مكاين كهرباء ((بيع + شراء + فحص )) واذا حاب تستفسر حياك

[احمد البداح]

بسم الله الرحمن الرحيم
السلام عليكم ورحمة الله

يا اهل المزاين واهل الحلال واهل الابل الله يرضالى عليكم
اشكر القائمين على المنتدي وما يبذلونة للرقي بهاذا المنتدي
واحب اني اخدمكم بالمكاين لوجود خبرة لى فى السوق ومعارف
فالى يحب يتسفسر على نفس هاذا الموضوع او على الايميل

اما بالنسبة للموضوع فهاذا عرضي يوجد مكاين كهرباء مولدات للبيع بعرضها تحت بصورتها

الاولى : كتربلر
50 كيلو اربعة سلندر فحصناها كهرباء ووظبنا الطرمبة وهاذى صور تها


الثانية : ليستر
15 كيلو 2 سلندر موظبة توظيب كامل قطع غيار اصلي وهاذي صورتها



والاعظاء الكرام ترا لكم حق وواجب نبى نراعيكم بالمكاين هاذى او غيرها الورشة ولله الحمد فيها كل شي بيع وشراء
وفحص وتاجير ولف دينموهات والى يبي يستفسر عن المكاين باى شي يتفضل ولا يخفى عليكم ان السوق فيه تلاعب من بعض العمالة وهاذا وصف الورشة طبعا هى فى الرياض.....



وهاذا البروشور الورشة


والسلام ختام

ahmmail@gmail.com

ألله يبيض وجهك

وعلمك طيب وانت راعيه

واحجز لي وحده
وانا ماني قايل وشهي لين اتصل بك مابي بعض الاعضاء يدرون ويخلصونها علي


والحقيقه كلها طيبه وانت اطيب منها


اخوك

السلام عليكم ..

تسلم على هالعرض والله يبيض وجهك ..

واحنا فعلاً بحاجة لمن ينفعنا ويفيدنا في مثل هالتخصصات ..

خاصة انا اللي مالي في المكنكه ابد

والله يوفقنا وياك ..

ألله يبيض وجهك

وعلمك طيب وانت راعيه

وأن شاء الله أنا عندك بكره العصر

البيت ماهو بعيد 10 دقائق

اخوي احمد انا عندي مكينه ديوتس الماني كاتم موديل 2004 حجم37كيلو 3سلندر احس ان صوتها متغير فيه زي الطقطقه المستمره لاتزيد ولا تنقص اذا عندك خبره فارجو الرد

عندي مكينة توني شاريها اليوم قوتها 8 كيلو مع صيانه لها

والاجهزة الكهربائية عندي قدرتها 4500 واط من كشفات ونجفات وغيرها

مع حساب مد الكيبل أريح المكينه 2 كيلو أو أكثر ومتى أغير الزيت وماهي الصيانه الدوري لها

دون نقلها الى مركز صيانة

[احمد البداح]

فهد بن صلبوخ :
وجهك ابيض والطيب ساسك
ابشر بعزك والله
والى اقدر عليه ما نى مقصر
الله يرضالى عليك .....

===================

فهد العوسجي:
وعليكم السلام
الله يزيدك
وابشرو ما توقعت ان الموضوع
راح يكون فيه تفاعل وعلى الاساس
هاذا راح انزل ردود فيها معلومات وافيه
والله يسهل دربك .......

===================

تركي القريني
حق واجب
والطيب ساسك رحم الله والديك
اعذرنى ياتركى ما قريت الموضوع الى اليوم ما توقعت
ان راح يكون فيه تفاعل لاكن ابشروو والله
بصير اتابعة وحياك الله باى وقت ....

==================

علي ال مرعي
هلا والله اخوى على شف الله يرضالى عليك
اذا فيه طقطة بالمكينة ما انصحك تخليها تشتغل ودها على طول لاقرب فنى
لانه يمكن تظرب عليه بس شف اذا الطقطة فى الراس فى الغالب انها البلوف
ويمكن تكسر الراس او تشعره واذا هى فى بطن المكينة يمكن شمبر
وياليت توظحلى زيادة خبرك خابر الشوف غير السمع فلو توظح شوي احسن
والله يستر عليك ....

================
تركي القريني:
هلا والله بخوى تركى
شف الله يسلمك
المكينة لازم تشيل حملها يعنى لا تريحا كامل فوق الثلث افضل
لانه اذا شغلت المكينة على حمل اقل من النص وقت كثير يمكن تضرب معك
اما اسبوع اسبوعين ما يهم والمكينة اذا هى موظبة ونظيفة تبغا زيت وفلاتر
الفلاتر من ست شهور الى سنه على حسب شغل المكينة اذا تشتغل كثير او ما تشتغل كثير
والزيت طبعا اصلا هى تحسب بالساعات من الوكالة لاكن ما احد يستعمل النظام هاذا
شف انا انصحك تشيك الزيت كل يوم يومين علشان تشوف هو ينقص والى ما ينقص وهاذا يعتبر بحد ذاتة صيانة دورية
يعنى تشيك عليها والزيت تغيره من واقع تجربة طلع المعيار والمس الزيت بيدك وشف لزوجتة وتحكم عليه انت
وبالنسبة للمقاييس ابنزل رد كامل عنها علشان يستفيدون كل الاعظاء وانزلها بشكل مرتب ومفصل

بيض الله وجهك يا احمد ومن ذاك اليوم وانا في السلي أدور ادور مركزك ولا عرفته قبل المغرب بشوي

بس يالله المره الجاية أبشر أنا عندك

أخوي أحمد عندي المكينه صوتها مزعج هل أركب كنداسه وأي نوع تنصحني فيه

وهل تغطية المكينه بخشب بلاكاش مؤقت يحافظ على المكينه من التراب (الله يكرمك)

على فكرة المكينه موجوده في مخيم في البر

[احمد البداح]

الله يبيض وجهك يا خوى تركي
بالنسبة لمكينتك 4500 واط يعنى تحتاج اربعة كيلو نص
كل الف واط واحد كيلو
وانصحك تستعمل بمكيفاتك خط 220 افضل من 110 يوفر عليك
والمكيف الفريون يسحب اكثر من الصحراوى
فرضا عندك 1.5 طن يعنى الف وخمس ميه واط
طبعا الكشفات الكبار والمكيفات اول ما تشتغل تحمل حملها بعدها تنزل مثل المكيف اول شي يحمل خمسه بعجها
ينزل من الخمسة وان شاء الله انه مفهوم لك اخوى
وبغيت اقول لك شي الكيابل اذا صارت متينه وقويه ما يهم طولها وما تاثر من كيلوات المكينة نهائي
سوائا مديتها طويل او قصير لاكن اذا كان الكيبل ماهو قوي او متين الى ينقص الكهرباء وليس عدد الكيلوات
يعنى 220 و 110 تنزل شوي تلقا الكبوس الى عنجك ضعيفة ما تنور زين يعنى زى كذا واتمنى ان المعلومة وصلت .

طبعا حنا دواماتنا بالصناعية الى الساعة خمس وبعدها تسكر الورش
وحياك الله فى اى وقت سوائا موجود انا او ما نيب موجود

اما من ناحية صوت المكينة المزعج طبعا اشوف اكثر الزباين يسوي لها غرفة او يبعدها ويمد لها كيبل
وفيه بعضهم مثل ما تفضلت يحط كنداسة طبعا راعى الكنداسات يعطبك الافضل انا ما اعرف فيها كويس
وفيه بعضهم يدفن الشكمان فى التراب (اكرمكم الله) يعنى طرق كثير وانت والى تشوفه مناسب لك

انا انصحك اذا عندك بلك وبلاكاش متوفر سو لها غرفة تغطيها احسن لك تحافظ عليها
لاكن اهم شي اخوى الشكمان لا يدخله مويه من المطر يعنى فتحة الشمكان لا تصير على جهة السماء
اذا امطرت دخل المطر شف لها حل ركب لها طاقية او ميل الشكمان او الفتحة تصير مستقيمة
هاذى اهم شي وتفقد الزيت كل يومين شف هو ينقص او ما ينقص شف الاماكن الى فيها صوف تهرب زيت او لا هاذى كلها من المحافظة عليها وصيانتها طبعا
واى سؤاال اخوى انا حاضر
واتمنى انى وفقت بالمعلومات الى تبغها
ورحم الله والديك

بيض الله وجهك يا أحمد والله انك مكسب لهذا الموقع نبي نحطك (أستشاري مزاين) او مهندس مزاين

وبنسبه للكيبل الرئيسي قطرة 25 ملي والباقي من 10 مللي الى 6 مللي للي رايح للكشافات والمسافه

بين كل كشاف 25 متر في كل جهه 3 كشافات

[احمد البداح]

الله يطول عمرك يا تركي
والمنتدى والاعضاء يامرون امر
وانا والله ودي ان كل راعين الحلال يصيرون فاهمين فى المكاين وكهربتها وكل الامور الى تتعلق فيها
خبرك خابر الصناعية فيها لصوص وناس غشاشين ما يخافون الله فعلشان كذا ودك ان ربعنا يتثقفون

اما بالنسبة لكيبلك ومكينتك فا اذا مكينتك 8 كيلو فالكيبل 25 او 35 كلها واحد وتوصيلاتك تمام
الحمد لله ما فيها اي شي او ملاحظة وبالنسبة اذا عندك قاطع او لا شف شلون يحسبونها
كل واحد كيلو 3 امبير
يعنى انت مكينتك 8 فى 3 تساوى 24 يعنى القاطع 30 امبير اذا تبى تركب قاكع لمكينتك
تاخذ قاطع 30 امبير وتقيس على كذا كل المكاين
طبعا خط 220 يسحب 3 امبير
وخط مية وعشرة يسحب 6 امبير
معناتة ان 220 يوفر لك اكثر

واى استفسار ثانى امرنى بس

ورحم الله والديكم والدينا

احمد
مبرحبا ومسهلا
انا ابي استفسر
عن الماطور ابي واحد يشغل مكيف فريون واحد و25 شمعه
كم كيلو اللي يشغلها
وكم السعر
وشكرا لك

[احمد البداح]

هلا يابو عبدالرحمن تامر امر
شف الله يرزقك طولة العمر
المكيف الفريون اول ما تشغلة يسحب لك خمسة كيلوو
والشمعات واكبوس شف الى عندك انت كم واط يعنى اذا عندك كبس افتحة وتشوف
مكتوب على اللمبة الطويلة رقم وبعده حرف دبليو يمكن تلقى 1000 واط يعنى واحد كيلو
طبعا اللمبات الصغيرة هاذى عادى لا تحسبها انا اتوقع اذا عندك تلفزون وثلاجة 15 كيلو مناسبة لك
واذا ما عندك 10 كيلوو واسعارها تختلف بحسب انواعها ونظافة المكينة يعنى جديد من عشرين الى خمسة وعشرين
ومستعمل من 9 الاف الى 13 الف وتزود وتنقص
بس اهم شي اذا جيت تشتري خله يجرب لك او يفحص لك المكينة خله يشغلها ويشبك كبوس ولمبات كلها مع بعض
واسئلة موضبة ما وضبت واذا انت صامل تبى ماطور ابشر موجود عندى وعند غيري

[غانم عبدالله المزروعي]

الله يعطيك العافيه