فرصة لا تعوض (( للقناي )) .. للبيع عجوم وخلفات ولقاح طيبه ورقم واحد

السلام عليكم ورحمة الله وبركاته

العلم سلامتكم

فيه أبل طيبه بتعرض للبيع

ولكن المنتدى وأعضائه عزيزين وغاليين وهم أولى من غيرهم بالعرض

البل فيها عجوم غاليه ومقنوي رقم واحد
وتعتبر فرصه للقناي واللي وده يجمع له ذود عزالله إنها بتصلح له
وإن بغى يجمل ولا يفرد ما فيه مشكلة

المهم لا يفوتكم العرض البل تراها طيبه وتستاهل
العجوم والله العالم عددهن من 7 إلى 10
أكبرهن ثنيه وأصغرهن لقيه ولا حقه
والخلفات كلهن أشباب وحدرهن أبكار طيبه
واللقاح يمكن إنهن 5 ولا 6 وكلهن متالي

الوكاد أن البل طيبه وراعيها أطيب

اللي له شف يتصل على المالك مباشرة
من دون وسيط ومن دون سعي
ويآخذ العلم من راعيهن

والله يكتب اللي فيه الخير والصالح لنا ولكم

للمفاهمه
الإتصال على الأخ أبو علي
0505854457

كم عدد الابل كامله وين موقعها

كمل جميلك يافهد وخبرنا عن البل وين مكانها وهل معها سيارات ولا لا؟؟؟
ولا نزلنا صوره او صورتين على شان ترغب الزبائن اكثر .
وتقبل مروري

يا فهد ياليت فيه صور ومعلوات أكثر الله يبارك فيه ويرزقنا وياك

كم عدد الابل كامله وين موقعها

أرحب يا حمدان

على ما أعتقد أن حول العشرين أو أكثر
وحالياً البل مربعه شمال حول الأبرق
وبأمكانك الإتصال على أبو علي وأخذ العلوم كامله من راسه

كمل جميلك يافهد وخبرنا عن البل وين مكانها وهل معها سيارات ولا لا؟؟؟
ولا نزلنا صوره او صورتين على شان ترغب الزبائن اكثر .
وتقبل مروري

أرحب يا مشعل
البل ما معها سيارات
وأبشر أن جيتها هاليومين بحاول أصور اللي أقدر عليه
بإذن الله

والبل حالياً حول الأبرق
وبإمكانك الإتصال على الأخ أبو علي وأخذ العلم من راسه

يا فهد ياليت فيه صور ومعلوات أكثر الله يبارك فيه ويرزقنا وياك

أرحب يا عبدالله

البل أنا أعرفها زين .. وبلغتكم باللي أعرفه
وقلت أن معها عجوم طيبه ومقنوي رقم واحد
وبعضها عليها أسوام غاليه

أما الصور فما تحضرني حالياً ولكن بإذن الله أبحاول أصور اللي اقدر عليها إن جيتها
وإذا ودك بمعلومات أكثر
بإمكانك الإتصال على المالك مباشرة
ورقمه موجود في أعلى الصفحة
وسلامتك