اللى يخبر فحل مجهم لو هرش

كيف احوالكم ياشباب ادور بعير سعرة معقول حتى لو يكون هرش بس يكون من عموق ابل طيبة ولا هو بشرط ان بناتة ابل مزاين لاكن ابغيها ابل مراح اللى يحبها راعى البل

ارحب يا هادي
عندي الفحل الي اساه معروف وعلى طلبك
وبناته على كيفءك
لواحد من الامراء
وراعيه بياع
من الثمانين وحولها
اخوك

ارحب يا فيصل

وين محل البعير ويش سنة وش اكبر انتاجة عند راعية وياليت تعرض صور لة ول بناتة وشكرا لك

مساك الله بالخير ياهادي وعسى الله يرزقك البعير المنتج وعندي فحل وضرابه ضراب قعود ولنتاجه عندي اجذعتين وحوارتين والجذاع سيمن على 45000 وعندي عليه حوارتين بعد وباقي انتاجه بيع باقيام طيبه والفحل من اطيب ابل ال جحيش المره وتلفوني 0503836277 ولك تحياتي

الاخ هادي حياك الله
الله يرزقك ببعير تفرح اذا شفت بناته في المراح

فيه بعير عند واحد من الربع شكله وسط وساسه طيب بالحيل من ال حرشاء من ابل العروق وبناته اخير من اماتها

اكبر انتاجه لقايا الحين بناته عاديته وعند راعيه قعود على قعيدان رامس بيهده الزمان الجاي
والبعير طلبت من راعيه يرسل لي صور له ولبناته وان شاء الله انزل له موضوع

اخوك راشد العرق

شيك على الخاص يا هادي
سلام

اخوي هادي عندي بعير طيب جدا من ابل الصخابرة علية الوسم والشاهد له معنا جولتين له بكار طيبات بالحيل سيم العام بخمسين وحنا قبل مابيعناه اذا لك هوى هذا رقم جوالي 0503975680 وانا الان ماعندي صور لكن اذا بغيته حاولت اجيب لك صور

الاخ هادى بن سند
السلام عليكم ورحمة الله وبركاته

فيه هرش عند رجال في سوق الدمام...وعليه اسوام .......لكن اللي اذكره 25000 ريال. واليك صورته.







هذه صورته واذا تبي تشوف البعير .........في سوق الدمام .

يا مرحبا بالجميع

يا السديرى منهولة البعير ولا وش اصلة ومن انتاجة عندة وشكرا

السلام عليكم ورحمة الله وبركاته

هذا عاريان بعير اصله طيب ابيه وامه من ابل العروق ال حرشاء وبناته طيبات ابل المراح اللي يحبها البدوي البعير الحين شاق اول انتاجه لقي ويجذع سهيل الجاي
وهذي صور له

وهذي صوره ثانيه

وهذي صوره ثالثه


وبالنسبه لبناته في المكان اللي قلت لك واذا صلح لك البعير شفت بناته

مرحبابك يا هادي

موجود بعير شكله وسط وبناته (((مقنوي طيب))) واكبر بناته خلفات الزمان ذا وسعره موافق

للاستفسار 0507371805 وقت خميس وجمعه موجود عند البل

اخوي هادي هذي بعض الصور اللي قلت لك عنها


ما قدرت احط لك مقاطع الفيديو لكن اذا تبي مقاطع الفيديو وصور انتاجه على الايميل يكون اسهل
وهذي صور بعض انتاجه اكبرهن حقه صيفيه وحده مفرودة صيفيه

شكرا للجميع

ونرجوا المزيد من العروض بشرط ان يكون الفحل طيب

يابن سند الطيب سعره ماهو بمعقول سعره فوق فوق والمتوسط ماهو بمثل الطيب

كيف الحال يا شباب

كيف احوالكم ياشباب ادور بعير سعرة معقول حتى لو يكون هرش بس يكون من عموق ابل طيبة ولا هو بشرط ان بناتة ابل مزاين لاكن ابغيها ابل مراح اللى يحبها راعى البل ]