ثلاث لقحات مداني (( طب وتخير )) ولقاح على ولد خروفان وولد قعيسان

السلام عليكم ورحمة الله وبركاته

صبحكم الله بالخير

المعروض طول الله عماركم على الطاعة

ثلاث لقاحات (( مداني )) ساسها من أبل عبيد بن علي المخضوبية
راعي المزاينات واللي ما يهد إلا الفحول الطيبه والمنتجة
مربط معروف وإبل مقيمه
ولا عليها إلا وسم الشايب

(( ثنو )) .. أقرب وحدة للعرض
من أبل عبيد بن علي المخضوبية
ناقة طيبه سوداء عمر ولون وعون وجنب ورقبة وجبارة عضم وسالمة عذاريب
ولقحة على ولد خروفان أبو صلعة بعير عبيد بن علي المخضوبية اللي أخوه أخذ الأول في مزاين الظفرة
والناقة قريب ولادها

ثنتين أمهات رابع وحولها

(( وحده سوداء غرابية )) .. وهي اللي في الوسط جبرة عظم وراسها طيب جداً
سالمة عذاريب .. مقادمها كبار شوي ومواخيرها تقل محالب بكر ما شاء الله تبارك الله.
ولقحة على ولد قعيسان بعير عبيد بن علي المخضوبية
اللي أبوه أخذ المركز الأول في الظفرة
والناقة قريب ولادها.

(( والثانية صهبا )) .. ناقة عمرها طيب وراسها أطيب وجنبها أطيب وأطيب وجبرة عظم ما شاء الله تبارك الله
وساس تتعب تدور عليه
الناقة سالمة عذاريب
ولقحة على ولد قعيسان بعير عبيد بن علي المخضوبية
اللي أبوه أخذ المركز الأول في الظفرة
والناقة قريب ولادها.

البل في محلي في جو سمين

واللي يبي البل الطيبه واللي ساسها طيب لا تفوته
أبل طيبه وساسها معروف على مستوى الجزيرة ولقاح على ركاب منتجة

إللي له شف يسوم
واللي وده يشوف البل على الطبيعة أبرك وأسعد يشرفنا في محلنا

أبو فيصل
0551471471

وسلامتكم

http://www.youtube.com/watch?v=WozlI...el_video_title

رد: ثلاث لقحات متالي (( طب وتخير )) ولقاح على ولد خروفان وولد قعيسان

سيمت الثنو لحالها بـ 8000 ريال
وسيمت البل جملة بـ 20000 ريال

عن طريق الأخ نايف العطاوي عضو المنتدى الله يجزاه خير
رقم الجوال 0505465198

ونطلب من الله الزود

رد: ثلاث لقحات متالي (( طب وتخير )) ولقاح على ولد خروفان وولد قعيسان

أرحب يا بوفيصل حيه وحي ماجاب ..

أنا بصراحة ولا شفت ولا صورة ولا مقطع فيديو لأنه ما يشتغل عندي بالعمل .. وأنا أثق في عرضك وإبل المخضوبية معمقة .

لكن سؤالى أقرب ناقة للإنتاج بتاريخ كم ولا تهون .

ولكم تقديري .. أبوعبدالرحمن

رد: ثلاث لقحات متالي (( طب وتخير )) ولقاح على ولد خروفان وولد قعيسان

أرحب يا بوفيصل حيه وحي ماجاب ..

أنا بصراحة ولا شفت ولا صورة ولا مقطع فيديو لأنه ما يشتغل عندي بالعمل .. وأنا أثق في عرضك وإبل المخضوبية معمقة .

لكن سؤالى أقرب ناقة للإنتاج بتاريخ كم ولا تهون .

ولكم تقديري .. أبوعبدالرحمن

أبقاك الله

كلها مداني يابو عبدالرحمن
أنا شاريها من الشايب أبو علي وعلى كلامه إنها في نص شهر 11 تنقص تزيد شي بسيط العلم عند الله
وأعتقد أن الثنو اقرب وحدة

وتراني بياع واللي يبي المقاني الطيبه لا تفوته
وجعل من قربني يربح
وسلامتكم

رد: ثلاث لقحات مداني (( طب وتخير )) ولقاح على ولد خروفان وولد قعيسان

وين مكانها يا فهد في جو سمين با الضبط ؟

رد: ثلاث لقحات مداني (( طب وتخير )) ولقاح على ولد خروفان وولد قعيسان

يابو فيصل البل 21 الف جمله على اخوك ابومحمد
لكن وش اسنان البل ونبي مقطع واضح لاهنت
0096550225999

ارحب يابومحسن

سومة طيبه من وجه طيب

المعلومات كلها مذكورة وأن أخوك
والبل طيبه وتستاهل والرجال اللي بيقني عزالله انه بيعين من وراها خير
مقاني طيبه ومن مربط معروف ولقاح على ركاب طيبه ومنتجه

والبيع قريييييييييب يالربع

وسلامتكم

رد: ثلاث لقحات مداني (( طب وتخير )) ولقاح على ولد خروفان وولد قعيسان

الأخ/أبوفيصل
أبنشدك هل البل منتجه إن كان قد أنتجت عندك من قبل والهداوه

رد: ثلاث لقحات مداني (( طب وتخير )) ولقاح على ولد خروفان وولد قعيسان

ممكن تحط صور لكل ناقه وتكون واضحه الله لايهينك

رد: ثلاث لقحات مداني (( طب وتخير )) ولقاح على ولد خروفان وولد قعيسان

وين مكانها يا فهد في جو سمين با الضبط ؟

البل على الماء في سمحة
والجوال موجود وأنا أخوك

رد: ثلاث لقحات مداني (( طب وتخير )) ولقاح على ولد خروفان وولد قعيسان

الأخ/أبوفيصل
أبنشدك هل البل منتجه إن كان قد أنتجت عندك من قبل والهداوه

مرحبا يا بوسعد

البل مثل ما علمتك على الجوال

البل ما أعلم عن بطونها شيء غير إنها من إبل مقيمة ولا قد أنتجت عندي
ولا أعلم عن مناحها ولا عن هداوتها شيء.

وسلامتك

رد: ثلاث لقحات مداني (( طب وتخير )) ولقاح على ولد خروفان وولد قعيسان

ممكن تحط صور لكل ناقه وتكون واضحه الله لايهينك

أبشر بسعد يا غيث

إن رحت للبل اليوم ولا بكرة صورتها وحطيتها
وإن بيعت قبل لا أجيب الصور فالله يبارك لمنا شراها يرزقك باطيب منها ويخلف علينا بالبركة.


وسلامتك

رد: ثلاث لقحات مداني (( طب وتخير )) ولقاح على ولد خروفان وولد قعيسان

وصل السوم على الثنو تسعة لاف ريال

على مشرف القسم الزميل : فلاح الخالدي وهو موقف على الناقة

ونرجو الزود من الله عز وجل

رد: ثلاث لقحات مداني (( طب وتخير )) ولقاح على ولد خروفان وولد قعيسان

أرسل لي أبو فيصل الصور التالية وطلب إضافته في العرض

=============


(( اللقحة الغرابية )) .. وهي اللي في الوسط جبرة عظم وراسها طيب جداً
سالمة عذاريب .. مقادمها كبار شوي ومواخيرها تقل محالب بكر ما شاء الله تبارك الله.
ولقحة على ولد قعيسان بعير عبيد بن علي المخضوبية
اللي أبوه أخذ المركز الأول في الظفرة
والناقة قريب ولادها.







(( اللقحة صهبا )) .. الناقة سالمة عذاريب
ولقحة على ولد قعيسان بعير عبيد بن علي المخضوبية
اللي أبوه أخذ المركز الأول في الظفرة
والناقة قريب ولادها.

رد: ثلاث لقحات مداني (( طب وتخير )) ولقاح على ولد خروفان وولد قعيسان

تم البيع


ينقل للأرشيف