بعير مجهم منتج

السلام عليكم

فيه بعير دوسري الساس من ابل الفرجان و راعيه الي شريناه منه يقول ان مسربالان بعير الفصام انه جده. البعير عليه راس ماشفته على بعير و بناته و انتاجه مافيه كلام و عندي عليه مفروده و حقه. البعير ماسيم عندي لاني ما سبق و عرضته للبيع. الي له شف و جاد يتصل علي على 0505871951

هذي صوره البعير الي ذكرته





و هذي صور انتاجه عليه حقه زرقا (امها مغتر) و مفروده مجهم (مع العلم ان اماتها عاديات جدا)

ماشاء الله
الله يربحكم منه

الاخ محمد
الله يبارك لنا ولك
ومثل ماقلت البعيرراسه معجز
ولكن ودي اسئلك عن البعير عليه اكثر من وسم لدواسر والمره وسؤالي عن اخر واحد امتلك البعير قبلك
وهل البعير فيه حطه في ارقبته ولا اسناد وهل البعير سليم من العذاريب
ننتظر ردك
ولك جزيل الشكر

ماشاءالله تبارك الله

لاهنت يامحمد والله يربحك منه انشاءالله

الاخ/ محمد

لم تظهر الصور

الرجاء اعادة تحميل الصور من موقع اخر

او ارسالها على الخاص حتى اتمكن من تعديل المشاركة

وشكرا

السلام عليكم

الاخ راشد

البعير عليه ثلاثه وسوم الهلال هو وسمي اما المغزل هو وسم الهويشلي الي شريته منه الما الثالث ماعندي علم عنه و لعلي اسل عنه اذا و اجهت راعيه الال اما الرقبه مثل ماتشوف البعير ماهوب اسناد و لاكن هذا مله تاثير كبير لان الابعير ساسه طيب و ان حصل له ناقه طيبه بيظهر انتاجه طيب انساء الله. مثل ماذكرت لك في الموضوع الاساسي بناته الي في الصوره اماتها رديات و لاكن انا عندي ابل طيبه (مقاني طيبه) لقاح عليه ان الله احيانا وياكم ابوريكم انتاجها. و شكرا لك و لجميع الاخوان الي شاركو و الي اتصلو.

السلام عليكم

يا اخ مسعود

و االله انا ما عرفت ارسل الصور لك على الخاص و لاكن برسلها لك على ايميلك masaflaj@yahoo.com

و شكرا لك

الاخ/ محمد

لم تظهر الصور

الاخ/ محمد

تم التعديل والعذر والسموحة على التأخير

البعير ما شاء الله كفو واللى بيهده فى ابل واجد مهو متحسف ان شاء الله ولاني بابخص منك يامحمد البعير متعومس والا بتشوفه ازين من ذا الحال\لا تعجل

[align=center]الأخ / محمد
مــــــــــــــــــــــــــــــــــاشاء الله تبـــــــــارك الله
البعير طيب مافيه كلام والله يبارك لك فيه.
أذكر ســـــــــــومه ان كان عليه ســــــــــــوم[/align]

السلام عليكم و رحمه الله و بركاته

اشكر الجميع على المرور و المشاركه براي و النصيحه الي مانستغني عنها و لا عن اصحابها و الله يطول عماركم جميع.

بنسبه لسوم يا اخ محمد بن صنهات البعير ماسيم عندي و لاعقد عرضته للبيع من قبل و لاكن نسمع منك افتح الباب و فالك طيب.

الله يوفقنا و ياكم

لاهنت يامحمد والله يربحك منه انشاءالله

ولا تهون يا محمد مشاري العتيبي و الله يربح الجميع

الأخ / محـــــــــمد الغــريــــري
الســــــــــــــــلام عليـــــــــكم ورحـــمة الــلــــه وبركـــــــــــاته
طلبت منك ذكر سوم البعير حتى اللي يدوّّر له فحل يعرف سومه لأن بعض الناس يكون عنده رغبه في الفحل ولاكن مايبي يسوم على الصوره يريد سوم اللي وقف عليه وشافه وبعدها ان جاز له فرق السوم وهاذا الصحيح وانا أخوك0
أما من ناحيتي مستد من ناحية الفحول ولا يجوز أسوم وأنا ماعندي نيه للشراء0
وأنصحك تبيعه وقت هداد الفحول لامن عصب وقفل0
الله يبارك لك في الطيّب ياطيّب.
تـــــقبــــل تحيــــــــــات أخــــــــــوك / محــــــــــــمـــــــد الدوســــــــــــري