مهر جميل وأسود كحل وصغيرلذود الوضح والعفر

[align=center]عندي مهر أسود غراب ومحجل الثلاث ومطلق واحده وصغير جدا بمعنى يوالف البل بإسبوع ومدرب على الركوب الخفيف والإنسداح على الجنب بحركه رائعه عمره من العام والنصف وحولها جميل جدا ومشوال وحي يحييك وخاصة باللعب يدوره دوره وأنا شاريه من مزاد أمس واللي يبيه يكلمني والسعر حول ... ماني معلم بمشتراي لأن أهل البل سهل صيدتهم ولكن لهم مني إذا إشترو وخلصنا أعلمهم رأس مالي والسلام... .... مسعود أشغلتك الله لايهينك
الرقم (0500593600) [/align]

ابو متعب كم حدّك فيها ؟

وهل وهل سيمت منك وياليت تذكر السومة

[align=center]ياإخواني الكرام المهر بعته على اللي عساه يعود للسعوديه أخونا القحطاني ... ويامسعود نزل الصور عسى أحد يشوفه ويكسبه والله يرزق المسلمين.. وخل الموضوع للعرض[/align]

[align=center]يامناحي إنثى يامناحي إنثى يامناحي مهر......... كسب راعيه اللي شراه يامناحي ترى سعره مناسب ويصلح مع الذود ذمه وأمانه .. اللي يشوف كتاباتي يقول هذا أكيد فنجال الشيباني ما درى إني مع جنبها فالخيل..وللمعلوميه تراه طلع من ذمتي . والله يوفق[/align]

الله جعلك ايامك سنين يافهد وتراه مهوب للبيع يافهد خله يلعب ويشوال مع الشعل ياكحيلان .....

هذي الصور

الاخ ناصر اذا لك شف في البيع او سيتم نقل الموضوع للارشيف

الرجاء الافادة عسى الله يربح الجميع

مشرفنا الغالي كل عام ووانت بخير ومن العايدين وترا مالي في البيع ابي اشوفه لا بطحنا بيمشي مع الشعل ولا بيروح المشوال واللعب نهار البطح والله لايهينك .....

[align=center]الله يكفينا شرك ياناصر مولم العصابه قبل الفلقه... ياخوي تفائل خير... العسكري يقعد سنتين تدريب أو أكثر ثم يدخلونه الجبهه وأنت تبي تبطح وأنت ماإستلمته.... أقولك خله مع البل شهر ومع الحيران خاصه مع المقهور وعليك بالسكر والجزروقطع الخبزالناشف وتشوف كلامي ياخوي ناصر لوتعطينيها أنا مافكيتك.... والله لين بطحته مع البل من أول يوم إن تلقاه عند باب الأماره معه معروضه . لاتضحك ... تراه مثل نظام الخادمات وهروبهن.. وحده وحده وحبه حبه.... بس تبي تبطح[/align]

ترى ان مامشى مع الشعل بوديه للهنود والمصاريه اللي في الثمامه ولا برسله وراك للردف في الطايف يكدونه في المنتزهااااات ههههه

الله يرزقك يافهد مهوب جينا منكم الا كل علم غانم وطيب وانتم اهل الطيب ياكحيلان بس حنا بغينا نضحك مشرفنا الغالي والاعضاء الكرام في ذا المنتدى اللي والله العظيم انه مونسنا في غربتنا .

[align=center]ياناصر ياخو تكفى ورى ماتأخذني أنا وتفكني مع الشعل اللي عندك هالحين والله إنك لو تبطح 24 ساعه إنك ماتدري أنا بأولها وإلا بأخرها من السرعه تكفى ياناصرلا واللون أشقررماني بعد.[/align]

ههههههههه يافهد انت تبيني اتهور ثم يكحتوني المشرفين برا المنتدى ثم والله ان تغدي عيوني غواريق من الغلقه مهوب ونسني الا شوف عطايا الله تكفى يافهد ....

[align=center]ياناصر والله لين طاوعتك وماشيتك بهالكتابات إني لأبطح صلاة الفجر مير تمس على خير.. النوم ياناصر الليل أمسانا.. والمعذره من الجميع وخاصة مشرفيننا الأعزاء الكرام الأفاضل ..والسلام[/align]

العلم ويش يابومتعب ...المهر بعته ولا مابعته

الموضوع انقلب شات بينك وبين ناصر جعلكم تسلمون جميعا

ان كان المهر معروض الى الان للبيع عطونا خبر



تقبل تحيتي ومروري