاخ الغالى نوار السبيعى جزاك الله خيرا حسب وصفك للخلفه اللى ذكرت ودى رفع السومه الى 14000 وانا شراى باذن الله مالم يكن بالناقه مايعيبها

مرحبا الف اخوي عيد المنصوري الناقه والله باعها راعيها
قبل اسبوع وانا منزل الموضوع قدله شهر او ازود
وابشر بالعوض يالغالي في المرات الجايه

الاخ نوار السبيعى ابك البقا مليون وازود مشكور وبيض الله وجهك