السياره خبطت

الاخوة الاعضاء

سياره الابل (الشاص) اللي تروح معها تطلبكم البيحه (خبطت)

وابغى اشتري ذلول ( ركبي ) للسوداني علشان يروح معها

ويكون رخيص جدا

مغليكم

مشعل اليامي

هلا والله ومرحبا

عليك بالذلول العمانيه اللي ظهرها بارد

تراني اعرف في الهجن عم ابوي اخو جدي راعي اصايل((الجيش)) حصل على مراكز الاول والثاني السنه هذي بالطايف واخذ جوايز قيمه..

وانت اذا تبي نصيحتي السوداني بيسرح مع البل خذلك عمانيه العمانيه ماهيب مثل الاصايل لكن تصبر وخذلك شقحا قاطع ولا حمرا هي اللي اصها زين هي اللي تصبر وهي اللي تطيع وهي اللي ترد البل وما تمشي بدون البل متر زياده.. وحاول تاخذ رحول ابل ماهيب معسوفه قريب

وعانهن بالسوق على 2000 ريال وعلى 3000 والطيبه فيهم 5000وحاول تشتري بالشتاء الناس اللي بيبيعون البل خذ رحولهم وان كان واذا مالقيت عمانيه خذ رحول ابل وحاول انها قد قطعت الديار الصمان ووووووو.....متعوده احسلك من المعسوفه بدري يبيلك تعودها ...

اامل اني افدتك

الله يوفقك ياخوي ومجرد نصيحه ومعلومه وانت ورايك

تقبل تحياتي

أخوك علي العتيبي

مشكوووووووووور يااخوي علي

على المعلومات الزينه

وامل من الاخوان اللي عنده حوالينا من وادي الدواسر وجاي الى نجران

وهو ناوي البيع يعرض الصور والسوم

مغليكم

مشعل اليامي