دعوة للنقاش .. مسألة السوم وفتح الباب!!

صبحكم الله بالخير جميع

هل يوجد ضوابط لفتح السوم على المطية؟
العرض والطلب هل له تأثير على السعر؟
هل بيع المطية في مراحها أجدى .. أم جلبها للسوق؟
إذا فتح باب السوق على المطية .. وكأن أقل من حقها!! هل له تأثير على سعر البيع النهائي؟

أتمنى أن أرى ردود ومداخلات تثري الموضوع.

[align=center]مرحبا بك ابوفيصل

بالنسبة لسعر المطية فيحكمها رغبة وحاجة المشتري والبائع

فالرغبة موجودة لمن يدخل السوق في الشراء بشرط ان يكون السعر مناسب

ولكن الذي يؤثر فعلا على السعر الحاجة فالبائع اذا كان محتاج

كسر سعر حلاله وقضى لزومه وهذا طبعا ينزل السعر

والمشتري كذلك اذا كان له حاجة في المعروض وعلى سبيل المثال

فحل ويبي يلحق اول الموسم بيعطي راعيه قيمته وزيادة وان قضى

لزومه من غيرك وجيت تعرض عليه المطيه اللي سام قال لك والله استديت

ولاعادني في حاجتها.

************************************************** **********************

وبالنسبة للمراح والسوق فبيع المراح من الارباح .

والمجلوب مهوب مثل المطلوب .

فاللي يجيك في مراحك يريدالشراء يكون عرضه افضل من اللي توديها له

وتظهر السوم عليها

************************************************** *********************

وبالنسبة لفتح الباب فإذا كان السوم ردي اثر من ناحيتين:

1- شك الاخرين في المطيه ومن جاها قال ليش سومها ردي اكيد فيها بلى

2- وكذلك ارتفاع السعر يكون بطئ دون المستوى واللي في اول السلم مهوب مثل

اللي في النص او النهاية.

************************************************** **********************

ارجو ان اكون وفقت في الافادة [/align]

بيض الله وجهك يامسعود

كفيت ووفيت وكلامك عين الصواب

الاخ فهد مشكور على فتح النقاش

لكم كل التقدير

[align=center]مرحبا بك ابوفيصل

بالنسبة لسعر المطية فيحكمها رغبة وحاجة المشتري والبائع

فالرغبة موجودة لمن يدخل السوق في الشراء بشرط ان يكون السعر مناسب

ولكن الذي يؤثر فعلا على السعر الحاجة فالبائع اذا كان محتاج

كسر سعر حلاله وقضى لزومه وهذا طبعا ينزل السعر

والمشتري كذلك اذا كان له حاجة في المعروض وعلى سبيل المثال

فحل ويبي يلحق اول الموسم بيعطي راعيه قيمته وزيادة وان قضى

لزومه من غيرك وجيت تعرض عليه المطيه اللي سام قال لك والله استديت

ولاعادني في حاجتها.

************************************************** **********************

وبالنسبة للمراح والسوق فبيع المراح من الارباح .

والمجلوب مهوب مثل المطلوب .

فاللي يجيك في مراحك يريدالشراء يكون عرضه افضل من اللي توديها له

وتظهر السوم عليها

************************************************** *********************

وبالنسبة لفتح الباب فإذا كان السوم ردي اثر من ناحيتين:

1- شك الاخرين في المطيه ومن جاها قال ليش سومها ردي اكيد فيها بلى

2- وكذلك ارتفاع السعر يكون بطئ دون المستوى واللي في اول السلم مهوب مثل

اللي في النص او النهاية.

************************************************** **********************

ارجو ان اكون وفقت في الافادة [/align]

بارك الله فيك يا بومحمد
عزالله إنك ما قصرت بالردود
وطرحت كثير من اللي بخاطري واللي حبيت إني أوصله

عموماً

أنا عندي إستفسار بسيط
بالنسبة لفتح باب السوم
وأتفق معك بالنقطتين اللي ذكرتهم
ولكن ما تتفق معي بأن فتح باب السوم ضروري ومهم وأبرك من أن تترك المطية بدون سوم
لأنه كل ما جاني شراي وقلت له ما سيمت .. تحرج من فتح باب السوم.
وكل خوفه إني أبيها بغالي

ما تعتقد أن عدم السوم ناتج
عن عدم ثقه المشتري في نفسه ونظره عشان كذا ما يسوم.

ونفس الشيء .. أنا اصر على أن الزين يفرض نفسه حتى لو فتح باب سوم المطية بقيمة أقل من حقها.
على الأقل يشجع الشراي إنه يفرق السومه.

بارك الله فيك مره ثانية يا بومحمد
وشاكر لك مداخلتك الرائعة.

محبك أبو فيصل

بيض الله وجهك يامسعود

كفيت ووفيت وكلامك عين الصواب

الاخ فهد مشكور على فتح النقاش

لكم كل التقدير

أرحب يا راكان
بارك الله فيك

أسأل الله أن يكون فيه فائدة لنا جميعاً ولمن يرغبون في الشراء
ويعلم الله إنه كتب للمصلحة العامة.

أسأل الله أن يوفقنا لما يحب ويرضى وأن يرزقنا من واسع فضله
اللهم آمين

السلام عليكم
الأخ فهد الأحمد

ماتقدر تحكم بشكل عام
ولكن الي مايسومون ماهم سوء
1-مايبي يسوم خوف من أنه يعطي السلعه أقل من حقها لإنه غشيم(واحد سام طير بـ800ريال والطير يسوى اكثر من 100.000ريال)أو خوف من أنه يسومها بدبل سعرها وينغش بها
2-مايسوم أن كان يعرف حقها لإنه يطمع أن غيره يسومها بسومة لك عليها ويفرق السوم ويشتري
3-طبعه مايحب يفتح السوم

وأما بخصوص التأثر بالسومة الردية فأكيد فيه تأثر ، ولكن أحيانًا مايكون
مرة كنت بالسوق وجاء واحد وسام سلعه سومة لك عليها قام واحد ثاني راعي صنف ويعرف كم تسوى هالسلعه ودبل السومه 3 مرات
ويبقى كل شيء وظروفه
وشكرًا