أبل مجاهيم للبيع عدد (7) في الخرج

السلام عليكم ورحمة الله وبركاته ........

أحبابنا في المنتدى اسعد الله صباحكم ومسائكم وأيامكم بكل خير ..

للبيع ابل مجاهيم عدد 7 في الخرج وهن كالتالي :ـ
2ـ لقحات في شهر 4 يلاقن ، هديات ، ديودهن سلم ، حليبهن طيب بلحييل ، سالمات من جميع العذاريب ، كلهن سدس ، امهات ثلاث .
2ـ عشاير معهن قعدان :ـ
ــ وحده ام ثالث وتوها معشر كسب ، هديات ، سلم من جميع العذاريب .
ــ وحده ثنيه والي معها بكرها ، سلم من جميع العذاريب .
1ـ حايل وعلى ضراب تو الدكتور خاش عليها ومعالجعها ، عمرها سديس .
1ـ لقيه
1ـ حقه

البل مقاني ومنايح طيبه
البل لقحات على بعير طيب من بعارين ولد وريك .
القعدان تبشر بخير وان شاء الله فحول .

والعذر والسموحه على عدم تنزيل الصور راعيهن ما يعرف يتعامل بالصور والجوالات الكاميرا،،،،،

انا وسيط خير والي له شف يسير على راعيهن في مراحه ويشوف بعينه جواله 0504141736

200 مشاهده

ولا رد واحد

والله فشلتوني في خويي الي وصاني

بس الله يرزقه البيعه الطيبه

الصور تخدم موضوعك وتشجع الناس على المشترى ما حد بعاني لك في الخرج من شمال المملكه والا شرقها والا غربها والا من الخليج الا وهو اقل شي شايف صور .

حط الصور وابشر بالشرايه

وعليكم السلام ورحمه الله وبركاته

مرحبا ياخ عبدالعزيز

والله يجزاك خير على حبك للخير بخدمه الاخرين وهذا يدل على طيبك.

مثل ماقال الاخ محمد الصور تخدم الموضوع بالرغم من الاوصاف الطيبه اللي قلتها في البل

والله يرزق رفيقك بالشراي الصامل

اما من ناحيه الردود فان اداره الموقع منعت اي رد لايخد الموضوع لذا قد ترى مطالعه من دون ردود

~.~ الصور يا الغالي تخدم مثل ما وضحو اخواني الي قبلي ~.~

~.~ومحد متعني من شمال وجنوب وشرق وغرب للخرج عشان يعاينون الابل ~.~

~.~ ويمكن تعجبهم ويمكن لا ~.~

~.~ تقبل مروري ~.~

~.~ والسلام مسك الختام ~.~

وش حد رفيقك فيها جملة

ابشروا ابشروا ابشروا

الله لا يهينكم


كلامكم في محله


ان شاء الله الخميس والجمعه عنده

وابشري كاميرا على حساب خويي


وان شاء الله تشوفون الصوره

بس


وعد نبي سوم بعد الصور


وسلامتكم

على 5000 المتن على النظر

أخوي مساعد

سومة طيبه من وجه طيب

يعطيك العافيه

5200على الشوف 0504790700

أخوي سلطان

سومة طيبه من وجه طيب

يعطيك العافيه

وين اهل البل

وين الشرايه

اخوي الغالي الفضلي

جيب صور ولا مقطع فيديو علشان تشوف السومات اللي ان شاء الله تسرك

حنا في انتظارك.....

ابشر يا ابو عوض

ان شاء الله السبت وعد ثبت

يعطيك العافية يا عبد العزيز وننتظر الصور