فحل وقعود حوار للبيع

بسم الله الرحمن الرحيم

لدي فحل توه ثني ومضرب العام وانتظر انتاجه بدون وسم (غفل) ماعرف اصله جاينا هديه واللي مهديه يقول شاريه مع ذود راعيه عتيبي بحدود عشرين وماضرب الا عندي ولم ينزل بالسوق الموقع طريق القصيم وهذه صورة
وايضا حوار للبيع شاري امه ناقه مكسب وانتج عندي ولا اعرف اصله
وهذي صوره الفحل



صور القعود

الله يربح الجميع

حياك الله يامحمد

بخصوص الفحل هو سيم قبل عرضه بالمنتدى

بسم الله الرحمن الرحيم

الاخ\ احمد الله يحيك ويجزاك خير

الاخ /جاسم الفحل ماسيم ولم اعرضه لاكن اول السنة كان جار لي عرض علي خلفه تحتها قعود وبكره مفرودة كلها مجاهيم وطلب مني كم يزيد ولاكن ماكان لي خاطر بالبيع .......

والفحل انتج عندي قبل اربعة ايام من ناقة مجهم وجابت بكره عفراء وابي اعرض صورتها
وانتظر انتاجه الاسبوعين هذا من ناقتين ملاقيه

وابيك تسوم تراي بياع و انشاء الله اذا ماسيم منكم ابي انزله السوق وابيعه بالرياض .....

الله يربح البايع والشاري يابوعيد

ولاهنت

أخوك

بسم الله الرحمن الرحيم

الاخ/ سفر المري الله يحييك

وهذا صورة اول انتاجه من ناقه مجهم انهد عليه الفحل وضربه مع انه ما كان ودنا

بس صار اللي صار بسبب العامل الكسلان

ماشاء الله
الله يوفق الجميع

ماشاء الله

والله يطرح لكم البركه

صبحك الله بالخير أخوي عيد

قدر الله وماشاء فعل

والله يسمح دربك ويسهل أمرك

تحياتي