يامدور الاصل الطيب اللي يستاهل التعب عليه

واحد من الربع طلب مني انزل له عرض لذلول اصيل وعلى ذمتي انا اصلهاوانا ودي باللي ينفع راعي السلعه الطيبه وينفع اعضاء المنتدى
الذلول عمانيه اصيل ويعجز الرجال وهو يعد ما لحق اصلها
وهي الحين خلفه وتحتها قعود على المسك بعير على بن عبدالله ال ثاني وابن ثاني معروف ومعروفه هجنه

سنها ام خامس وسومها امس في سوق الحسا 15 الف ريال وهي مازالت فيه
والله يربح الجميع

وان شاء الله انزل لها صوره ومقطع فيديو قريب لان الجهاز عندي الان ماقبل

وهذا رقم جوال راعيها لمن اراد اي استفسار

0502638881
ابو جابر

وهذ رقم ثاني اذا كان الاول خارج التغطيه
0500996650 ابو على

اخوكم راشد العرق

الله يربح البابع والشاري

وياليت تستعجل في المقطع ياراشد

لاتبطي علينا بالصوره

راشد ياراشد وين الصور الله يسلمك

مرحبا يالربع
انا حاولت انزل الصوره لكن ماقدرت الجهاز فيه مشكله
والناقه وصل سومها 16 الف في سوق الحسا
والناقه ام رابع ماهي ام خامس
اخوكم راشد العرق

ارسلها وسائط على اي جوال واحد من الأخوان وهو يحملها على الجهاز

السلام عليكم
الله يحييكم ويسلمكم ويرضى عليكم
هذي صوره للناقه وولدها ارجو ان تطلع معكم


اخوكم راشد العرق

مساك الله بالخير ياراشد...الناقه مدري وشبوها ولا امها هل هي معروفه ولا لها انجاز..ارجو التوضيح

مرحبا يابوهادي

الناقه من ال صويغه هجن ال عامر العروق
وابيها بعير هده محمد بن صالح جايه هدو من اهل الامارات والظاهر انه من ركاب بني كتب
وامها بنت عصيل رشود واللي وراها على ركاب ال خليفه وعلى ركاب ابن جلوي بني عنيج
والناقه معسوفه عسافة البدو اللي انت خابر رحول ولا دخلت سباق ولا ولا شارك من اماتها شي في السباق
لكن الشيبان يقولون ان ال صويغه ما يتغير درهامها ولا تعجز في وقتهم

مغليك
راشد العرق

الله يربح البايع والشاري

لاهنت ياراشد على التوضيح والله يربح راعيها وشاريها

ماشاء الله

الناقه بيعت يالربع
والله يربح شاريها منها ويبارك له

ماشاء الله تبارك الله