خلفه للبيع مجهم وجذعتين لقاح وام ثالث لقحه ووضحا جذعه لقحه

بسم الله الرحمن الرحيم
السلام عليكم ورحمة الله وبركاته
اما بعد
يوجد خلفه للبيع مع حويرها اللون ازرق السوم 18000 ريال
ثانيا جذعات مجاهيم لقاح الأوله اسمها الطويفح عليها سوم 20000 ريال
الثانيه اسمها العباده ماعليها سوم
رابعاناقه ام ثالث لقحه اسمها الهديه عليها سوم 22000 ريال
خامسا جذعه وضحا لقحه اسمها مياحه عليها سوم 35000 ريال
لشرايه / نايف محمد المصارير جوال / 0502843776
1/الحوار2/الخلفه3/الطويفح4/العبادهـ.5/الهديه6/مياحه

الله يبارك لك العباده نفتح بابها ب 5 الاف

ماوصلت قيمتها

ويييييييييين الشرايه يالربع

تراهن لقحات والوسمي قرب

سيمت قبل قليل العباده 7000 ريال

علي ب 7500

السلام عليكم ورحمة الله
الله يبارك لك يا نايف ابنشدك عن شي برا الموضوع بما انك من المصارير وسم المصارير وش هو
مشكور

أخوي نايف وين الموقع الله لايهينك

بسم الله الرحمن الرحيم
صبحكم الله بالخير
الاوله سلطان بن حميد جزاك الله خيره مب قيمتها العباده جذعه وهي الحين لقحه ووقت خلافتها قرب
والحميدي السبيعي وسم المصارير الحنوه على الرقبه من يسار وهو بين على الوضحا
عبدالله جدعان العنزي الموقع شرق الخرج 45 كم

جزااك الله خيير

نايف راحت الخلفه بــــ19000
والعباده بــــ10000
والطويفح وام ثالث اثنتين 48000 ريال
والوضحى الله يوفقك فيها

سعد العتيبي جزاك الله خير وترا يااقربي للبيعه

حياك الله يا نايف

العباده وشهو لقاحها عليه ومتى تلاقى

ابقاك الله يافيصل الحقباني
العباده القاحها من فحلنا وباقي عليها شهر او شهر ونص
وهذي صورة الفحل
مشيحان