السودا مفروووووووودة للبيع

البكرة توها مفرودة عن امها قبل اسبوعين للبيع ...ماجاء عليها سوم من قبل ومحلها حول تبراك على طريق الحجاز 100 كيلو عن الرياض ....ومن بغا امها معها فمهيب محرمة عن البيع -وهي نصوف لقحة كسوب على بعير ساسه من ركاب البقمي حمدان....

http://www.youtube.com/watch?v=qstQHFFnY3E

http://www.youtube.com/watch?v=Pdwzg9NFsVQ

http://www.youtube.com/watch?v=JTo1LJ4Wf7A

http://www.youtube.com/watch?v=kieQzAb1auk

رقم الجوال 0509962910

رد: السودا مفروووووووودة للبيع

مسيك بالخير ياخوي تركي
ودي انشدك كم سؤال
الناقه متى انتاجها تقريبا ووش سنها بالضبط وهل هي سالمة ومشروطه
وغير كذا هل لك حد بالبكرة وامها
واسف على كثرة الاسئله والاطاله
ولك جزيل الشكر والله يتقبل منا ومنك ومن المسلمين اجمعين صالح الاعمال

رد: السودا مفروووووووودة للبيع

مرحبا ياخالد،،

الناقة كسوب مضربينها في شهر اربعة او هو اخر شهر ثلاثة العام الماضي....اما سنها فالله العالم انها ام رابع وابتاكد لك اليومين هذي ،، اما السلامة فما اعلم عنها شي يعذربها ...

والحد مالي فيها حد ،،

والله يحيك ياخالد في اي وقت واسأل اللي في خاطرك الله يكتب لنا ولك الخيرة المباركة

رد: السودا مفروووووووودة للبيع

الناقة سنها رباع -بعد الكشف المباشر -للعلم ....

رد: السودا مفروووووووودة للبيع

البكرة وامها سامها الاخ خالد الحجي الله يسلمه بعشرة الاف ريال ويجيب الله نصيب انشاء الله،،

رد: السودا مفروووووووودة للبيع

مسيك بالخير ياخوي تركي
كان الناقة سنها رباع وليست ام رابع فانا اسومها وبنتها شرط السلامه والنظر
بـــ 10500 بعشرة وخمسميه
ولك جزيل الشكر ياخوي تركي وعسى الله يرزقك ماتمنى بالبيع والمشترى ويبارك لك بالحلال والمال والعيال
جوال 0555222170 ابو عبدالعزيز

رد: السودا مفروووووووودة للبيع

جزاك الله كل خير ياخالد وسومة طيبة من رجال اطيب وارجي من الله الزود،،

وللعلم سقط مني سهوا-و الله اعلم- ان اذكر سومة الاخ خالد الحجي كاملة وهي كما يلي:

ياطويل العمر عندي كامري 2008 ودك تاخذها ووأزيدك 10000 ريال إذا موافقه معك جيت على الموتر تشوفه وأشوف البل وتراني صامل....


والتقليد على العشرة الاف لاني لا اعرف قيمة الموتر ولا شفته ....

رد: السودا مفروووووووودة للبيع

ياهلا بك اخوي تركي
وقل امين ( عسى ربي يرزقك ماتمنى بامورك كلها والاخوان اجمعين)
وليتك بينت هالامور من قبل
وانا ياتركي اقول اسومها بــ 15000
لكن بنفس الشروط الاوله وليتك بعد تبين لنا طبوع الناقه
واشكرك جزيل الشكر على سعه الصدر وشرحة الخاطر
وطبعا الرقم موجود فوق

رد: السودا مفروووووووودة للبيع

المعذرة اخوي خالد على التأخير لكن ماكنت حول النت ...وعموما بيض الله وجهك ورحم الله والديك على السومة الطيبة ولكن البكرة وامها باقي عليهم... وبالنسبة للطبع فالناقة تحالب وحليبها مهوب واجد...وشرطك ياخالد من خصوص السلامة فحقك... ولك فوقه شهر ان ظهر لك شي في الناقة يعذربها فترى حق الدنا اللي بتردها علي....

والله يكتب لنا ولك الخيرة المباركة،،

رد: السودا مفروووووووودة للبيع

عز الله انك وافي من وافين ياتركي وعلومك كلها طيبه وهو اكيد انه من طيبك
دامك ما بعتنا بهالسومه فمعاد اقول الا
جعل الله يرزقك فيها ماتمنى وازود
ويبارك لك بدنياك واخرتك
واشكرك على سعة الصدر

رد: السودا مفروووووووودة للبيع

ماعليك زوود يا خالد والله يرحم شيبانك عن النار يالنشمي الله يخليك لعين ترجيك،، والبكرة راحت الله يبارك لمن شراها والناقة بنصبر عليها نشوف انتاج البعير عسى الله يرزقنا واياك كل خير....وطلب للمشرفين الله لا يهينهم بنقل الموضوع للمستودع

رد: السودا مفروووووووودة للبيع

ينقل للأرشيف