المعشر الطيبه للبيع

السلام عليكم

الحايل هذي للبيع .. وهي حاليآ معشر على قعودنا من فحول الأمير عبدالعزيز بن تركي وعليه وسم الصخابره

سنها : اشتريتها العام وهي ام ثالث

سالمه من العذاريب وعلى الشرط .. ونسمع منكم

جوال : 0505111622

الحاقآ للموضوع

هذا القعود اللي هي معشر عليه .. وعليه سوم 105 ميه وخمسة الآلف ريال

والصوره هذي له قبل اسبوعين في ام رقيبه

يا أخ حمد ويش نسوم

أنت عارض ناقتين ومعلن عن وحده

ووين مكانها ؟

جعلني ماخلى منك .. هي ناقه وحده

الصورة الأولى لها العام ... نزلتها لأنها صهبا مهيب سوداء غرابية عشان يكون المشتري على حقيقه

ورحت بها للهضب وقلب لونها .. مثل ماتشوف

والصورة الثانية والثالثه الأسبوع اللي راح في ام رقيبه

وحاليآ هي فالجنادرية

بارك الله فيك

عندي 5000

بـ 5500
والله يرزقنا وياك، وإن بعتني علمني هنا وأنا بتصل عليك

الله يبيض وجيهكم

مسيومة قبل فتره بأكثر ومابغيت اقلد السوم .. وجايتني فيها بدل صفرا لقيه

ولكن نطلب من الله الزود

السلام عليكم ورحمة الله وبركاته

الاخ حمد السهلي

كم لها معشر ..؟

واذا فيه مقطع فيديو

نسوم ب6000 بشرط انها معشر اكيد وسالمة العذاريب 0504790700

هلا بك اخوي أحمد


باكر الجمعه تتم اسبوعين واليوم هذا الخميس عارضها على البعير وتشاول


مقطع الفيديو والله مالها .. وكانك قريب من الرياض .. مرحبا بك تشوفها على الطبيعه فالشبك


وكانك بعيد بنقصر عليك العنوه .. وبنزل فيديو مع اني ماعرف لكن بمر الشبك واصورها

سلطان المنصوري

وجهك ابيض ... ولآ لك لوا

والعشار والعذاريب اشرطها شرط

عندي بـ 6500

على النظر

ونقلها للشرقيه علي

الله يبارك لك في حلالكـ

إن بعتني هذا رقمي 0594141197

ابيض وجه يابو ثعيل

ونطلب من الله الزود

نسوم 7000 صامل

ابو راشد

ادري والله انك صامل .. وأنت كفوو

لكن والله الناقة خيار .. ومالك لوا