ياهل الابل

السلام عليكم وعيدكم مبارك يااهل الابل وعساكم من عواده ، باالنسبه لموضوعي انا عندي مغاتير وضح وابيلها فحل اوضح برده ويكون زين وياليت يكون منتج وارخيص وكويس على مايقولون وسلامتكم

عيدك مبارك ياأحمد
والله يرزقك مطلوبك

الله يناولك مطلوبك

كل عام وأنت وأمة محمد بألف خير وسلام

الله ينولك مطلوبك


وياليت ترفق رقم جوال

الله يرزقك مطلوبك

فيه قعود على كحيلان بعير ابن غصين اللي باعه على الطهيمي والقعود برده وجاء عليه بكره خياااااااااار
وقعدان اثنين فقط لانه ما ضربه الا ثلاث نياق والرجال ذا صاحب اللبل شاريله فحل ثاني ومنتج والظاهر انه يبي يبيع
وعلى فكره ترا سنه ثني واذا تبي نصيحتي لااااااااااااااااايفوتك ووالله اني لك من الناصحين
وهذا جوال راعيه 0505276695 ابو بندر

عيدك مبارك ياأحمد
والله يرزقك مطلوبك

الله يرزقك بمطلوبك
ولكن ، منتج + رخيص + جلد أبيض = معادله صعبه شوي

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxx
عندك المرحان أصحاب البل المقيمه تبي تحصل عندهم شين موافق وعلى واجهت اضراب يعني يجذع أو يثني

واحدن من الربع قبل عامين توجه يم سعيد الزمامي وخذ من عندهم فحل يثني ما قد أنتج بـ 55000 ألف ريال ، وشكل الفحل من الوسط وفوق ، ورزقه الله وأنتج عنده أنتاج طيب

وعندك غير الزمامي ابن صاهود عنده قعدان جاهزه للضراب العام هذا ساسها طيب وتاخذها من أمراحه وبين أمهاتها بدون حلف الشريطيه

وغيرهم كثير من أهل الفحول المنتجه ولا تقرب أهل المزاينات حلالهم طيب نعم ولكن شارين غالي ويبيعون غالي حتى لو قعودهم أدون من الوسط

الله يناولك مطلوبك

الله ينولك مطلوبك

الله يرزقك مطلوبك

عبدالله المطيري اذا تقصدني بقولك الشريطيه وحلفهم فانت غلطااااااان انا مو شريطي وبعدين القعود مو عندي
عند راعي ابل وفي مراحه وودي انك تزين نيتك (شكلك اكلتها من الشريطيه لكن الله حسيبك )

عبدالله المطيري اذا تقصدني بقولك الشريطيه وحلفهم فانت غلطااااااان انا مو شريطي وبعدين القعود مو عندي
عند راعي ابل وفي مراحه وودي انك تزين نيتك (شكلك اكلتها من الشريطيه لكن الله حسيبك )

أخوي نواف إذا تحسب إني قاصدك لا والله ما قصدتك ، وعلى قولك الله حسيبي إن كاني قصدتك

أما النيه أبشر بزينها ، وأنت أحسن الظن بأخوك

أما قولك إني أكلتها من الشريطيه ، لا أبشرك ولله الحمد والمنه ما أكلتها ، ولكن ما يعجبني كذبهم وحلفهم بالله دجل ، عليهم من الله ما يستحقون

يانواف عبدالله ناصح لك ، وانت الظاهر فهمته غلط

و الله ينولك مطلوبك .