حقه طيبه ولاهل الصنف والنظر

[align=center]السلام عليكم ورحمة الله وبركاته

عساكم بخير دايم يالربع، لاهان من نشد عنا وجزاه الله خير وهذي بكره من ابل معروووووفه جدا وخذوا علومها من اخوي محمد الدوسري على الرقم
0551118141[/align]

اخوي ذيب الحربي وين موقعها هل هي في سوق الجنادريه

بعدين انا افتح السوم 4000ريال

والله يرزق راعيها بكل خير

تقبل تحياتي

لاهنت يانايف على ردك والتلفون عندك ولكن وانا اخوك البكره معروضه في النداوي ومنتدى النداوي مايحط فيه ابل بهالاقيام ولو تراجع مشاركاتي يمكن تستوعب وش البل اللي اعرضها ولو نجيب ابل بهالاسعار كان نادينا القصاب لها من قريب ولا عرضناها بسوق مزاااااااين/ راجع سومتك يمكن انك سجيت من صفر من اليمين وعموما لوسيمت الحقه بمليون على النت ماني بذاكر السوم للنداويه الا سوم رجال واقف عليها.

يعطيك العافيه / لقد ادخلت رقماخاطآ /حاول مرة أخري

وين مكان المبروكه وكم وصل سومها

المبروكه قريب والتلفون اقرب/ اتصل على محمد ويعطيك علومها وعلوم اختها وترى بالشبك اختها القحه على بعير معروف
لاهنت على كل حال

اخوي ذيب الحربي انا لو اسوم بريال ما تزعل هذي سومه

وانا قلت ابي افتح السوم انا داري انها بتجيب اكثر

والدعوه اخذ وعطاء

تقبل تحياتي

اخوي نايف / الله لا يجيب الزعل والظاهر انا في في منتدى مش في حراج ولا طلبت فتح السوم والسوم على النت ماهو سوم وكان بامكانك تتصل وتسوم عالتلفون واقولك جزاك الله خير ولكن سومتك على النت فيها تحقير للبكره وانا اعتبره حسن نيه او قلة خبره او ان الصوره سيئه. لمعلوميتك البكره حقه ومن ابل حصلت على المراكز الاولي في ام رقيبه ولو تشرفنا وتشوفها على الطبيعه بتغير سومك وتحط الصفر وتزيد الرقم من يسار.
يعطيك العافيه وشكرا على مرورك

الله يرزق البايع والشاري وماشالله تبارك الله

اسومها بـ 10000عشرة الاف ريال

وعليكم السلام ورحمة الله وبركاته

هلابك ياغالي

يعطيك الف عافيه

ماشاء الله

والله يربح الجميع

السلام عليكم ورحمة الله وبركاته
مشكورين وجزاكم الله خير وما قصرتوا والنداويه فيهم صفه طيبه واتمنى المداومه عليها وهي الدعاء بالبركه والربح للبايع والشاري وهذا مكسب في حد ذاته
انا ادعو بدوري لكل من رد او مر على مشاركاتي بالبركه في حلاله وماله وعياله.
البكره يالربع سيمت بخمسه واربعين من شخص في الدوادمي على التلفون ووعد بالحضور والحقيقه انا نترجي خير فيها وندور الزود ولاني مثبت سومته الا بعد حضوره ان شاء الله (يمكن يزود ويمكن يهون من السوم) وسوف نخبركم بذلك ان شاء الله
والله يكتب اللي فيه الصالح للجميع

ما شاء الله تبارك الله

الله يربح البايع والشاري


والطيب يستاهل



تقديري

يالربع السوام من اهل الخرج وجانا وشاف البكره وسامها ب 45000 وكنت اظنه من الدوادمي. وارجو المعذره عن الخطأ الفني

الله يرزق راعيها ............ والبكره طيبه

اخوك خالد

اشكركم على المرور جميعا واتمنى ان تدعو لراعيها بالبركه/ البكره شراها بدوي ولحقت الربيع