يقول الطارش العلم عفاكم

[align=center]السلام عليكم ورحمة الله وبركاته وبعد

يقول الطارش العلم عفاكم اليوم سوق الخميس بالنقيع في بيشه الخلفات مادون الأربعة ألاف وخمس شي وبيع أعلى سعر
15000ألف ريال إبل فيها رق زين وطياب باللبن والنفوس هديّه

وبيع 3 لقايا من عشره ألاف فيها رق زين ماهوب إلى هناك أما العشاير والمعاشير سوقها هوين والطلب عليها قليل

والحاشي القصابه المفرود الصالح يكدش الثلاثة آلاف وسلامتكم



مع تحيات راعي المغاتير[/align]

ارحب ياشجاع الأكلبي

وعليكم السلام ورحمه الله وبركاته

وحيه وحي علومه لاهنت على إخبارنا

بحاله سوق بيشه واسعار الحلال فيه واعتقد مامن فرق عن باقي سوق

الحلال حسب علمي عن سوق الاحساء والخرج والرياض والنعيريه فالاقيام متقاربه

لاهنت وبيض الله وجهك .

تحياتي ,,

أررررحبوا

أبو عمر شجاع الاكلبي وزاهر العرجاني

حيهم وحي علومهم

لاهنتوا على كل حال وبيض الله وجيهكم

بس ما تلاحظون ان الاسعار قليلة جدا خاصة ونحن في موسم ربيع

ومن المفروض أن الاسعار اكثر من كذا خصوصا للخلفات

تحيااااتي لكم جميعا


ملاحظة تم النقل لسوق مزاين بواسطتي

حيك حيك
هلابك والله الاخ شجاع ولاهنت ونا خوك ياراعي العفرا

تحياتي