ابحث عن بعير مجهم منتج من الدرجة الاولى

السلام عليكم اتشرف بالانضمام لكم في هذا المنتدى المبارك واخوكم يمتلك ابل مجاهيم وعندي فحول منتجه ولكن ما ترضي طموحنا يعني بعنا على خمسين وسبعين وثمانين لكن انا ابغى بعير من يوم ما يطيح الحوار يصير مزيون واعرف اهل فحول منتجه من الدرجه الاولى لكن ما يبعون والي بيبيع يحده علي بمبلغ خيالي يعني يطردك والي خابر شي يعطينا خبر ويبشر بالسعي الطيب لكن يجب ان يكون منتج من الدرجه الاولى وينتج من الناقه الطيبة ومن الناقه العاديه وبنسبه لدراهم ما تهم اذا لقينا البعير الناهي واسمحولنا على الاطاله.

ارررررررحب يا ياسر

وانا اعرف لك بعير طيب جدا واول اناااااجه حيران السنه هذي

وحلوا ببناااااته جدا جدا

والبعير طيب وعلى وحيدان ال جهيم

وسومه فالربيع مليونين ريال اللي سايمه السيد / ناصر بن سعيد بن مرسان الهاجري

واذا بغيت البعير عطني خبر انا انسق معك ونتواعد عند راعيه

هذا تلفوني : 0501855551

وبالتوفيق

الله يرزقك مطلوبك

سللللمه ابو صلبوخ هل سيم شي من البكار وهل وقفت على انتاجه على الطبيعه وهل امهاتها طيبه والا عاديه وهل راعيه بياع مع العلم اني ما شفت على وحيدان الا قعدان ما شفت بكار عليه ابد

سللللمه ابو صلبوخ هل سيم شي من البكار وهل وقفت على انتاجه على الطبيعه وهل امهاتها طيبه والا عاديه وهل راعيه بياع مع العلم اني ما شفت على وحيدان الا قعدان ما شفت بكار عليه ابد

ارحب

اي بالله شفت بناته على الطبيع لو ماشفتها ماكان ذكرتها لك

والبعير قبل الانتاج كان مسيوم بــ 750 الف وعقب الانتاج وصل مليونين

وراعيه بيبيعه عنده غيره 4 من الفحول ويبي يخف منها

وهذي صورة وحده من بناته من تصويري انا عمرها يومين :

ابو صلبوخ الصوره ما بانت لوك مصورها من جنب احسن الله لا يهينك عندك صور جديده لبناته

لا والله ماعندي

لكن عندي مقطع للبعير نفسه وحاله شين عقب شده دامت شهر ونصف وسرا واضرااااب

وفيه شخص شرا من ابل الرجال صاحب البعير نفو من عنده منها ثنتين لقاااح على البعير

وانتجن بكار وحده سيمت اول ماطاحت يوم العهد بها 80 الف

والثانيه سيمت بــ 50 الف هذي نفو من ابله كلام ثبت بالاسماء ..!

تعبناك معنا الله لا يهينك نزل المقطع وتلفونك عندي نتواعد يوم ونشوف البعير والله يكتب الي فيه الخير مع العلم انا في الرياض

مشكور يا نواف

تعبناك معنا الله لا يهينك نزل المقطع وتلفونك عندي نتواعد يوم ونشوف البعير والله يكتب الي فيه الخير مع العلم انا في الرياض

حاضرين للطيبين طال عمرك

والبعير حالياً فالربع الخالي

وهذا المقطع

http://www.alhadafa.com/uploadedfiles/vedios/591.mp4

الله يرزقك مطلوبك

مشكور يا فيصل

حياك الله اخوي ياسر ولاتعبت طلبك موجود ياغالي وطلبك موجود بالرسائل عندك الخاصه

ارحب يا تركي