يامدور الأشقح المزيون

السلام عليكم كم عمره ياناصر وش اسنانها وكم سيمت

اخوي الفحل موجود
وياليت رقمك

نعم موجود وهذ جوالي ابوفهد 0504465216

يالله حي ابوفهد وحي ماجبت يالغالي مدري وش اصل البعير وبعدين ماجاله الاحواره وحده بس

وياليت لوتورينا صور لانتاجه

حياك الله يانايف انا طال عمرك ماأذكر إلا اللي انا سمعته ومتأكد منه والبعير كان عند رجال شمري مشتريه من الروظان الطبيب الخاص للملك رحمه الله وانتج عنده بكره وقعود القعود عايدي وباعه مع امه خلفه والبكرة جت وظحا ومزيونه وباعها بعد شهرين بخمس وعشرين ألف وامها عايديه هذا كلام الشمري لي وهذا جواله عندي للي يبي يتأكد وسلامتكم

نبي صورة انتاجه ضروووووووووووووووووري

الله يرزقك البيعه الطيبه

ان كان صور الانتاج موجوده ياناصر ولا وضح للاخوان ان مافيه صور
وتقبل مروري

ياإخوان والله لو إن عندي صور لانتاجه مابخلت به عليكم لكن عندي رقم راعيه اللي منتج عنده رجال شمري يقول اللي يبي يسأل عن انتاجه يتصل علي واعطيه علومه وسلامتكم,,,,
ياناس الحين الفحل يسام سوم ناقة بــ 13000 الف اللي يبي يفرق فيه السوم وجاد ياصل البعير في امراحه وياخذ اعلومه من راعيه نتصل عليه في الجوال ويسمع من راسه لراسه

اخووي الله يرزقك البيعة الطيبة

وياليت ياخوي , بدال مايروح كل واحد فينا للمراح عشان يشوفه , تصور لنا انتاجه وتحطه بالمنتدى نشووفه ونسوم الفحل وتعطيه حقه ولانظلمه اذا كان مزيون مثل ماقلت .


والله يوفق اخوي

سبق إني قلت ياأخ ماجد أنا ماأملك صور لانتاجه ولا كان نزلتها في المنتدى عموما الفحل قد سيم منا بثلاثة عشر ألف قبل شهر تقريبا والحين يقول لي راعيه حده بعشرة آلاف اللي له نظر ترانا بياعه والرزق على الله وجوالي 0504465216

ياناس الرجال يقول لي افتح بابه للسوامه من جديد اللي له نظر يسوم والفحل سالم ومشروط من كل العذاريب يظر ويلقح ولا فيه شي لا حلل ولا قلب عصب ولا هزه ولا ذيبة

علي بـ4000
اقول انشاء الله فتحة خير وياصل اكثر

سومتك طيبة يافيصل وأبشرك الفحل انباع

تم البيع

ينقل للإرشيف