إبل مغاتير و ملاوين إنتاج للبيع (يوجد صور)

السلام عليكم


صبحكم الله بالخير


اخوي فهد ولا عليكم امر موقع الابل وين


وهل سيمت جمل


والسلام

أشكر الجميع على المرور وأشكر الأخوان الأفاضل على دعواتهم الطيبه
ويابن قليص حياك الله والبل ماسيمت جمله أبد تعرف الأسهم طايحه

يافيصل مساك الله بالخير. البريد الخاص بي ليس معي الأن ولكن عندك الجوال كلمني ولايكون بخاطرك إلا طيب

بيض الله وجهك على هالسوق الحاظر انشهد


وبنشدك بكم سيمت والوايت اللي معها كم مديله ووشهوو ؟


لاهنت يافهد

يا سعود مساك الله بالخير .البل ماسيمة السوم حقها غار واحد إتصل وقال أنا كنت أبسومها بثلاثة آلاف ..يعني تصير الناقه بألف وثلاث مايه ولكن مانلوم أحد لأن كل واحد معجبه عقله ونظره

فهد الحسين

الله يطرح فيها البركه

بس اخوي موقع الابل وين


ودنا نشوفها علي الطبيعه


ولايكون زعجناك يابن اخي

يابن قليص (عفيف) طريق المردمه ......البربك ....بين الخط والخرج.....حياك الله

ماشا الله تبارك الله الله يربح البايع والشاري

على الجميع السلام ومشكور يامحمد على المرور والدعوه الطيبه

الاخ فهد الحسين
ماشاء الله عليها وعسى الله يربحك
انا لي خاطر في ثنتين واحب استفسر الله لا يهينك وهي
رقم 4 ورقم 10 سيمن ولا لا وما هي اسنانها وهل هي سلم من العذاريب

البل سيمت الليله من (12) جمله وأبي من الله أفضل ...أما راشد الله يمسيه بالخير أقوله رقم (10) معشر من بعيري وخاليه من العذاريب شرط......ومن يعطيها حقها يستاهلها

ماشاء الله تبارك الله

البعير سيم (50) بعد ماشاف إنتاجه بعينه ونحمد الله على ذلك

للعلم رقم (8) سيمة ب (20) ألف بالصوره لقحه والأن خلفه تحتها بكره من بعير حشر إبن عون (رمحان)والحمد لله

أخواني المسأله طالت والبل سيمت بأسيام عاليه ومتوسطه والكل أو معظم المتصلين مايسومون بل يستفسرون فقط وأنا رجال صامل بالبيع ولم أعرضها في ذا المنتدى المميز إلا للبيع وطلب مني الجميع حدها والأن سأحدها مع العلم أن من حد لد كما قال الأول ولكن عسى بالأمر خيره ويجي رجال صامل ويأخذها ويعين خير منها إنشاء الله
( البل 25 رأس بوايتها جي إم سي 83 لوري نظيف جدا ) (التفريد من 40 ألف) (والجمله من 20 ألف) وأرجوا من الجميع التكرم بعدم الإتصال إلا للصامل وفقكم الله وإدعوا لأخيكم بالتوفيق