مطلوب من الجميع المشاركة(اذا سمحتم)

[align=center]السلام عليكم ورحمة الله وبركاتة
يقولو ماخاب من استشار وانتهم اهل انشالله للاستشارة بحكم انكم كلكم تجمعكم هواية واحدة وهيه جمع الابل وحب الابل
انا فى مشروع فى بالى يا اخوان وودى انى استشيركم
انا ابي اجيب ابل من باكستان وهيه صعبة جدا جدا جلب الابل من باكستان انا عارف ولاكن انشالله انى اقدر اجيبها المهم ماعلينا الابل اللى ابي اجيبها بيكون مكانها على حدود ايران من باكستان
بس يا اخوان انا صارلي اكثر من شهرين وانا ادوج بالسوق (الصليبية) ولا لقيت اباعر باكستانيات ولا ادرى شلون اسعارها الا مرة فى سوق الابل فى النعيرية ذيك الناقة الزرقا المجاهيم ناقة كل مافيها زين وكانت حايل سمت الناقة قالى 18 الف ريال نبي نسمع رايكم يا اخوان على فكرة ترى انا مانى جناي رجال ادور المربح والفايدة[/align]

اخوي عبد الله

نريد مزيد من الشرح ما فهمت مقصدك

اخوك

مشعل اليامي

هلا اخى مشعل انا طال عمرك ابي اجيب ابل باكستانية وابيعها بالكويت شرايك بالمشروع هذا

اخوي العازمي لابغوا اهل الابل انقاص الفحل او الناقه المزيونه قالو ابوها باكستاني ولا امها


هذا مالدي اخوي ولااعلم عن اسعاره شيء




تقبل تحياتي

يعطيك العافية يا الروقي ولا قصرت بس انا جايبها بغرض التجارة فقط

عبدالله العازمي اسعدالله اوقاتك

فكرتك اعتبرها طيبة ولكن بالدرجة الاولى المشروع يعتمد على نظرتك... فهل انت راعي نظر ؟

فبالتاكيد مثل ماعندنا الزين والشين في ابل باكستان ايضاً الزين والشين

وصدقني الزين مطلوب مهما غلا ثمنه

وفي النهاية........ الله يهديك على الصواب

الله يجزاك خير يا المرى انت وكل مسلم
والله انى مانى راعي نظر بالحيل لاكن الكايدة ابي اعرفها والوسط ابي اعرفه

والله يا عبدالله الزين يبا يفرض نفسه مهما كان أصله لكن ناقة العرب لها جمهورها المتعصب

واذا كنت تدور الفايده شف فحول المجاهيم ترها عندهم كايده واتعب على النياق الشعل لأن شح زيانها عندنا فالكويت

والله يوفقك ويسدد خطاك في مشروعك اللي أتوقع له النجاح ان شاء الله

والله ونا خوك كل واحد وله راي ((لو الناس على راي واحد كان محد((ن)) عاش في هالدنيا كان كل شي تبيه اخذوه وكل شئ ماتبيه خلوه لكن نعمه الراي فضل من الله

((انا اقول اتركها بس ولو انها كامل الزين زي ماقلت كاان اخذت بالاقيام الخياليه) ))) لكن الاصل اهم شئ في البل وانت على راحتك

والله يا عبدالله ابل زينة عندهم ورخيصة بالنسبة الي عملتهم

ولكن تحتاج واحد ثقة من بلدهم تعرفة عز المعرفة ويمكن الخليجيين قدامك طيروها بسعار كبيرة

راي طال عمرك حسب راس المال وهوان كان راس مالك كبير لا تضعة في الابل ولكن حط في الابل

25% وجزء استثمرة في ما تراة مناسب وجزء لابد ان يكون في اصول ثابتة مع الزمن تزود مثل ارض

او عمارة تجارية او غيرة اذا حدك الزمن ترجع لها

وبخصوص الابل اشوف ان تركز علي الانتاج والبيع والشراء وماهو شرط كل يوم تبيع وتشري

الركادة زينة ودور مع البدو اهل الابل بكرة حوار فاطر مزيونة تظربها بعير طيب

والله يرزقك من واسع فضلة

الله يجزاك خير يالشيباني انت والربع انا يالربع مانى جانيها انا من المينا الى الصفاة على طول ووين سوامها انا بياع فقط لا غير
اما الرجال الثقة موجود وانا ابي اظرب البر موب الصفتة فى باكستان فى منطقة على حدود ايران بس ناطر يجيني الضوء الاخضر وراح اروح انشالله واجيب ان الله امر

الاخ عبد الله العازمي حياك الله 0

بالنسبه لمشروعك,ما اعتقد حد قد باع واشترى في الباكستانيات , منذأكثر من 15 سنه أشترى الوالد الله يرحمه باكستانيتين
من سوق الدوحه واضربناهن ببعير مغاتير وكان كثيرات الاكل مثل البقر ( الهولندي ) وبعد كم سنه تغير نسلهن واصبحن يخالطن
في المغاتير ومن لايعرف الابل من زوارنا واصدقانا كان يعتقد أنهن مغاتير 0
الابل الباكستانيه لاباس فيهن لايمكن الاستفاده منهن الا في اللبن واللحم فقط,أحسن شي توردهن للمقصب 0 والله اعلم 0

مع أطيب تحيه 0

الله يوفقك

مشكور يا اخوان ولا قصرتو

المشروع-باذن-الله-ناجح-لكن-لو-دورت-من-ابل-الجزيره-العربيه-يكون-أطيب-وأوفر