لقيه للبيع

أفيد الزملاء بأنني وصلتني رساله على جوالي

وفيها سوم ( 7000 ) ورفضت .

باقي شويات بسيطه ، اسأل الله أن تجيب المبلغ اللي أبيه وارتاح من مقابل ذا الكمبيوتر عورتني عيوني والله .

السلام عليكم ورحمة الله وبركاته

بالنسبة لمن يسأل عن أبو البكره ، أنا كلمت راعي البكره وراعي البكره كلم راعي البعير وهو قحطاني وكانت المكالمه اليوم الصبح ويقول راعي بنفسه أن ابو البكره أسمه ( خنوف ) ولد خنوفان بعير مرزوق المري الكربي ،،، وأبو البكره موجود في الخرج وقد سيم بخمسين ألف وهو حوار ومعروف بالاطرق حيث أن يديه مطرقه ،،، يعني ( خنوفان بعير مرزوق المري الكربي ) يعتبر جد البكره المعروضه للبيع وأبو أبوها ويقول الرجال بالماريه بيع خنوفان الجد في الخرج بـ (1350000) .
الصحيح أني فهمت خطأ من رفيقي وحسبت أن أبوها خنوفان لكن صار جدها .
وسوموا على هذا العلم الأكيد
وهذا اللي في الذمه واللي بيسألني الله عنه يوم القيامه .

رد: لقيه للبيع

صبحكم الله بالخير

يالربع سوموا البكره حتى لو انها مجهولة الأب والأم / وحتى لو أنها مجهوله ماهيب ذي قيمتها .
مع أن العلم الصحيح أنها بنت ولد خنوفان بعير مرزوق الكربي ( وراعيها يحلف بذلك ) وتم مكالمت صاحب الفحل أبوها وأكد لنا الكلام هذا . إلا إذا كان البكره سكروب هذا كلام ثاني .
تعدلوا ترا البيع قريب بإذن الله .
والله يخلف علينا وعليكم في ذا الشهر الكريم

رد: لقيه للبيع

الله يرزقك من واسع فضله يا سلمان

البكره طيبة ولاهيب سكروووووب

لك حد فيها طال عمرك ..؟

رد: لقيه للبيع

مرحبا بالأخ طلال

أببيع الصامل ، دون سومة السوادني المذكوره , والصامل منيب مختلف معه أبد .

رد: لقيه للبيع

ابو حمد البكرة ماجاها ضراب ..؟

رد: لقيه للبيع

أبداً ماجاها ضراب

رد: لقيه للبيع

ياشراي ..... ترى البيع أقرب من يدك لخشمك !!!!!!
سالمه من العذاريب / شرط ، شرط

رد: لقيه للبيع

تم بيع البكره

اشتراها رجل فاضل من أعضاء هذا المنتدى المبارك واسأل الله أن يبارك له فيها ،،، آمين

رد: لقيه للبيع

ينقل للارشيف
وشكرااا