حواره مجهم مزيونه. من يفتح السوم يالربع

السلام عليكم ورحمة الله / يالربع اللي له نظر يسوم ودمتم سالمين0503836277

وعليكم السلام ورحمة الله وبركاته

هلابك ياغالي

يعطيك العافيه

ماشاء الله

والله يبارك لك فيها

[align=center]عليكم السلام ورحمة الله وبركاته

حياك الله ياذيب

وياليت تعطينا نبذه عن الحواره ويش ابيها ولا من هي من ابله

وشكرا

اخوك
..
..[/align]

بسم الله 5000 ونشاءالله فتحة خير

جزاك الله خير يافيصل
فتحة خير ترى يالربع انا قلت افتحوا السوم من باب الدعابه وحتى اللي يسومون بالتلفون مانذكر سومهم الا اذا واحد منهم غط على غاربها
والحواره من انتاج ركاب السدارى وامها اقة بدوي ولكم تحياي

ارحب يا ذيب الحربي

السوم ب 6000

والبكره طيبه ماشاء الله عليها

اخوك خالد السديري

السلام عليكم
الحوارهانشاء الله انها طيبه والسوم عندي6500

الله لايهينكم
يالربع الحواره مزيوووووووونه يعني اكثر من بداوه واسوامكم اعتبرها تقديرات ومجاملات ولو تسومونها بمية الف الا واحد يوقف عليها

الله يهديك يافيصل / الربع بنو على سومك وكملو :::::

الســــــلام عليــــــــكم
اللـــــه يســــامحك
الحواره طيبه طيبه بل الحيل
الله يبارك لراعيهااااااااا
والحواره تسوى اكثر من ميه الف
ولها مستقبل طيب
لكن كانهاااااا
بميه الف ابي اشوفهاااااا
وما يصير لا كل خير
ولكم جزيل الشكر
محمد العلي

كفو يامحمد وانت ما قصرت وبيض الله وجهك ولكن اخاف يساء الظن ويفكرون ان هنالك معرفه او مجامله وانا ماسبق واتشرفت بمعرفتك والله شاهد علينا ولكن اكرر واقول للجميع أنني لا اذكر اي سوم الا سوم رجال يقف على السلعه لتجنب الوقوع بالنجش والحرام ولكن الاتصال يوفر العنوه للشاري حيث ان بعض المتصلين يسوم على صوره وانا اعلمه اذا كنت قريب فى البيع ولا اعني احد ويقطع مسافه طويله و انا ماني بحوله وخصوصا اذا السوم المبدءي ردي ولا ودي أعني خلق الله عشان ادور منهم رفع السوم (قال ص :لايؤمن احدكم حتى يحب لاخيه ما يحب لنفسه) أو كما قال ص. أما اذا كانت رغبته السوم على الشوف بشرط حظوره فلا مانع عندي ولا اذكر سومه الا بعد ان يحظر ويثبت سومه لان بعضهم يتراجع عن سومه ونكسب معرفته وهذا هو مكسبي الحقيقي حيث انني تعرفت برجال شرواكم عن طريق الابل وعن طريق منتدى النداوي لسوق الابل الذى له فضل علينا كمتصفحين وعارضين حلال وعسى الله ان يجزي حمد السحيمي والاخوان المشرفين عنا خير الجزاء. أما عن الحواره فأنا في الواقع ابخصها جيدا واشاور اهل النظر فيها دايم والحمد لله انهم جميعا اثنو عليها ولكل شارب على ما قالو مقص وعندي ابشركم أطيب منها ودمتم بخير.
اخوكم : ذيب الحربي

الســـــــلام عليــــــكم
بصراحه يا اخ ذيب واكيد انك ذيب
والاخوان الاعضاء المنتدى
انا ما اعرفك بس الحواره طيبه بل الحيل
واعجبتني
ملت عيني بصراحه الله يبارك فيهااا
وانا والله العظيم اني راعي مغاتير وشعل
وانا يوم اسوم الحواره قلت بميه وابي اشوفها
لن الحواره ماشاء الله طيبه بل الحيل
واعجبتني اعجاب ولها مستقبل وذكركم
يا اهل الابل
وانا عند كلامي

لاهنت يامحمد على الكلام الطيب ولاهي بغريبه عنكم وانا حدسي ما يخيب فانا ارى علومك الطيبه واجد فانت من منبع طيب ولاهي بغريبه عليكم ودامك راعى مغاتير فادخل على هالرابط
http://www.mzayan.com/vb/showthread.php?t=1852

السلام عليكم
ياشباب الحواره وقف عليها أحد المتصلين وسامها بعشرين الف ريال

ما شاء الله ،،

الله يربح الجميع ويوفقكم ،،

البدرانـي

يا اخ ذيب هل بتاخذ بسومنا ولا منب ثقه........ ولا هنت منهو الي سام ولك تحياتي