الفحل المري الفاخر يامدور الانتاج

السلام عليكم ورحمة الله وبركاته وكل عام وانتم بخير
هذا يالربع الفحل مسكت فحل مري عليه وسم الأمير متعب على فخذه الأيسر الفحل كايف وكل مافيه زين راس ورقبة طويلة وجنب وطول والفحل امسيس ومعروف أصله أبوه عشيو فحل الأمير فهد ابن سلطان وامه من ابل الأمير متعب واخته من ابوه مسكتة ناقة ابن بطي المشهورة والفحل منتج وأكبر انتاجه جذعة عليها سوم 1200000مليون ومائتين الف وهي عند آلجهيم واللي وصلها رامس المنهالي قبل شهر, ومن انتاجه قعود مفرود راح العام بستمائة الف في الظفرة على الأمارتيين وعليه بكرة لقية عليها 320000 وهذي صور الفحل
وهذي صور انتاجه بكرتين الجذعة ام جلال واللقية وقعود مفرود المكتوب على صورته وحيدان
الفحل كفو ومشروط وسالم من العذاريب لاذيبة ولا قلب عصب والطبع الزين وكل مافيه زين وينكم يامدورين الانتاج دونكم الفحل استهدوه فالبل الطيبة وابشروا بالإنتاج الفاخر بإذن الله,,,,
الفحل في الرياض وراعيه عليه لزوم وعارضه للبيع ومسيوم 75000 خمس وسبعون ألف ريال والله ماهي قيمته ولا حوله وهذا جوال راعيه وإن شاألله بنزل له مقطع فديو
الأخ صالح المري 0545214300
0508192193

وهذا مقطع للحواره المفرودة من إنتاج الفحل اللي وعدتكم فيها
http://alhadafa.com/mlffat/index.php...getfile&id=513

</B></I>

موقعه وين بالرياض وش سنه الان

موقعه قريب من الجنادرية حوالي 10 كلم وعمره بالظبط 9 سنوات أكبر إنتاجه الحين جذعه وسنه شاق نابه الأول وباقي اعلومه عند راعيه

وهذا مقطع فديو أرجو أن يكون واضح

http://alhadafa.com/mlffat/index.php?action=getfile&id=509

ألاخ ناصر البعير سالم العذاريب

ماشاء الله تبارك الله . بعير نظر وزين والله يبارك لراعيه فيه

بس ياليت تذكر لنا سبب البيع لأن البعير فاخر جداً

ياليت تعطينا صور لحيرانه ذا السنه لو تكرمت ..

مح ـبك
تركي الكبرى

وش اصغر انتاجه الله لا يهينك

ألفحل سالم من العذاريب وانا سافطه لمثلكم وشرواكم وراعيه محتاج وعليه التزام ويبغى يقظي لزومه ولا يقبل فيه المعاريض ولا شي مفهوق لأن كثير من الناس ازعجوه فيه لكن الرجال رافض وحظ من صار البعير على حظه وفيه مقطع فديو لمفروده ابنزله لكم اقريب إن شاألله في أقرب فرصة

لوسمحت هل البعير محدود

مالك لوا ماهوب محدود لكن راعيه محتاج وياقربه من البيع

الله يمسيك بالخير يا ناصر البعير على ب 30000 الف شرط اشوف انتاجه ج0505222220
تحياتي وتقديري

الله يمسيك بمثله ياخوي خالد ويالله إن تحييه الفحل مسيوم 75000 وراعيه طالب الزود وبأقرب فرصة راح انزل مقطع فديو لحواره مفروده عليه إن شاألله

جعلك تحيى يا ناصر انا سومي في المنتدي والسوم خارج المنتدي ما اعلمبه
وانا اسف يا خوك ولكن اعتبر سومتي فتح باب البعير في المنتدي والله يربح راعيه
تحياتي لشخصك الكريم

يا ابو فهد على 50000 الف ان كان راعيه بياع على شرط اشوفه
تحياتي