يامدور الفحل

السوم 22الف عند الاخ محمد فهد العجمي تلفونيا
وهو من أعضاء الموقع
تحياتي للجميع

مرحبا اخوي حاتم والرازق الله وانت تقول { وان كان انك لاحظت شي علمني ولاهو معيبه عندي} وانا لاحظت في احد ردودك على موضوع احد الاعضاء يدور فحل مجهم و تقول :

نعم نرسللك وسائط اسهل لنا وافضل للتواصل
عندي (شامان) مجهم فيه سر باكستاني شبب وانتاجه طيب
وانا حبيت التوضيح ليكون البيع واضح وبعيد عن الشكوك والله يبارك لك في حلالك ويرزقك بالقيمه اللي تطردك منه تقبل تحياتي

الاخ/ سهيل

البعير موجود بالقرب من عشيرة القريبة من مدينة الطائف

تحياتي

الأخ حاتم
الله يرزقك من واسع فضله

نعم صدقت اخوي محمد انا رديت على احد الاخوان بماذكرت وللتوضيح
انا شريت البعير من شريطي وكان يقول ان البعير يمكن فيه سر باكستاني واتصلت بصاحب البعير على عجل واخذت علوم البعير وانتاجه واقتنعت ولم اتكلم عن موضوع سره لانه قال ماشفت الا امه
وكان هذا الرد في المشاركه اللي انت ذكرت ثاني يوم من مشراي للبعير بناءا على الانطباع اللي في ذهني من البايع
بعدها صار لي اتصال بصاحبه الاول وكان الحديث مطول وتكلمت عن وجود السر من عدمه وقال امه طيبه بالحيل وماهي باكستانيه وابوه مااعرفه ويعلم الله اني قال لاتفك البعير بعد ماجابه الله على حظك
البعير اطلقته مع البل وميزت فيه كما ذكرت لك في ردي السابق وملاحظاتي السابقه ولا ادخل ذمتي شي
وترى صدري وسيع لملاحظتك وحبيت اوضح لك وحيا الله سر يفهق سنامه ويزين مهادله وان كان التهجين ينتج بعير مافيه عيوب الباكستاني فأهلا وسهلا وماني زاهد فيه لكن اترزق الله
اعذرني على الاطاله فما اطلت الا احتراما ومحبة لك ويعجبني الرجل الشجاع الصريح مثلك اخي محمد

السوم 22الف عند الاخ محمد العجمي

ماشاء الله تبارك الله
اخوي البعير لك عليه حد ولا لا
وانا ماودي اشتري بعير لكن عندي طلب لو سمحت
ابي ارسل لك ضريبة من الرياض بس ابي اشوف انتاج البعير اذا ما عليك كلافة
لاهنت

الله يزرقك من واسع فضله

الأخ حاتم الله يحفظك وين موقعه من عشيرة بالضبط
ودي أصل البعير وأشوفه
علما بأني من سكان الطائف

ماشاء الله تبارك الله
اخوي البعير لك عليه حد ولا لا
وانا ماودي اشتري بعير لكن عندي طلب لو سمحت
ابي ارسل لك ضريبة من الرياض بس ابي اشوف انتاج البعير اذا ما عليك كلافة
لاهنت

مرحبا اخوي عبيد
البعير مالي فيه حد
الى الان الاسوام ماوصلت مشتراه
الضريبه ارسلها ولا يهمك نضربها البعير ولا عشرت وكملت الشهر ارسلناها لك ويشرفني خدمة الرجال الطيبين
حاليا ماعندي صور لانتاج البعير واذا توفرت ابشر
تقبل تحياتي

الأخ حاتم الله يحفظك وين موقعه من عشيرة بالضبط

ودي أصل البعير وأشوفه

علما بأني من سكان الطائف

البل على يسار المتجه لعشيره لكن المنطقه صايره غابه من الشجر وصعب تدل المحل
الله يحييك اي وقت اتصل بي متى مابغيت تجي وانا اوصف لك بالتفصيل او ارسللك مندوب على الخط
وتشرفنا زيارتك لمحلنا اخوي نواف

للرفع
لازال البعير موجود