ناقتيني للبيع إمدحني وذمني فيهن

السلام عليكم ورحمة الله وبركاته .....عندي ناقتين

الأوله الظافية القحة واللي في بطنها رابعها وملاقي على فحلي الهويملي ناقة كفو وسناد ورقبة طويلة وعمر زين واذن حلوه وحال زينة ومسوح ولا تحرك أبد وحليبها واجد وكانت منيحتنا أولة العام ومسيومة اليوم مني بتسعة آلاف سامها جاري يابلاش والله أعلم يمكن يجي اللي في بطنها ذهب لأن فحلها مزيون ساس وراس الله يبارك لنا فيه
وهذا رابط الظافية

http://mzayan.com/mlffat/index.php?action=getfile&id=77

والناقة الثانية ناقة مزاين سودا غرابية طويلة مشتريها أولة العام بخمس وستين ألف ريال ماهيب معاريض إلا كاش والحين تحتها احوار على نفس فحلي الهويملي لكن جتها الذيبة والا الناقة مافيها كلام أبد ولا يلحقها نقص لولا الذيبة اللي جتها فجأة والله المستعان ونبي نفتح بابها للسوم من جديد والحين أعرضها للبيع ونسمع من أهل الصنف والنظر اللي يقدرون الحلال وأما عمرها فوالله إني ماأدري بالضبط لكن يمكن حوارها اللي معها رابعها ولا خامسها ,,,,,,,,,,,,,,

وهذا رابط النايفة

http://mzayan.com/mlffat/index.php?action=getfile&id=78

والناقتين للبيع ووالله العظيم إنهن كفو ومسفطي للقناي راع المجاهيم وهن آخر ماعندي من المجاهيم اللي متمسك فيها إن راحن يصير مايبقى عندي غير الفحول ..... وإذا أحد عنده عفر ظرايب ازيان وشبب وشرط إنهن مزيونات ويبي يبادلني مافيه مانع لكن رغبتي بالبيع أكثر وسلامتكم وهن في الرياض وعندي في البر 14 كلم تقريبا على خط بويب
وهذا جوالي ابوفهد 0504465216

كان ديودهن سلم ياناصر راحن على 12 الف

سومت طيب وطالبين الزود وشرط ديودهن سلم ومافيهن غير اللي ذكرت لكم أول
ورجاء اللي يسوم يكون صامل ويحط وسيلة إتصال

عفوا اخوي ناصر نسيت وسلية الإتصال 0504229507

الي مسيومه بـ9000
ازودواقول9500

بارك الله فيك ياخوي فيصل اللقحة سيمت الحالها بعشرة آلآف

وبالمناسبة هذا تصوير فديو لفحلي الهويملي اللي ظرب الناقتين فحل كفو كفو أبوه بايعه الأمير نايف ابن مساعد هرش بمليون ومائتين

http://mzayan.com/mlffat/index.php?action=getfile&id=104

http://mzayan.com/mlffat/index.php?action=getfile&id=105

وهذا مقطع لحوار جايني العام من الفحل

http://mzayan.com/mlffat/index.php?action=getfile&id=106

يارجاجيل ترى هذي فرصة لكم مادامي نويت البيع تعدلوا بالسوم وتراني بياع والفحل اللي معها للبيع والله إنه كفو فحل مزيون راس وساسه معروف واعلومه وافيه أول ماشريته من الأمير أعطاني واحد فيه مائة ألف كاش ولا فكرت بالبيع بهالقيمة لكن أنا الحين اشتهيت البيع ونويت واللي صامل لايدع الفرصة تفوته فحل وخلفة والقحة وكلها اخيار لكن أبي أسمع الأسوام اللي تسر الخاطر وتراني أببيع والفحل توه شاق وهذا البطن ثالث بطن له والفحل سالم من كل العذاريب والحمدلله ولو هو لاقي النياق الزينة كان انتج منها وراح فوق فوق لكن مايظلم مثل هالفحول إلا النياق الوسط تستهده فيها ثم تبيه يطرح نوادر هذا الكلام ماهو صحيح أبد وخصوصا في المجاهيم لأن إنتاجها عسر والناقة تعيي على البعيرعموما ماأبغا أطول الشرح على أهله لكن الكلام يجر بعضه بعض........ وسلامتكم

الابل والبعير على 15000

راحن النياق و البعير جملة 50000 ريال 0558130013

ياناصر الله يرزقك البيعه الطيبه انا عندي بكرتين شقح سيمن 9500 ولابعت ان كانك تبي البكار في الناقه ماعندي مانع بكره حقه وبكره في 8\3 تتم سنه مفروده

الناقه متى تلاقي

اللقحة الحالها عليها سوم 12000 أو 13000عن طريق الهاتف.... والله من كثر الإتصالات نسيت هم قالوا 12000 او 13000

نظر لتأخر الاخ /ناصر في الرد فأنني اسحب سومتي

اللقحة عليها 13000 الف

الناقه ما ولدة

ما بعد ولدت يالغالي وهي ماهيب بعيدة الله يسهل عليها وعلى نياق المسلمين ويرزقنا وإياهم الحيران اللي تسحب الرجاجيل يمك ودفاتر الشيكات مفتوحة قدامك سجل المبلغ اللي تبيه طال عمرك